Pawan Kalyan: రంగంలోకి కుంకీ ఏనుగులు.. చిత్తూరులో ఆపరేషన్ గజ..!

ఊళ్లలోకి వచ్చిన ఏనుగులను వెనక్కి పంపేందుకు ముసలమడుగు క్యాంప్ నుంచి ప్రత్యేక శిక్షణ పొందిన కుంకీ ఏనుగులను రప్పించి ఆపరేషన్ చేపట్టాలని సూచించారు. అటవీ శాఖతో పాటు హనుమాన్ టీమ్స్, పోలీసులు, రెవెన్యూ, కరెంట్ శాఖల అధికారులు కలిసి పని చేయాలని చెప్పారు. ఏనుగుల కదలికలను ఎప్పటికప్పుడు గమనించేలా ఏర్పాట్లు చేయాలన్నారు. ఎక్కడైనా కరెంట్ వైర్లు తగిలి ఏనుగులకు ప్రమాదం జరగకుండా విద్యుత్ శాఖ అధికారులు చూసుకోవాలని చెప్పారు.రాత్రి సమయాల్లో ఏనుగులు వస్తే ఊరి ప్రజలు జాగ్రత్తగా ఉండేలా మైకులు, సైరన్ల ద్వారా ముందే సమాచారం ఇవ్వాలన్నారు.

గత 15 రోజులుగా 11 ఏనుగుల పెద్ద గుంపు, వాటి నుంచి విడిపోయిన మరో రెండు ఏనుగులు పడిపుట్లబైలు దగ్గర్లోని పుండ్లవల్లపల్లి, నడింపల్లి, కొండకిందపల్లి ప్రాంతాల్లో తిరుగుతున్నాయి. చేతికొచ్చిన పంటలను తొక్కి పాడుచేస్తుండటంతో రైతులు లబోదిబోమంటున్నారు.

ప్రస్తుతం పెద్ద గుంపు రోడ్డు దాటి మంగళంపేట వైపు, మిగిలిన రెండు ఏనుగులు చిత్తూరు వైపు వెళ్తున్నాయని అధికారులు చెప్పారు. దీనివల్ల పాకాల, పులిచెర్ల, చంద్రగిరి ప్రాంతాల ప్రజలు జాగ్రత్తగా ఉండాలని సూచించారు.

ఏనుగుల వల్ల పంటలు పోయిన రైతుల వివరాలను అధికారులు వెంటనే సేకరించాలని, నిబంధనల ప్రకారం వీలైనంత త్వరగా వారికి నష్టపరిహారం అందేలా చూడాలని పవన్ కళ్యాణ్ ఆదేశించారు.

ప్రజల రక్షణ, పంటలను కాపాడటం, ఏనుగులను సురక్షితంగా అడవికి పంపడంపై అధికారులు బాధ్యతతో పనిచేయాలని ఆయన స్పష్టం చేశారు.

ఏనుగుల సంచారం పట్ల నిరంతరం అప్రమత్తంగా వ్యవహరించాలి

•మానవ–ఏనుగు ఘర్షణలు తలెత్తకుండా ముందస్తు జాగ్రత్తలు తీసుకోవాలి
•అడవిలోకి మళ్లించేందుకు ఏర్పాట్లు చేయండి
• ⁠కుంకీ ఏనుగులని రంగంలోకి దించండి
•హనుమాన్ బృందాలు, పోలీసు, రెవెన్యూ సహకారంతో ఏనుగుల సంచారంపై నిరంతర నిఘా
•ఏనుగుల…

— Deputy CMO, Andhra Pradesh (@APDeputyCMO) September 28, 2026