Gold Rate:బంగారం ఈ మాట వినగానే మన దేశంలో అందరి కళ్లూ మెరుస్తాయి. అలంకరణ కోసం మహిళలతో పాటు పురుషులు కూడా బంగారం కొనాలని తహతహలాడతారు. వీలైనప్పుడల్లా బంగారం కొని దాచుకుంటే ఆపదకాలంలో ఆడుకుంటుంది అని ఎక్కువ మంది భావిస్తారు. ఇక పెళ్లిళ్ల వంటి శుభసందర్భాల్లో బంగారం లేకుండా కార్యక్రమం జరగదు. వధూవరులకు చేయించే నగల దగ్గర నుంచి కానుకలుగా ఇరు కుటుంబాల మధ్యలో బంగారం ఇచ్చి పుచ్చుకోవడం జరుగుతుంది. అందుకే మన దేశంలో బంగారానికి విపరీతమైన డిమాండ్.
అయితే, బంగారం ధరలు ఎప్పటికప్పుడు మారిపోతూ ఉంటాయి. ఉదయం ఉన్న ధర సాయంత్రానికి మారిపోతుంది. దీనికి చాలా కారణాలు ఉన్నాయి. వాటిలో ప్రధానమైనది అంతర్జాతీయంగా వచ్చే మార్పులు. ఉదాహరణకి ఎక్కడైనా యుద్ధ వాతావరణం లేదా ఏ దేశంలోనైనా రాజకీయ పరిణామాలు మారె పరిస్థితి ఉంటే కూడా బంగారం ధరలు ప్రభావితం అవుతాయి. అలాగే, ప్రపంచవ్యాప్తంగా ఉన్న డిమాండ్ కూడా ధరలు మారడానికి కారణంగా ఉండొచ్చు. అలాగే స్థానికంగా కూడా ఉండే డిమాండ్ ఆధారంగా ఆయా నగరాల్లో బంగారం ధరల్లో మార్పులు చేర్పులు వచ్చే అవకాశం ఉంటుంది. అటువంటి పరిస్థితుల్లో బంగారం కొనాలని అనుకునేటప్పుడు ధరల గురించి పరిశీలించడం మంచిది.
ఇది కూడా చదవండి: Today Horoscope: ఈరాశుల వారు వాదనలకు దూరంగా ఉండడం మంచిది.. ఈరోజు రాశిఫలాలు ఇవే!
ఇక ఈరోజు బంగారం ధరలు ఎలా ఉన్నాయో చూద్దాం.
Gold Rate:అంతర్జాతీయంగా బంగారం ధరల్లో పెరుగుదల కనిపిస్తోంది. దీంతో మన దేశంలోనూ బంగారం ధరలు పెరుగుదల బాటలోనే ఉన్నాయి. హైదరాబాద్ లో బంగారం ధరలు నిన్నటి కంటే పెరిగాయి. ఈరోజు అంటే 11.12.2024న హైదరాబాద్ లో 22 క్యారెట్ల బంగారం ధరలు 10 గ్రాములకు 750 రూపాయల వరకూ పెరిగాయి. దీంతో తులం బంగారం 72,050 రూపాయలుగా ఉంది. అలాగే, 24 క్యారెట్ల బంగారం ధర కూడా 10 గ్రాములకు 800 రూపాయల వరకూ పెరిగింది. ఇప్పుడు తులం ధర 78,800 రూపాయల వద్దకు చేరుకుంది.
ఇక హైదరాబాద్ లో వెండి విషయానికి వస్తే వెండి ధరలు అమాంతం పెరిగాయి. ఒక్కసారే ఏకంగా 4 వేల రూపాయల పెరుగుదల వెండి నమోదు చేసింది. దీంతో కేజీ వెండి ధర 1,04,000 రూపాయలకు ఎగసింది.
మన తెలుగురాష్ట్రాల్లో ఇతర ప్రాంతాల విషయానికి వస్తే, విజయవాడ, విశాఖపట్నం, తిరుపతి, వరంగల్, కరీంనగర్, ఖమ్మం వంటి ప్రాంతాల్లో కూడా బంగారం, వెండి ధరలు కాస్త అటూ ఇటూగా ఇలానే ఉన్నాయి.
అదేవిధంగా దేశరాజధాని ఢిల్లీ విషయానికి వస్తే 22 క్యారెట్ల బంగారం 10 గ్రాములకు 750 రూపాయలు పెరిగి 72,200 రూపాయల వద్ద నమోదు అవుతోంది. అలాగే 24 క్యారెట్ల బంగారం ధర 10 గ్రాములకు 820 రూపాయలు పెరిగి 78,820 రూపాయలకు చేరుకుంది. అలాగే వెండి ధరల విషయానికి వస్తే కేజీ వెండి ఢిల్లీలో 4500 రూపాయల భారీ పెరుగుదల నమోదు చేసింది. దీంతో 96,500 రూపాయలకు చేరుకుంది.
Gold Rate:అంతర్జాతీయంగా బంగారం ధరలు భారీగా పెరుగుతున్నాయి. ఆ ప్రభావం మన మార్కెట్లపై కూడా పడింది. ఈరోజు అంటే 11.12.2024 ఉదయం 7 గంటల సమయానికి అంతర్జాతీయంగా స్వచ్ఛమైన బంగారం 111 రూపాయల వరకూ పెరిగింది. దీంతో 7,377 రూపాయల వద్ద ట్రేడ్ అవుతోంది. అదేవిధంగా వెండి ధరలు కూడా పెరుగుదల నమోదు చేస్తోంది. 274 రూపాయలు కేజీ వెండి పెరిగింది. దీంతో 87,554 రూపాయల వద్దకు చేరుకుంది.
Gold Rate:ఇక్కడ ఇచ్చిన బంగారం ధరలు ఈరోజు అంటే 11.12.2024 ఉదయం మార్కెట్ ప్రారంభ సమయానికి ఉన్న ధరలు. అంతర్జాతీయంగా వచ్చే మార్పులు, స్థానికంగా ఉండే డిమాండ్, స్థానిక పన్నులు వంటి కారణాలతో బంగారం, వెండి ధరలు ఎప్పటికప్పుడు మారుతూ ఉంటాయి. బంగారం, వెండి కొనాలని అనుకునేటప్పుడు మీ ప్రాంతంలో రెండు మూడు దుకాణాల్లో వెరిఫై చేసుకుని నిర్ణయం తీసుకోవాల్సిందిగా మహాన్యూస్ సూచిస్తోంది.