Ramayana Release: విదేశాల్లోనే రెండు రోజుల ముందు.. ఇండియాలో ఆదివారం సినిమా రిలీజ్

Ramayana Release: ఇండియన్ సినిమా ఇండస్ట్రీలో అత్యంత ప్రతిష్టాత్మకంగా తెరకెక్కుతున్న విజువల్ వండర్ ‘రామాయణం’ (Ramayana) విడుదల తేదీల విషయంలో జరుగుతున్న ప్రచారానికి నిర్మాత నమిత్ మల్హోత్రా ముగింపు పలికారు. ఈ సినిమా మన దేశంలో విడుదల కావడానికి రెండు రోజుల ముందే విదేశాల్లో ప్రేక్షకుల ముందుకు రాబోతుండటం ఇప్పుడు సోషల్ మీడియాలో హాట్ టాపిక్‌గా మారింది.

ఈ విజువల్ ఎపిక్‌ను అంతర్జాతీయ మార్కెట్‌లో నవంబర్ 6న విడుదల చేస్తుండగా, ఇండియాలో మాత్రం దీపావళి పండుగను పురస్కరించుకుని నవంబర్ 8న థియేటర్లలోకి తీసుకురావడానికి ప్లాన్ చేస్తున్నారు.

ఈ రెండు రోజుల తేడాపై ప్రైమ్ ఫోకస్ ప్రొడ్యూసర్ నమిత్ మల్హోత్రా స్పందిస్తూ క్లారిటీ ఇచ్చారు..

అయితే రెండు రోజుల ముందే విదేశాల్లో రిలీజ్ కావడం వల్ల పైరసీ ప్రింట్లు బయటకు వస్తాయేమోనని అభిమానులు కొద్దిగా ఆందోళన చెందుతున్నారు.

‘దంగల్’ ఫేమ్ నితీష్ తివారీ దర్శకత్వంలో దాదాపు రూ. 4,000 కోట్ల భారీ బడ్జెట్‌తో రెండు భాగాలుగా ఈ సినిమాను రూపొందిస్తున్నారు.. ఈ సినిమాలో శ్రీరాముడిగా రణ్‌బీర్ కపూర్, సీతాదేవిగా సాయి పల్లవి, రావణాసురుడిగా కన్నడ రాకింగ్ స్టార్ యశ్ కనిపించనున్నారు. అలాగే హనుమంతుడిగా సన్నీ డియోల్, లక్ష్మణుడిగా రవి దూబే, శూర్పణఖగా రకుల్ ప్రీత్ సింగ్, మండోదరిగా కాజల్ అగర్వాల్ నటిస్తున్నారు.

హాలీవుడ్ లెజెండరీ మ్యూజిక్ డైరెక్టర్ హన్స్ జిమ్మర్, ఇంకా ఇండియన్ మ్యూజిక్ డైరెక్టర్ ఏఆర్ రెహమాన్ కలిసి ఈ సినిమాకు బ్యాక్‌గ్రౌండ్ స్కోర్ అందించనున్నారు. సోనీ పిక్చర్స్ భాగస్వామ్యంతో ప్రపంచవ్యాప్తంగా ఏకంగా 59,000 స్క్రీన్లలో (ఇండియా ఇంకా విదేశాలు కలిపి) ప్రదర్శించడానికి నిర్మాతలు భారీ ఏర్పాట్లు చేస్తున్నారు.

ఇటీవలే విడుదలైన ఈ సినిమా ట్రైలర్ కేవలం 5 రోజుల్లోనే 100 కోట్లకు పైగా వ్యూస్ సాధించి గ్లోబల్ రికార్డు సృష్టించింది. ఈ సినిమా ఆస్కార్ వేదికపై గుర్తింపు తెచ్చుకుంటే భారతదేశానికే ఎంతో గొప్ప గౌరవమని ప్రొడ్యూసర్ నమిత్ మల్హోత్రా ఆశాభావం వ్యక్తం చేశారు.