Korean Kanakaraju Trailer: మెగా ప్రిన్స్ వరుణ్ తేజ్ కథానాయకుడిగా నటిస్తున్న సరికొత్త సినిమా ‘కొరియన్ కనకరాజు’. ‘వెంకటాద్రి ఎక్స్ప్రెస్’, ‘ఎక్స్ప్రెస్ రాజా’ వంటి బ్లాక్బస్టర్ ఎంటర్టైన్మెంట్ సినిమాల అందించిన దర్శకుడు మేర్లపాక గాంధీ ఈ సినిమాని డైరెక్షన్ చేశారు. ఈ నెల 7వ తేదీన సినిమా ప్రపంచవ్యాప్తంగా థియేటర్లలో విడుదల కానున్న నేపథ్యంలో మూవీ టీమ్ ప్రొమోషన్స్ లో జోరు పెంచింది.
ఈ క్రమంలోనే, శనివారం ఈ సినిమా ట్రైలర్ని మెగా పవర్ స్టార్ రామ్ చరణ్ అధికారికంగా విడుదల చేశారు.
కథేంటి? ట్రైలర్ ఎలా ఉందంటే..
ట్రైలర్ ఆద్యంతం అవుట్ అండ్ అవుట్ హారర్, యాక్షన్, వినోదాల మేళవింపుగా సాగింది. సత్య కామెడీ సీన్తో ప్రారంభమయ్యే ఈ ట్రైలర్ ప్రేక్షకులను క్షణం కూడా పక్కకు తిప్పుకోకుండా కట్టిపడేస్తుంది.
-
పెంట్లకోన నుంచి కొరియా దాకా: పెనుకొండ ప్రాంతానికి చెందిన ఒక అల్లరి చిల్లర సీమ కుర్రాడు.. కియా (KIA) కార్ల తయారీ ప్లాంట్లో పనిచేసే అమ్మాయితో (రితికా నాయక్) ప్రేమలో పడతాడు. అయితే అనుకోకుండా అతని శరీరంలోకి ఒక మోస్ట్ వాంటెడ్ కొరియన్ గ్యాంగ్స్టర్ (రౌడీ) ఆత్మ ప్రవేశిస్తుంది.
-
వరుణ్ తేజ్ వైవిధ్యమైన నటన: సీమ యాస మాట్లాడే అమాయక కుర్రాడిగా, ఆ తర్వాత క్రూరమైన కొరియన్ గ్యాంగ్స్టర్గా వరుణ్ తేజ్ రెండు వేర్వేరు పాత్రల్లో జీవించేశారు. బాడీ లాంగ్వేజ్, డైలాగ్ డెలివరీలో చూపించిన వైవిధ్యం సినిమాపై అంచనాలను ఒక్కసారిగా పెంచేసింది.
థమన్ మ్యూజిక్.. ‘RRR’ రేంజ్ యాక్షన్ సీక్వెన్స్!
దర్శకుడు మేర్లపాక గాంధీ కథను కేవలం హారర్కే పరిమితం చేయకుండా.. రొటీన్కు భిన్నంగా కామెడీ, సూపర్ నేచురల్ సస్పెన్స్, స్టైలిష్ యాక్షన్లను మిక్స్ చేసి ఆకట్టుకున్నారు. కమెడియన్ సత్య తన మార్క్ టైమింగ్తో నవ్వుల పూయించగా, కథానాయిక రితికా నాయక్ గ్లామరస్గా కనిపించింది. మనోజ్ రెడ్డి కటసాని కెమెరా పనితనం విజువల్స్ను చాలా గ్రాండ్గా చూపించగా, యంగ్ తరంగ్ ఎస్. థమన్ అందించిన బ్యాక్గ్రౌండ్ స్కోర్ (BGM) ట్రైలర్కు ప్రాణం పోసింది. UV క్రియేషన్స్, ఫస్ట్ ఫ్రేమ్ ఎంటర్టైన్మెంట్స్ నిర్మాణ విలువలు అత్యున్నత స్థాయిలో ఉన్నాయి. కచ్చితంగా థియేటర్లలో ప్రేక్షకులకు మైండ్ బ్లోయింగ్ ఎంటర్టైన్మెంట్ అందించే ‘బ్లాక్బస్టర్ పొటెన్షియల్’ ఈ ట్రైలర్లో పుష్కలంగా కనిపిస్తోంది!