Rashmika Mandanna

Rashmika Mandanna: రశ్మిక మందణ్ణ అన్ స్టాపబుల్!

Rashmika Mandanna: ‘యానిమల్, పుష్ప-2’ వంటి చిత్రాలతో రశ్మిక మందణ్ణ నేషనల్ క్రష్ గా మారిపోయింది. భాషతో నిమిత్తం లేకుండా ఆమె నటించిన సినిమా ఏ భాషలో అనువాదమైనా చూసే అభిమానులు జాతీయ స్థాయిలో ఉన్నారు. తెలుగుతో పాటు కన్నడ, హిందీ చిత్రాలలోనూ రశ్మిక మందణ్ణ నటిస్తోంది. అయితే… ఇటీవల ఆమె ఇంట్లో జిమ్ చేస్తుండగా కాలికి బలమైన గాయం అయ్యింది. దాంతో కొన్ని నెలల పాటు రశ్మిక షూటింగ్స్ కు వెళ్ళలేని పరిస్థితి నెలకొంది. ఈ విషయాన్ని ఆమే స్వయంగా ఆ మధ్య సోషల్ మీడియాలో ఫోటోలతో సహా పోస్ట్ పెట్టింది. దాంతో ఆమె అభిమానులంతా డీలా పడ్డారు. రశ్మిక మందణ్ణ త్వరగా కోలుకుని తిరిగి సెట్స్ పైకి వెళ్ళాలని కోరుకున్నారు. ఇదిలా ఉంటే… రశ్మిక మందణ్ణ లో ‌క్రీడా స్ఫూర్తి చాలానే ఉంది. పైగా తాను వారియర్ ను అని నిరూపించడానికి ఆమె తహతహలాడుతోంది. కాలుకు కట్టు ఉండగానే రశ్మిక వేరే పట్టణానికి బయలు దేరింది. కారులో బయలుదేరి హైదరాబాద్ ఎయిర్ పోర్ట్ లో వీల్ ఛెయిర్ తో లోపలికి వెళుతున్న ఓ చిన్నపాటి వీడియో వైరల్ అయ్యింది. ఇదిలా ఉంటే రశ్మిక నాయికగా నటించిన ‘ఛావా’ మూవీ ట్రైలర్ బుధవారం విడుదలైంది.

తెలుగు సినిమా ప్రస్థానం ఈ లింక్ ద్వారా తెలుసుకోవచ్చు 

ALSO READ  ఇన్నాళ్లూ సైలెంట్‌గా ఉన్నా..ఇక ఆపండి ప్లీజ్ : సిమ్రాన్ ఫైర్

Leave a Reply

Your email address will not be published. Required fields are marked *