TG News: తెలంగాణ పబ్లిక్ సర్వీస్ కమిషన్ (TGPSC) నిర్వహించే అసిస్టెంట్ ఎగ్జిక్యూటివ్ ఇంజనీర్ (AEE) పరీక్ష రాసే విద్యార్థులకు కమిషన్ ఒక సూపర్ న్యూస్ చెప్పింది. కేంద్ర ప్రభుత్వం నిర్వహించే SSC జూనియర్ ఇంజనీర్ (JE) ఎగ్జామ్, రాష్ట్ర TGPSC AEE ఎగ్జామ్ రెండూ ఒకే రోజు రావడంతో కంగారు పడుతున్న వేలాది మంది ఇంజనీరింగ్ విద్యార్థుల టెన్షన్‌ను కమిషన్ క్లియర్ చేసింది. స్టూడెంట్స్ పెట్టిన రిక్వెస్ట్‌లను పరిగణనలోకి తీసుకుని, AEE పరీక్ష తేదీని మార్చేందుకు గ్రీన్ సిగ్నల్ ఇచ్చింది.
అసలు సీన్ ఏంటంటే..
ముందుగా వేసుకున్న ప్లాన్ ప్రకారం.. అటు సెంట్రల్ లెవెల్‌లో జరిగే SSC JE పరీక్ష, ఇటు మన తెలంగాణ TGPSC AEE పరీక్ష రెండూ నవంబర్ 6వ తేదీనే జరగాల్సి ఉంది. రెండు ఎగ్జామ్స్‌కు అప్లై చేసుకుని నెలల తరబడి రాత్రింబవళ్లు చదువుకుంటున్న క్యాండిడేట్స్‌కు ఇది పెద్ద తలనొప్పిగా మారింది. ఏ పరీక్ష రాయాలి? ఏది వదులుకోవాలి? అని తేల్చుకోలేక తీవ్రమైన డైలమాలో పడ్డారు. దాంతో స్టూడెంట్స్ అంతా కమిషన్‌ను కలిసి “రెండు ఎగ్జామ్స్ ఒకే రోజు పడ్డాయి సార్, ప్లీజ్ డేట్ మార్చండి” అంటూ ప్రాబ్లమ్‌ను వివరించి విజ్ఞప్తి చేశారు.
నవంబర్ 7కి షిఫ్ట్.. కానీ ఒక చిన్న కండిషన్!
ఆస్పిరెంట్స్ గోడును విన్న TGPSC చాలా పాజిటివ్‌గా రెస్పాండ్ అయ్యింది. నవంబర్ 6న జరగాల్సిన AEE ఎగ్జామ్‌ను నవంబర్ 7వ తేదీకి రీషెడ్యూల్ చేయాలని ప్రాథమికంగా డిసైడ్ అయింది. అయితే, ఇక్కడే అభ్యర్థులు ఒక చిన్న పని చేయాల్సి ఉంటుంది. ఎవరికైతే ఈ రెండు ఎగ్జామ్స్ డేట్లు క్లాష్ అవుతున్నాయో, వాళ్లు మాత్రమే తమ ప్రూఫ్స్ చూపించాల్సి ఉంటుంది.
ఈ నెల 30 లోపు మెయిల్ చేయాలి
మీరు SSC JE అలాగే TGPSC AEE రెండింటికీ అప్లై చేసి ఉంటే.. మీ రెండు ఎగ్జామ్స్ అప్లికేషన్ ఫారమ్స్ లేదా హాల్ టికెట్లను కమిషన్ అఫీషియల్ ఈ-మెయిల్‌కు పంపించాలి. దీనికి డెడ్‌లైన్ వచ్చేసి ఈ నెల 30వ తేదీ సాయంత్రం 5:00 గంటల వరకు మాత్రమే! టైమ్ దాటితే మాత్రం కమిషన్ ఆ రిక్వెస్ట్‌లను పట్టించుకోదు. కాబట్టి లాస్ట్ మినిట్ రష్ లేకుండా వెంటనే ప్రూఫ్స్ మెయిల్ చేసేసి, ప్రశాంతంగా ఎగ్జామ్ ప్రిపరేషన్‌పై ఫోకస్ పెట్టండి.
నవంబర్ 6న ఒకే రోజు పడ్డ TGPSC AEE, SSC JE పరీక్షల క్లాష్‌ను తొలగిస్తూ ఏఈఈ ఎగ్జామ్‌ను నవంబర్ 7కి మార్చాలని కమిషన్ నిర్ణయించింది. రెండు పరీక్షలకు అప్లై చేసిన అభ్యర్థులు తమ ఆధారాలను ఈ నెల 30 సాయంత్రంలోపు మెయిల్ ద్వారా కమిషన్‌కు పంపించి ఈ అవకాశాన్ని ఉపయోగించుకోవచ్చు.