Meghana: ఆమె నాకు పెట్టింది గోరుముద్దలు కాదు.. విషపు ముద్దలు..!

• కొడుకు సమస్య తెలిసి కూడా పెళ్లి: జోగి రమేశ్ దంపతులను నా సొంత తల్లిదండ్రుల్లా భావించాను. కొడుకు మానసిక/వ్యక్తిగత సమస్య ఏంటో తెలిసి కూడా అత్తగారు నాకు పెళ్లి చేశారు. నాకు గోరుముద్దలు తినిపించానని ఆయన చెబుతున్నారు.. కానీ ఆమె నాకు పెట్టింది గోరుముద్దలు కాదు, విషపు ముద్దలు. నా పుట్టింటిది రాజకీయ నేపథ్యం లేని సాధారణ వ్యాపార కుటుంబం.
• మతం దాచి వివాహం: పెళ్లికి ముందు తాము హిందువులమని చెప్పారు. కానీ పెళ్లయ్యాక తెలిసింది వారు క్రైస్తవం పాటిస్తున్నారని. క్రైస్తవం పాటించడం తప్పుకాదు.. కానీ నిజాన్ని దాచిపెట్టి మోసపూరితంగా పెళ్లి చేయడం ముమ్మాటికీ తప్పే. ఇంట్లో కనీసం పూజ గది కూడా లేదు. పైగా అత్తగారు హిందూ దేవుళ్లపై అభ్యంతరకర వ్యాఖ్యలు చేసేవారు.
• పెళ్లయిన 2 నెలలకే విడాకుల కేసు: నన్ను ఎలాగైనా వదిలించుకోవాలని కుట్రలు పన్నారు. పెళ్లయిన రెండు నెలలకే నా భర్త రాజీవ్ నాపై ‘నల్ అండ్ వాయిడ్’ (వివాహ రద్దు) పిటిషన్ దాఖలు చేశారు. ఆ విషయం నాకు చాలా ఆలస్యంగా తెలిసింది. అయితే ఆ విడాకుల పిటిషన్‌ను న్యాయస్థానం కొట్టివేసింది.

కేసు పెట్టవద్దని మధ్యవర్తిత్వాలు – వైఎస్ జగన్‌నూ కలవాలని చూశాం..

1. రాజకీయ జోక్యాలు & రాజీ ప్రయత్నాలు: నాకు న్యాయం జరగాలని మైలవరం ఎమ్మెల్యే వసంత కృష్ణప్రసాద్ వద్దకు వెళ్లగా.. ఆయన మంచి సలహాలు ఇచ్చి అండగా ఉంటామని చెప్పారు. అనంతరం సీపీ వద్దకు ఫిర్యాదు చేయడానికి వెళ్లినప్పుడు కేసు పెట్టవద్దంటూ లాయర్ల ద్వారా చర్చలు జరిపారు. ఆ తర్వాత సజ్జల రామకృష్ణారెడ్డి వద్ద సెటిల్ చేసుకుందామని పిలిపించారు. రాజీపడాలని సజ్జల సూచించినా.. జోగి రమేశ్ కేవలం కాలయాపన చేశారు తప్ప పరిష్కారం చూపలేదు.
2. ఆధారాలన్నీ పోలీసులకు అందజేశా: వైఎస్ జగన్ మోహన్ రెడ్డిని కూడా కలిసి నా గోడు వెళ్లబోసుకోవాలని ప్రయత్నించాం కానీ కలవడం సాధ్యం కాలేదు. ఎఫ్‌ఐఆర్‌లో పేర్కొన్న ప్రతి అంశానికి నా వద్ద పక్కా ఆధారాలు ఉన్నాయి. వాటన్నింటినీ ఇప్పటికే పోలీసులకు సమర్పించాను, సరైన సమయం వచ్చినప్పుడు ప్రజాక్షేత్రంలోనూ ఉంచుతాను అని మేఘన స్పష్టం చేశారు.