Nitish Kumar Reddy: మెల్‌బోర్న్ టెస్ట్ మూడో రోజు నితీష్ కుమార్ రెడ్డి పేరు మీద రికార్డ్ అయిపొయింది. అతను అద్భుత సెంచరీ సాధించాడు. అదే సమయంలో, వాషింగ్టన్ సుందర్ కూడా జట్టు కోసం ఒక ముఖ్యమైన ఇన్నింగ్స్ ఆడాడు. ఈ ఇద్దరు ఆటగాళ్ల మధ్య అద్భుతమైన సెంచరీ భాగస్వామ్యం కనిపించింది. ఈ జోడీ కారణంగా భారత జట్టు రోజంతా బ్యాటింగ్‌లో సఫలమైంది. ఆస్ట్రేలియాలో వాషింగ్టన్ సుందర్ మరోసారి భారీ ఇన్నింగ్స్ ఆడగలిగాడు. 2020-21 ఆస్ట్రేలియా పర్యటన జ్ఞాపకాలను నెమరువేసుకుంటూ, అతను మెల్‌బోర్న్‌లో అద్భుతమైన అర్ధ సెంచరీ చేశాడు.
వాషింగ్టన్ సుందర్ చిరస్మరణీయ అర్ధ సెంచరీ
ఈ ఇన్నింగ్స్‌లో వాషింగ్టన్ సుందర్ బ్యాటింగ్‌లో ముఖ్యమైన, నిలకడైన పరుగులు కనిపించాయి. 9వ స్థానంలో బ్యాటింగ్ చేసిన అతను 162 బంతులు ఎదుర్కొని 50 పరుగులు చేశాడు. వాషింగ్టన్ సుందర్ తన ఇన్నింగ్స్‌లో 1 ఫోర్ మాత్రమే కొట్టాడు అంటే అతను ఎంత జాగ్రత్తగా బ్యాటింగ్ చేశాడో తెలుస్తుంది. దీంతో ఆస్ట్రేలియాలో 9వ స్థానంలో ఆడుతూ అర్ధసెంచరీ సాధించిన మూడో భారతీయ బ్యాట్స్‌మెన్‌గా నిలిచాడు. అదే సమయంలో, 16 సంవత్సరాల తర్వాత, ఆస్ట్రేలియాలో 9వ స్థానంలో ఆడుతూ భారత బ్యాట్స్‌మెన్ అర్ధ సెంచరీ సాధించాడు. ఇంతకు ముందు 2008లో హర్భజన్ సింగ్ ఇలా రెండుసార్లు చేశాడు. అలాగే, 1991లో మెల్‌బోర్న్‌లో, కిరణ్ మోర్ కూడా అదే నంబర్‌తో ఆడుతూ హాఫ్ సెంచరీ చేశాడు.
ఇది కూడా చదవండి: Nitish Kumar Reddy: ఆస్ట్రేలియాపై నితీష్ రెడ్డి సంచలనం.. ఫాలో ఆన్ నుండి గట్టెక్కిన టీమిండియా!
సుందర్-నితీష్ మధ్య ముఖ్యమైన భాగస్వామ్యం
Nitish Kumar Reddy: వాషింగ్టన్ సుందర్, నితీష్ కుమార్ రెడ్డిలు అద్భుతంగా బ్యాటింగ్ చేసి 8వ వికెట్‌కు 127 పరుగులు జోడించారు. నితీష్ – సుందర్ భాగస్వామ్యం కారణంగా, ఫాలో-ఆన్ ప్రమాదం నుండి భారతదేశం బయటపడింది. ఆస్ట్రేలియాలో 8వ వికెట్‌కు భారత జంట సెంచరీ భాగస్వామ్యం నెలకొల్పడం ఇది మూడోసారి మాత్రమే. అదే సమయంలో, ఆస్ట్రేలియాలో భారత నంబర్ 8 – 9 బ్యాట్స్‌మెన్ ఒకే ఇన్నింగ్స్‌లో 50+ పరుగులు చేయడం ఇది రెండోసారి మాత్రమే. గతంలో 2008లో అనిల్ కుంబ్లే, హర్భజన్ సింగ్ ఈ ఘనత సాధించారు.
టీమ్ ఇండియా 350 పరుగులు దాటింది
మూడో రోజు ఆట ముగిసే సమయానికి భారత జట్టు తన తొలి ఇన్నింగ్స్‌లో 9 వికెట్ల నష్టానికి 358 పరుగులు చేయగలిగింది. నితీష్ కుమార్ రెడ్డి 105 పరుగులు చేసి నాటౌట్‌గా ఉండగా, మహ్మద్ సిరాజ్ 2 పరుగులు చేసి నాటౌట్‌గా నిలిచాడు. ఇప్పుడు ఈ జంట నాలుగు రోజుల ఆటలో వీలైనన్ని ఎక్కువ పరుగులు జోడించాల్సి ఉంటుంది. నితీష్ ఫామ్ చూస్తుంటే, సిరాజ్ కొద్దిగా సహాయం చేస్తే భారీ స్కోరు సాధించే అవకాశాలున్నాయి. ఇలా అయితే ఆస్ట్రేలియా ఆధిక్యాన్ని తగ్గించవచ్చు. ప్రస్తుతం భారత జట్టు 116 పరుగులు వెనుకబడి ఉంది. ఆస్ట్రేలియా తన మొదటి ఇన్నింగ్స్‌లో 474 పరుగులు చేసింది.