Anirudh – Kavya: రాక్‌స్టార్ మ్యూజిక్ డైరెక్టర్ అనిరుధ్ రవిచందర్, సన్‌రైజర్స్ హైదరాబాద్ (SRH) కో-ఓనర్ కావ్య మారన్ నవంబర్ 11న గ్రీస్‌లో పెళ్లి చేసుకున్నప్పటి నుంచి సోషల్ మీడియాలో ఎక్కడ చూసినా వీరి ఫొటోలే ట్రెండ్ అవుతున్నాయి! అయితే ఆ ఫొటోలను గమనించిన నెటిజన్లకు ఒక పెద్ద డౌట్ వచ్చింది. “అదేంటి? పెళ్లిలో పంతులు గారు కనిపించట్లేదు.. మంత్రాలు, హోమాలు లేవు.. పైగా అనిరుధ్, కావ్య ఒకరి మెడలో ఒకరు బంగారు గొలుసులు (Chains) వేసుకుంటున్నారు.. ఇదేం పెళ్లి పద్ధతి?” అంటూ రకరకాల చర్చలు మొదలయ్యాయి.
ఎట్టకేలకు ఈ సస్పెన్స్‌కు తెరదించుతూ డీఎంకే (DMK) ఐటీ వింగ్ కార్యదర్శి డాక్టర్ టి.ఆర్.బి. రాజా అసలు విషయం బయటపెట్టారు. వీరిద్దరూ చేసుకున్నది ‘ఆత్మగౌరవ వివాహం’ (Self-Respect Marriage) అని ఆయన క్లారిటీ ఇచ్చారు!
గ్రీస్ పెళ్లి మండపంలో అసలేం జరిగింది? రజనీకాంత్ చేతుల మీదుగా..!
డాక్టర్ టి.ఆర్.బి. రాజా ఎక్స్ (ట్విట్టర్) వేదికగా పెళ్లి వేడుక విశేషాలను పంచుకున్నారు. అవును.. కావ్య, అనిరుధ్ ఆత్మగౌరవ వివాహం చేసుకున్నారు. ముందుగా ఇద్దరూ పూలమాలలు మార్చుకున్నారు. ఆ తర్వాత #Thalaivar (ఎం.కె. స్టాలిన్) కావ్యకు ఒక గొలుసు అందించగా, #Superstar (రజనీకాంత్) అనిరుధ్‌కు మరో గొలుసు అందించారు. వధూవరులిద్దరూ ఒకరి మెడలో ఒకరు గొలుసులు వేసుకుని, బంధుమిత్రుల ఆశీస్సులతో కొత్త జీవితాన్ని ప్రారంభించారు అని ఆయన పోస్ట్ చేశారు. సాధారణ సంప్రదాయ పెళ్లిళ్లకు భిన్నంగా, చాలా సింపుల్‌గా, సమానత్వంతో కూడిన ఈ వివాహ తంతు ఇప్పుడు Gen-Z యూత్‌ను విపరీతంగా ఆకట్టుకుంటోంది.
అసలేంటి ఈ ‘ఆత్మగౌరవ వివాహం’ (Self-Respect Marriage)?
మనలో చాలామందికి ఈ పెళ్లి పద్ధతి గురించి అంతగా తెలియదు. దీని వెనుక పెద్ద చరిత్రే ఉంది..
పెరియార్ ఉద్యమం నుంచి పుట్టింది: తమిళనాడుకు చెందిన ప్రముఖ సంఘ సంస్కర్త పెరియార్ ఇ.వి. రామస్వామి 1920లలో ప్రారంభించిన ‘ఆత్మగౌరవ ఉద్యమం’ (Self-Respect Movement) నుంచి ఈ వివాహ పద్ధతి పుట్టుకొచ్చింది.
మంత్రాలు, పురోహితులు ఉండరు: పెళ్లిళ్లలో కుల వివక్ష, ఆర్భాటాలు, మత పెద్దల పాత్రను వ్యతిరేకిస్తూ పెరియార్ ఈ పద్ధతిని తీసుకొచ్చారు. ఇందులో పురోహితుడు గానీ, వేద మంత్రాలు, హోమాలు, సప్తపది (ఏడు అడుగులు) లాంటి సంప్రదాయ ఆచారాలు గానీ అస్సలు ఉండవు.
సమానత్వమే ప్రధానం: బంధువులు, స్నేహితుల సమక్షంలో వధూవరులిద్దరూ తమ ఇష్టపూర్వకంగా జీవిత భాగస్వాములుగా మారుతున్నట్లు ప్రకటించుకుంటూ పూలమాలలు, ఉంగరాలు లేదా గొలుసులు మార్చుకుంటారు. ఇక్కడ అమ్మాయి, అబ్బాయి ఇద్దరూ సమానమే అనే భావనకు పెద్దపీట వేస్తారు.
ఈ పెళ్లికి చట్టబద్ధత ఉందా?