India First Bullet Train: భారతీయ రవాణా రంగంలో సరికొత్త విప్లవానికి తెరలేచింది. విదేశీ సాంకేతికతపై ఆధారపడకుండా ‘ఆత్మనిర్భర్ భారత్’ స్పూర్తితో దేశీయంగానే తొలి బుల్లెట్ రైలును భారత్ తయారు చేస్తోంది. కర్ణాటకలోని బెంగళూరులో ఉన్న ప్రముఖ ప్రభుత్వ రంగ సంస్థ భారత్ ఎర్త్ మూవర్స్ లిమిటెడ్ (BEML) ప్లాంట్‌లో ఈ హై-స్పీడ్ రైలు కోచ్‌ల తయారీ పనులు శరవేగంగా జరుగుతున్నాయి. దేశపు తొలి స్వదేశీ బుల్లెట్ రైలు బాడీ ఫ్రేమ్ తయారీకి సంబంధించిన ఫొటోలను కేంద్ర రైల్వే మంత్రి అశ్విని వైష్ణవ్ సోషల్ మీడియా వేదికగా పంచుకుంటూ ‘మీరు సిద్ధంగా ఉన్నారా?’ అంటూ పోస్ట్ చేయడం నెట్టింట విపరీతమైన ఆసక్తిని రేకెత్తిస్తోంది.
బుల్లెట్ రైలు ప్రత్యేకతలు.. సాంకేతిక వివరాలు..
భారత వాతావరణ పరిస్థితులు, ప్రయాణికుల అవసరాలకు అనుగుణంగా అత్యాధునిక ఏరోడైనమిక్ డిజైన్‌తో ఈ రైలును తీర్చిదిద్దుతున్నారు:
-
గరిష్ఠ వేగం (Speed): ఈ రైలు గరిష్ఠ టెస్ట్ స్పీడ్ గంటకు 280 కిలోమీటర్లు కాగా, ట్రాక్‌పై ఆపరేషనల్ స్పీడ్ గంటకు 249 కిలోమీటర్లుగా నిర్ణయించారు.
-
రైలు పొడవు & కోచ్‌ల నిర్మాణం: మొత్తం 202 మీటర్ల పొడవుతో 8 కోచ్‌ల కన్ఫిగరేషన్‌తో (4 మోటార్ కార్లు, 4 ట్రైలర్ కార్లు) రైలును రూపొందిస్తున్నారు. భవిష్యత్ రద్దీకి అనుగుణంగా వీటిని 16 కోచ్‌ల రైలుగా అనుసంధానించే (Coupling) సదుపాయం కూడా ఉంటుంది.
-
సీటింగ్ సామర్థ్యం: ఇందులో మొత్తం 557 మంది ప్రయాణించవచ్చు. ప్రయాణికుల కోసం 7 స్టాండర్డ్ క్లాస్ కోచ్‌లు (3×2 సీటింగ్), 1 ఎగ్జిక్యూటివ్ క్లాస్ కోచ్ (2×2 సీటింగ్) ఉంటాయి.
-
ఏరోడైనమిక్ & ఎనర్జీ ఎఫిషియన్సీ: గాలి నిరోధకతను తగ్గించడానికి, సొరంగాల్లో ప్రయాణించేటప్పుడు వచ్చే ఒత్తిడి తరంగాలు, శబ్ద తరంగాలను (Sonic Boom) తగ్గించేందుకు CFD సిమ్యులేషన్స్ ద్వారా నోస్, బాడీ ప్రొఫైల్‌ను డిజైన్ చేశారు. ఇందులో అమర్చిన రీజెనరేటివ్ బ్రేకింగ్ సిస్టమ్ బ్రేకులు వేసినప్పుడు శక్తిని తిరిగి ఉత్పత్తి చేసి విద్యుత్‌ను ఆదా చేస్తుంది.
వరల్డ్ క్లాస్ ప్యాసింజర్ సదుపాయాలు..
-
సరికొత్త ఇంటీరియర్స్: ప్రయాణికులు హాయిగా కూర్చునేలా ఎర్గోనామిక్ సీట్లు, విశాలమైన లెగ్‌రూమ్, ప్రతి సీటు వరుస వద్ద భారీ కిటికీలు, ల్యాప్‌టాప్, మొబైల్ ఛార్జింగ్ పాయింట్లు ఉంటాయి.
