Illegal Immigrants: అమెరికా నుండి భారతీయ వలసదారుల నాల్గవ బ్యాచ్ ఆదివారం భారతదేశానికి చేరుకుంది. వారిని అమెరికా నుండి పనామాకు బహిష్కరించారు. అక్కడి నుంచి పౌర విమానంలో భారత్ కు వారిని పంపించారు. ఈ 12 మందిలో 4 మంది పంజాబ్ కు చెందినవారు. ముగ్గురు ఉత్తరప్రదేశ్‌కు చెందినవారని, మ్కుగ్గురు హర్యానాకు చెందినవారని చెబుతున్నారు. పంజాబ్ నుండి వచ్చిన నలుగురినీ అమృత్ సర్ కు పంపారు.
ఇప్పటివరకు, 344 మంది ఎన్నారైలు నాలుగు బ్యాచ్‌లలో అమెరికా నుండి తిరిగి వచ్చారు. ఫిబ్రవరి 5, ఫిబ్రవరి 15, ఫిబ్రవరి 16 తేదీలలో అమెరికా సైనిక విమానం ద్వారా 332 మందిని చేతులకు సంకెళ్లు వేసి, సంకెళ్ళు వేసి పంపించింది.
Also Read: Shivalayam: డాక్టర్ అయి హాస్పిటల్ కట్టాలనుకున్నాడు.. మరణించడంతో గుడి కట్టించిన తల్లిదండ్రులు
అమెరికా స్టాప్ ఓవర్‌గా పనామాను..
గత వారం, అమెరికా అనేక దేశాల నుండి 299 మంది వలసదారులను పనామాకు బహిష్కరించింది. ఇక్కడ ఈ వ్యక్తులను ఒక హోటల్‌లో నిర్బంధంలో ఉంచారు. భారతదేశంతో పాటు, ఈ వలసదారులలో నేపాల్, శ్రీలంక, పాకిస్తాన్, ఆఫ్ఘనిస్తాన్, చైనా, వియత్నాం, ఇరాన్ నుండి వచ్చిన వారు ఉన్నారు.
అక్రమ వలసదారులను తమ దేశానికి బహిష్కరించడానికి అమెరికా పనామాను ఒక గమ్యస్థానంగా ఉపయోగిస్తోంది. దీనికోసం పనామాతో పాటు, గ్వాటెమాల, కోస్టారికాతో కూడా అమెరికా ఒప్పందం కుదుర్చుకుంది.