Allu Arjun: పుష్ప 2 రిలీజ్ సందర్భంగా సంధ్య థియేటర్ వద్ద జరిగిన ఘటనలో రేవతి అనే మహిళ మరణించిన విషయం తెలిసిందే. ఈ కేసులో అల్లు అర్జున్ (బన్నీ)ను పోలీసులు 11వ ముద్దాయిగా పేర్కొన్నారు. అయితే, ఆయనను అరెస్టు చేసి జైలుకు పంపిన తర్వాత, మధ్యంతర బెయిల్పై బన్నీ బయటకు వచ్చారు.
అప్పుడు మెగాస్టార్ చిరంజీవి బన్నీకి అండగా నిలిచారు. అరెస్టు వార్త అందిన వెంటనే, చిరంజీవి తన షూటింగ్ను రద్దు చేసి, బన్నీని కలిసేందుకు చిక్కడపల్లి పోలీస్ స్టేషన్కు వెళ్లారు. అయితే భద్రతా కారణాల రీత్యా, పోలీసులు చిరంజీవిని స్టేషన్లో అనుమతించలేదు. దీంతో, చిరంజీవి అల్లు అరవింద్ ఇంటికి వెళ్లి, అక్కడ లాయర్లతో బన్నీకి సంబంధించిన విషయాలను చర్చించారు.
ఈ క్రమంలో, బన్నీ జైలు నుండి విడుదలైన తర్వాత, ఆదివారం చిరంజీవి ఇంటికి వెళ్లారు. భార్యతో కలిసి చిరంజీవి ఇంటి వద్ద చేరి, అరెస్టు చేసిన పరిస్థితులపై చిరంజీవితో చర్చించాలని నిర్ణయించుకున్నారు. అనంతరం, చిరంజీవి కుటుంబంతో కలిసి లంచ్ చేయాలని సమాచారం.