-
దివ్యాంగులకు ప్రత్యేక ప్రాధాన్యత: దివ్యాంగులు, శారీరక ఇబ్బందులు ఉన్నవారి (PRM) కోసం రెండు ప్రత్యేక సీట్లు, వీల్‌ఛైర్ ఫ్రెండ్లీ డోర్లు, యాక్సెసిబుల్ బయో-డైజెస్టర్ టాయిలెట్లు, బ్రెయిలీ లిపి సైన్‌బోర్డులు ఏర్పాటు చేశారు.
-
సులభతర ప్రవేశం: ప్లాట్‌ఫారమ్ ఎత్తుకు అనుగుణంగా కోచ్ ఫ్లోర్ ఉండటంతో పాటు, ప్లాట్‌ఫారమ్‌కు రైలుకు మధ్య ఖాళీని తగ్గించేలా ఆటోమేటిక్ రిట్రాక్టబుల్ ఫుట్‌స్టెప్స్ అమర్చారు.
-
సమాచార వ్యవస్థ & ఇన్ఫోటైన్‌మెంట్: కోచ్‌లలో ఇంగ్లిష్, హిందీ, ప్రాంతీయ భాషల్లో సమాచారం తెలిపే ఎల్‌సీడీ డిస్ప్లేలు, ఆటోమేటిక్ అనౌన్స్‌మెంట్లతో పాటు వై-ఫై ఆధారిత ఇన్ఫోటైన్‌మెంట్ సిస్టమ్ అందుబాటులో ఉంటుంది. ఏదైనా అత్యవసరమైతే క్రూతో మాట్లాడేందుకు ఎమర్జెన్సీ టాక్-బ్యాక్ యూనిట్లు ఉంటాయి.
-
శబ్ద నియంత్రణ & క్లైమేట్ కంట్రోల్: ప్రతి కోచ్‌లోనూ రెండు అధునాతన హెచ్‌వీఏసీ (HVAC) ఏసీ యూనిట్లు ఉష్ణోగ్రత, తేమను నియంత్రిస్తాయి. బాడీ ఇన్సులేషన్, సౌండ్ డ్యాంపింగ్ కోటింగ్‌ల ద్వారా బయటి శబ్దం, వైబ్రేషన్లు లోపలికి రాకుండా తగ్గించారు.
పట్టాలపైకి ఎప్పుడు? ముంబై-అహ్మదాబాద్ కారిడార్‌లో సంచలనం!
-
ట్రయల్ రన్ వివరాలు: ప్రస్తుతం రైలు ఫస్ట్ బాడీ ఫ్రేమ్ తయారీ పూర్తయి స్క్వీజ్ టెస్ట్‌కు పంపించారు. ప్రణాళిక ప్రకారం 2027 మే లేదా జూన్ నాటికి ఈ రైలు మొదటి ట్రయల్స్ కోసం పట్టాలపైకి రానుంది. 2 నుంచి 4 నెలల పాటు కఠిన ట్రయల్స్ నిర్వహించిన అనంతరం ప్రధాని నరేంద్ర మోదీ చేతుల మీదుగా వాణిజ్య సేవలను ప్రారంభించనున్నారు.
-
ప్రయాణ సమయం ఆదా: ముంబై-అహ్మదాబాద్ హైస్పీడ్ కారిడార్ పూర్తయితే వడోదర నుంచి ముంబైకి ప్రయాణ సమయం కేవలం 90 నిమిషాలకు (గంటన్నర) తగ్గిపోనుంది. గుజరాత్‌లోని సూరత్-బిలిమోరా మధ్య మొదటి సెక్షన్‌ను ముందుగా ప్రారంభించేందుకు పనులు వేగంగా సాగుతున్నాయి.
ఉత్తర భారతదేశానికి మరో భారీ ప్రాజెక్ట్: ఢిల్లీ-వారణాసి కారిడార్!
ముంబై-అహ్మదాబాద్ ప్రాజెక్ట్‌తో పాటు ఢిల్లీ-వారణాసి నార్తర్న్ బుల్లెట్ రైలు కారిడార్‌కు కూడా కేంద్రం గ్రీన్ సిగ్నల్ ఇచ్చింది. ఈ కారిడార్ అందుబాటులోకి వస్తే నగరాల మధ్య ప్రయాణ సమయం ఊహించని రీతిలో తగ్గనుంది: