Tirumala: పవిత్ర పుణ్యక్షేత్రం తిరుమలలో స్వల్పకాలిక కలకలం చోటుచేసుకుంది. శ్రీవారి దర్శనం కోసం వచ్చిన ఓ భక్తుడి వాహనంలో ఎయిర్ పిస్టల్ (ఎయిర్ గన్) లభ్యం కావడంతో తనిఖీ సిబ్బంది అప్రమత్తమయ్యారు.
కర్ణాటకకు చెందిన మహేష్ అనే భక్తుడు తన కుటుంబంతో కలిసి తిరుమల శ్రీవారి దర్శనానికి వెళ్తుండగా, తిరుమల వాహన తనిఖీ కేంద్రం వద్ద పోలీసులు వారి వాహనాన్ని తనిఖీ చేశారు. ఈ తనిఖీలో వాహనం నుండి ఎయిర్ పిస్టల్ తో పాటు ఒక టెలిస్కోప్ ను కూడా గుర్తించి స్వాధీనం చేసుకున్నారు.
Also Read: Nara lokesh: ఎన్‌సీడబ్ల్యూ నిర్ణయాన్ని స్వాగతిస్తున్న
Tirumala: తిరుమల పరిసరాల్లో ఎయిర్ గన్‌లకు అనుమతి లేదని తనిఖీ సిబ్బంది మహేష్‌కు స్పష్టం చేశారు. దీనితో మహేష్, అతని కుటుంబ సభ్యులు తమ వాహనంతో సహా వెనుదిరిగి వెళ్లిపోయినట్లు అధికారులు తెలిపారు. సాధారణంగా తిరుమలలోకి ఆయుధాలు, పేలుడు పదార్థాలు వంటి వాటికి అనుమతి ఉండదు. భక్తుల భద్రత దృష్ట్యా ఈ తనిఖీలు నిరంతరం కొనసాగుతాయి. ఈ సంఘటనపై మరింత విచారణ జరుగుతున్నట్లు సమాచారం.