అప్పటికి.. ఇప్పటికి ఎంత తేడానో కదా!
ఒకప్పుడు ఒక సినిమా రిలీజ్ అవుతుందంటే వాతావరణం వేరుగా ఉండేది. ఉదాహరణకు, చిరంజీవి సినిమా రిలీజ్ అయినప్పుడు బాలకృష్ణ ఫ్యాన్స్ కావాలని నెగెటివ్ టాక్ స్ప్రెడ్ చేసేవాళ్లు. అలాగే బాలయ్య సినిమాకు చిరు ఫ్యాన్స్ చేసేవాళ్లు. కానీ అప్పుడు సాధారణ ప్రేక్షకులకు ఇవేమీ పట్టేవి కావు. వాళ్లు థియేటర్‌కు వెళ్లి సినిమా చూసి, బాగుంటే హిట్ చేసేవాళ్లు. అంటే, అప్పట్లో సినిమా బతకడానికి కనీసం ‘ఊపిరి తీసుకునే గ్యాప్’ (Breathing Space) దొరికేది. కానీ ఇప్పుడు ఆ గ్యాప్ ఎక్కడా కనిపించడం లేదు.
అంతా ‘రీచ్’ కోసమే పడే ఆరాటం.. నెగెటివిటీనే పెట్టుబడి!
ఇప్పుడు ట్రెండ్ పూర్తిగా మారిపోయింది. సినిమా ఫస్ట్ డే ఫస్ట్ షో పడకముందే, ప్రీమియర్ షోస్ నుంచే ట్రోలింగ్ మొదలైపోతోంది. ఆ హీరోకు సంబంధించిన హార్డ్‌కోర్ ఫ్యాన్స్ తప్ప, మిగతా వాళ్లంతా సినిమాలో తప్పులు వెతకడానికే థియేటర్‌కు వెళ్తున్నారేమో అన్నట్టుగా తయారైంది పరిస్థితి.
లైవ్ ట్వీటింగ్: సినిమా చూస్తూ ఎంజాయ్ చేయడం మానేసి, థియేటర్ నుంచే ట్విట్టర్ (X) లో సీన్ టు సీన్ లైవ్ అప్‌డేట్స్ ఇస్తూ.. నెగెటివిటీ స్ప్రెడ్ చేస్తున్నారు.
కారణం ఏంటి?: చాలా సింపుల్! ఇప్పుడున్న సోషల్ మీడియాలో పాజిటివ్ విషయాల కంటే నెగెటివ్ విషయాలకే ‘రీచ్’ (Reach) ఎక్కువ వస్తుంది. ఒక పెద్ద సినిమా రిలీజ్ అవ్వగానే, ఎవరో ఒకరు నెగెటివ్ ట్వీట్ వేస్తే దానికి వేలల్లో లైక్‌లు, వ్యూస్ వస్తాయి. ఆ రీచ్ మిస్ అవ్వకూడదని మిగతా మీమ్ పేజీలు, అకౌంట్లు కూడా పనిగట్టుకుని నెగెటివిటీ స్ప్రెడ్ చేసేస్తున్నాయి.
యూట్యూబ్ రివ్యూవర్స్ కూడా అదే దారిలో..
ఇక యూట్యూబ్ రివ్యూవర్స్ గురించి ప్రత్యేకంగా చెప్పాల్సిన పనేలేదు. ఉన్నది ఉన్నట్లుగా బ్యాలెన్స్‌డ్‌గా రివ్యూ ఇస్తే వాళ్ల వీడియోలు ఎవరూ చూడరు. అదే సినిమాను దారుణంగా ట్రోల్ చేస్తూ, చీల్చి చెండాడితే వ్యూస్ లక్షల్లో వస్తాయి. అందుకే వాళ్లు కూడా సినిమాలో తప్పులను భూతద్దంలో పెట్టి మరీ చూపిస్తున్నారు. దీంతో సినిమా రిలీజైన ఫస్ట్ వీకెండ్ అంటేనే మేకర్స్ వణికిపోతున్నారు. ఎంతలా అంటే.. కనీసం ఇన్‌స్టాగ్రామ్ ఓపెన్ చేసి కామెంట్స్ చదవాలంటేనే హీరోలు, డైరెక్టర్లు భయపడే పరిస్థితి వచ్చేసింది.
