Warning Labels: ప్యాకెట్ వెనుక కాదు.. ముందే ఎరుపు రంగు హెచ్చరిక ఉండాలి!

పిల్లల ఆరోగ్యంపై సుప్రీంకోర్టు ఆందోళన – జాతీయ ప్రయోజనంగా చూడాలి..

• ఎరుపు రంగు షట్కోణ గుర్తు (Red Hexagon):
  ఐసీఎంఆర్ – ఎన్ఐఎన్ (ICMR-NIN) నిర్దేశించిన ‘డైటరీ గైడ్‌లైన్స్ ఫర్ ఇండియన్స్ 2024’ నిబంధనల ప్రకారం.. పరిమితికి మించి చక్కెర, ఉప్పు లేదా కొవ్వు ఉన్న ఆహార ప్యాకెట్ల ముందుభాగంలో ఎరుపు రంగు షట్కోణ ఆకారంలో స్పష్టమైన హెచ్చరిక ముద్రించాలి.
• బోల్డ్ వార్నింగ్స్:
  “హై ఫ్యాట్” (High Fat), “హై షుగర్” (High Sugar), “హై సాల్ట్” (High Salt) లేదా “హైలీ స్వీటెన్డ్ బెవరేజ్” అని కొనుగోలుదారులకు సులభంగా అర్థమయ్యేలా రాయాలి.
• దశలవారీ అమలు: పరిశ్రమల సర్దుబాటు కోసం తొలుత రెండు లేదా అంతకంటే ఎక్కువ ప్రమాణాలను ఉల్లంఘించే పదార్థాలకు, ఆ తర్వాత ఒకే ప్రమాణం దాటినా హెచ్చరిక వర్తించేలా అమలు చేయాలని భావిస్తున్నారు.

డయాబెటిస్ రాజధానిగా భారత్ – కఠిన నిబంధనలు ఎందుకు అత్యవసరం?..

• భయపెడుతున్న గణాంకాలు: దేశంలో ఇప్పటికే 10 కోట్లకు పైగా డయాబెటిస్ బాధితులు ఉండగా, మరో 13.6 కోట్ల మంది ప్రీ-డయాబెటిక్ దశలో ఉన్నారు. ప్రపంచ డయాబెటిస్ కేసుల్లో పావు వంతు ఇండియాలోనే ఉన్నాయి.
• భారీగా పెరుగుతున్న మార్కెట్: ప్యాకేజ్డ్ ఫుడ్ మార్కెట్ 2026 నాటికి ఏకంగా ₹11.7 లక్షల కోట్లకు చేరింది. తక్కువ ధర, అలవాటైన రుచి కారణంగా ప్రజలు శరీరానికి హానికరమైన పదార్థాలను విచ్చలవిడిగా తీసుకుంటున్నారు.
• అంతర్జాతీయ అనుభవం: చిలీ వంటి దేశాల్లో 2016 నుంచే ప్యాకెట్లపై నల్ల రంగు హెచ్చరిక గుర్తులు పెట్టడంతో చక్కెర పానీయాల వాడకం దాదాపు 24% తగ్గింది. మన దేశంలో ఈ నిబంధనలు అమలైతే దాదాపు 80% ప్యాకేజ్డ్ ఉత్పత్తులపై వార్నింగ్ లేబుల్స్ పడతాయని అంచనా.