Suriya-Jyothika: సినిమా ఇండస్ట్రీ లో ఆదర్శ దంపతులుగా పేరుగాంచిన స్టార్ జోడీ సూర్య – జ్యోతిక తమ 20 ఏళ్ల వైవాహిక బంధాన్ని వినూత్నంగా, అత్యంత వైభవంగా సెలబ్రేట్ చేసుకున్నారు. 2006 సెప్టెంబర్ 11న హిందూ సంప్రదాయంలో ఒక్కటైన ఈ జంట.. రెండు దశాబ్దాల సుదీర్ఘ ప్రయాణం తర్వాత క్రిస్టియన్ పద్ధతిలో చర్చి వేదికగా మళ్లీ పెళ్లి ప్రమాణాలు (Wedding Vows) పునరుద్ధరించుకుని అందరినీ ఆశ్చర్యపరిచారు. ఈ వేడుకకు సంబంధించిన ఫొటోలు, వీడియోలు ప్రస్తుతం సోషల్ మీడియాలో వైరల్ అవుతున్నాయి.
వరుస ఫ్లాపుల అనంతరం ఇటీవల ‘కరుప్పు’, ‘విశ్వనాథ్ అండ్ సన్స్’ సినిమాలతో వరుస బ్లాక్బస్టర్ హిట్లు అందుకున్న సూర్య.. ఈ డబుల్ సక్సెస్ ఆనందంలో కుటుంబ సమక్షంలో వివాహ వార్షికోత్సవాన్ని జరుపుకున్నారు.
చర్చిలో ఉంగరాలు మార్చుకున్న జంట – తెల్లటి గౌనులో జ్యోతిక..
కుటుంబ సభ్యులు, అత్యంత సన్నిహితుల సమక్షంలో చర్చిలో ఈ ప్రత్యేక కార్యక్రమం జరిగింది. సూర్య, జ్యోతిక మరోసారి ఉంగరాలు మార్చుకుని తమ దాంపత్య బంధాన్ని నెమరువేసుకున్నారు. జ్యోతిక తెల్లటి పెళ్లి గౌను ధరించి చర్చిలోకి అడుగుపెడుతున్న సమయంలో సూర్య భావోద్వేగానికి గురైన దృశ్యాలు అభిమానులను కట్టిపడేశాయి. ఈ వేడుకలో వారి పిల్లలు దియా, దేవ్లతో పాటు సూర్య సోదరుడు, నటుడు కార్తీ ప్రత్యేక ఆకర్షణగా నిలిచారు.
‘The Sequel’.. జ్యోతిక ఎమోషనల్ పోస్ట్..
ఈ ప్రత్యేక సందర్భాన్ని పురస్కరించుకుని జ్యోతిక సోషల్ మీడియాలో ఒక సుదీర్ఘమైన, హృద్యమైన పోస్ట్ను పంచుకున్నారు:
-
అసంపూర్ణతలే మా అందం:“ఇది ఓ పరిపూర్ణ వివాహానికి జరుపుకునే వేడుక కాదు. లోటుపాట్లు, సర్దుబాట్లు, అవగాహన, త్యాగాలు, నిస్వార్థ ప్రేమకు ప్రతీక. నన్ను నాకంటే ఎక్కువగా గౌరవించే వ్యక్తి చేతుల్లో ప్రతి రోజూ మేల్కొనడం ఓ గొప్ప వరం.”
-
సూర్య నా ప్రాణస్నేహితుడు:“నీతో గొడవపడి, మళ్లీ రాజీపడుతూ నీకు మరింత దగ్గరయ్యే అసంపూర్ణమైన భార్యగానే ఉంటానని మాటిస్తున్నా. అన్నింటికంటే ఎక్కువగా మన స్నేహాన్ని కాపాడుకుంటా. నా కబుర్ల భాగస్వామి, రహస్యాలు పంచుకునే ప్రాణస్నేహితుడివి నువ్వే. రాబోయే మరో 20 ఏళ్ల ప్రయాణానికి సిద్ధం” అంటూ పేర్కొన్నారు.
సోషల్ మీడియాలో మిశ్రమ స్పందన..
ఈ వేడుక దృశ్యాలు చూసి అభిమానులు మురిసిపోతూ శుభాకాంక్షలు తెలుపుతుండగా, మరోవైపు నెటిజన్ల నుంచి విమర్శలు కూడా వ్యక్తమవుతున్నాయి.
-
మతపరమైన వివాదం:సూర్య, జ్యోతిక ఇద్దరూ హిందువులని, జ్యోతిక తండ్రి చందర్ సదానా హిందువు కాగా, తల్లి సీతా సదానా ముస్లిం అని, మొదటి నుంచీ హిందూ సంప్రదాయాలను పాటిస్తున్న వీరు ఇప్పుడు క్రిస్టియన్ పద్ధతిలో చర్చిలో పెళ్లి చేసుకోవడం ఏంటంటూ కొందరు నెటిజన్లు అభ్యంతరం వ్యక్తం చేస్తున్నారు.
-
అయినప్పటికీ, ఒకరిపై ఒకరికి ఉన్న అంకితభావం, ప్రేమను ప్రతిబింబిస్తూ చేసుకున్న ఈ సెలబ్రేషన్ ప్రస్తుతం కోలీవుడ్ వర్గాల్లో హాట్ టాపిక్గా మారింది.