కానీ.. తప్పు మొత్తం సోషల్ మీడియాదేనా?
సోషల్ మీడియాను మాత్రమే తప్పుబట్టడానికి లేదు. సినిమాలో కంటెంట్ వీక్‌గా ఉంటే, ప్రేక్షకులకు బోర్ కొడితే.. ట్రోలర్స్‌కు కావాల్సినంత మసాలా దొరికినట్లే. కంటెంట్ బాలేనప్పుడు ఎన్ని పెయిడ్ బ్యాచ్‌లను పెట్టి పాజిటివ్ ట్వీట్లు వేయించినా సినిమాను ఎవరూ కాపాడలేరు.
మేకర్స్ చేస్తున్న అతి పెద్ద తప్పులు ఇవే: ప్రీమియర్స్ & రేట్ల పెంపు
ఇటీవల కాలంలో మేకర్స్ చేస్తున్న అతిపెద్ద ప్రయోగం.. రిలీజ్‌కు ముందే పెయిడ్ ప్రీమియర్స్ వేయడం, దానికి తోడు టికెట్ రేట్లు అమాంతం పెంచేయడం. ఇదివరకే వచ్చిన ‘పెద్ది’, ‘టాక్సిక్’ సినిమాల విషయంలో ఇదే జరిగింది.. ఇప్పుడు ‘ది ప్యారడైజ్’ విషయంలోనూ అదే రిపీట్ అయింది.
ఆడియన్స్ ఫ్రస్ట్రేషన్: మేకర్స్ దృష్టిలో టికెట్ రేటు పెంచడం చిన్న విషయమే కావొచ్చు. కానీ ప్రేక్షకుడి మైండ్‌సెట్ అక్కడే మారిపోతుంది. “ఒకవైపు నెల తిరిగేసరికి ఓటీటీలో ఫ్రీగా వచ్చే సినిమా కోసం నేను థియేటర్‌కు వచ్చి.. అందులోనూ ఎక్స్‌ట్రా రేటు పెట్టి మరీ చూస్తున్నాను.. సరే ఈ సినిమాలో ఏముందో చూస్తా” అని కాలు మీద కాలు వేసుకుని కూర్చుంటున్నాడు.
ప్రేక్షకుల సహనం ఇప్పుడు చాలా తగ్గిపోయింది. సినిమా ఏమాత్రం అంచనాలను అందుకోకపోయినా.. వాళ్ల ఫ్రస్ట్రేషన్ డబుల్ అయిపోతుంది. మామూలుగా అయితే ఇగ్నోర్ చేయాల్సిన చిన్న చిన్న తప్పులు కూడా, వాళ్లు పెట్టిన డబ్బుల వల్ల పెద్ద బ్లండర్స్‌గా కనిపిస్తాయి. దాంతో క్షణాల్లో డిజాస్టర్ టాక్ స్ప్రెడ్ అయిపోతోంది.
ఫైనల్ కంక్లూజన్..
సోషల్ మీడియా యుగంలో కంటెంట్ లోపాలున్న ఏ సినిమాకైనా విమర్శలు తప్పవు. కానీ ప్రీమియర్ షోస్ సమయంలో నెగెటివిటీ వ్యాపించే వేగం మాత్రం ఇప్పుడు ఊహకందని స్థాయిలో ఉంది. కాబట్టి నిర్మాతలు కళ్లు తెరుచుకోవాలి. తమ కంటెంట్ మీద 200% నమ్మకం ఉంటే తప్ప, ఈ ఎక్స్‌ట్రా రేట్లతో ప్రీమియర్స్ వేసే సాహసం చేయకూడదు. ఆ కాన్ఫిడెన్స్ లేనప్పుడు ప్రీమియర్స్ జోలికి వెళ్లకపోవడమే మంచిది. లేదంటే ఆ ప్రీమియర్ షోలే సినిమా పాలిట అతిపెద్ద శత్రువుగా మారి కోట్లు ముంచేస్తాయి!
