Viral News: 200 ఏళ్ల తర్వాత తొలిసారిగా ఓ ఆడపిల్ల జన్మించింది..!

దహిఫాలే వంశంలో గత ఐదు తరాలుగా కేవలం మగపిల్లలే పుడుతూ వచ్చారు తప్ప ఒక్క ఆడపిల్ల కూడా జన్మించలేదు. దీంతో తమ వంశంలో ఆడపిల్ల లేదన్న లోటు ఆ కుటుంబాన్ని తరతరాలుగా వెంటాడింది.

చిన్నారికి ‘గార్గి’ అని నామకరణం చేశారు. పాప రాకతో మురిసిపోయిన తాత లింబాజీ దహిఫాలే మాట్లాడుతూ.. “మా కుటుంబంలో ఆడపిల్ల లేదనే తీరని బాధ ఉండేది. ఈరోజు గార్గి రాకతో మా చిరకాల కోరిక నెరవేరింది. లక్ష్మీదేవిలాంటి నా మనవరాలిని సంగీత వాయిద్యాల నడుమ, రథంపై కూర్చోబెట్టి ఇంటికి తీసుకురావడం నా జీవితంలోనే అత్యంత అదృష్టవంతమైన క్షణం” అంటూ భావోద్వేగానికి లోనయ్యారు.

పాప తండ్రి మాట్లాడుతూ.. “చాలామంది మగ సంతానం కావాలని కోరుకుంటారు, కానీ ఇంట్లో ఆడపిల్ల అడుగుపెట్టినప్పుడు కలిగే అనుభూతి, ఆనందం మాటల్లో చెప్పలేనిది. ఆడపిల్లలు తండ్రిపై చూపించే ప్రేమ, ఆప్యాయత ఎంతో గొప్పవి. మా ఇంటి మహాలక్ష్మిని కళ్లలో పెట్టుకుని, ఒక పువ్వులా అత్యంత గారబంగా పెంచుకుంటాం” అని ఆనందం వ్యక్తం చేశారు.

ఆసుపత్రి నుంచి ఇంటికి చేరుకునే మార్గమంతా కుటుంబ సభ్యులు, బంధువులు రోడ్లపై భజనలు చేస్తూ, డప్పు చప్పుళ్లకు అనుగుణంగా డ్యాన్సులు చేస్తూ ఊరేగింపు నిర్వహించారు. ఆడపిల్ల పుట్టుకను ఒక పండుగలా జరుపుకుని, ఆమె రాకను చిరస్మరణీయం చేసిన ఈ ఘటన ఆడపిల్లల ప్రాధాన్యతను చాటుతూ సమాజానికి సరికొత్త స్ఫూర్తిని నింపుతోంది.

WATCH: A girl child born into Beed’s Dahiphale family has brought extraordinary joy after relatives said no girl had been born in the family for nearly 200 years. The newborn was taken home from hospital in a decorated chariot amid drums, fireworks and sweets. pic.twitter.com/aBDNlYA9Df

— Varad Bhatkhande | Journalist (@VaradBhatkhande) September 2, 2026