Tirumala: తిరుమలలోని మొదటి ఘాట్ రోడ్డులోని ఏడో మైలు వద్ద చోరీకి గురైన ఆంజనేయస్వామి చిన్న విగ్రహాన్ని తిరుమల తిరుపతి దేవస్థానం (టీటీడీ) ఆగమశాస్త్ర సంప్రదాయాల ప్రకారం గురువారం ఉదయం యథాస్థానంలో పునఃప్రతిష్ఠించింది. ఆగమ పండితులు, అర్చకుల ఆధ్వర్యంలో పుణ్యాహవాచనం, సంప్రోక్షణ పూజలు నిర్వహించిన అనంతరం విగ్రహాన్ని తిరిగి ప్రతిష్ఠించారు.
1. 14 గంటల్లోనే కేసు ఛేదన!
-
అసలు ఏం జరిగింది?: బుధవారం తెల్లవారుజామున 3 గంటల ప్రాంతంలో గోవిందమాల ధరించిన జశ్వంత్ కుమార్ అనే భక్తుడు.. ఏడో మైలు ప్రసన్న ఆంజనేయస్వామి ఆలయం వద్ద ఉన్న చిన్న విగ్రహాన్ని దొంగిలించి, వస్త్రంలో చుట్టుకుని పారిపోయాడు.
-
ఒంగోలులో అరెస్ట్: ఘటనపై వెంటనే స్పందించిన పోలీసులు, టీటీడీ విజిలెన్స్ సిబ్బంది సీసీటీవీ టెక్నాలజీ ఆధారంగా కేవలం 14 గంటల్లోనే నిందితుడిని గుర్తించారు. ఒంగోలు రైల్వే స్టేషన్ వద్ద నిందితుడిని అదుపులోకి తీసుకుని, చోరీకి గురైన హనుమంతుడి విగ్రహాన్ని స్వాధీనం చేసుకున్నారు.
2. భద్రత పెంపుపై టీటీడీ కీలక నిర్ణయాలు
విగ్రహ పునఃప్రతిష్ఠ అనంతరం ప్రత్యేక పూజల్లో పాల్గొన్న టీటీడీ అదనపు ఈవో వెంకయ్య చౌదరి మాట్లాడారు.. కేసును వేగంగా ఛేదించి విగ్రహాన్ని రికవరీ చేసిన పోలీసులను, విజిలెన్స్ సిబ్బందిని ఆయన అభినందించారు.
-
గ్రిల్స్ & సీసీ కెమెరాలు: ఘాట్ రోడ్లు, అలిపిరి మెట్ల మార్గంలో ఉన్న విగ్రహాలకు రక్షణగా ఇనుప గ్రిల్స్ ఏర్పాటు చేయనున్నట్లు తెలిపారు.
-
భద్రతా నిఘా: ప్రార్థనా స్థలాల వద్ద అధునాతన సీసీ కెమెరాలను అమర్చి నిఘాను మరింత బలోపేతం చేస్తామని, భక్తుల నమ్మకాన్ని కాపాడేందుకు అన్ని రకాల భద్రతా చర్యలు తీసుకుంటామని స్పష్టం చేశారు.