IPL 2026: ఐపీఎల్ 2026 మినీ వేలం దగ్గర పడుతోంది. డిసెంబర్ 16న అబుదాబిలో వేలం ప్రక్రియ జరగనుంది. దీనికి సంబంధించిన పూర్తి వివరాలను ఐపీఎల్ పాలకమండలి ఇప్పటికే విడుదల చేసింది. ఈ సందర్భంగా, అన్ని ఫ్రాంచైజీలు ఇప్పటికే తమ రిటైనర్ జాబితాను విడుదల చేశాయి. ఈ పరిణామాల మధ్య, ఐపీఎల్కు పెద్ద షాక్ తగిలింది. ఆస్ట్రేలియా స్టార్ ఆటగాడు గ్లెన్ మాక్స్వెల్ తదుపరి సీజన్లో ఆడబోనని ప్రకటించాడు. ఐపీఎల్ 2026 నుంచి వైదొలుగుతున్నట్లు ప్రకటించాడు. ఆయన తీసుకున్న ఈ నిర్ణయం క్రికెట్ ప్రపంచంలో సంచలనం సృష్టించింది.
మినీ వేలానికి నమోదు చేసుకున్న మాక్స్వెల్
డిసెంబర్ 16న అబుదాబిలో జరగనున్న మినీ వేలంలో మ్యాడ్ మాక్స్ తన పేరును నమోదు చేసుకోలేదు. మినీ వేలం ఆటగాళ్ల జాబితాలో మాక్స్వెల్ లేకపోవడం అందరికీ ఆశ్చర్యం కలిగించింది. కానీ మాక్స్వెల్ ఇన్స్టాగ్రామ్లో పోస్ట్ చేయడం ద్వారా ఒక స్పష్టత కూడా ఇచ్చాడు.
మాక్స్వెల్ ఏమి చెప్పాడు?
ఐపీఎల్లో చాలా మరపురాని సీజన్ల తర్వాత, ఈ సంవత్సరం వేలానికి నా పేరును ప్రతిపాదించకూడదని నిర్ణయించుకున్నాను. ఇది చాలా పెద్ద నిర్ణయం. ఈ లీగ్ నాకు ఇచ్చిన ప్రతిదానికీ నేను కృతజ్ఞుడను అని అతను రాశాడు.
ఒక క్రికెటర్గా, వ్యక్తిగా ఐపీఎల్ నన్ను తీర్చిదిద్దడంలో చాలా సహాయపడింది. ప్రపంచ స్థాయి ఆటగాళ్లతో ఆడటం, గొప్ప ఫ్రాంచైజీకి ప్రాతినిధ్యం వహించడం అభిమానుల ముందు అసమానమైన అభిరుచితో ప్రదర్శన ఇవ్వడం నా అదృష్టం. భారతదేశ జ్ఞాపకాలు, సవాళ్లు శక్తి ఎల్లప్పుడూ నాతోనే ఉంటాయి. సంవత్సరాలుగా నాకు మద్దతు ఇచ్చినందుకు మీ అందరికీ ధన్యవాదాలు. త్వరలో మీ అందరినీ మళ్ళీ చూడాలని ఆశిస్తున్నాను అని మాక్స్వెల్ సోషల్ మీడియా పోస్ట్లో రాశారు.
ఇది కూడా చదవండి: Pawan Kalyan Controversy: పవన్ కల్యాణ్ వ్యాఖ్యలపై దుమారం.. క్షమాపణ చెప్పకపోతే ఒక్క సినిమా కూడా ఆడదు
గత సీజన్లో విఫలమైంది
2025 ఐపీఎల్లో మాక్స్వెల్ ఆశించిన స్థాయిలో రాణించలేదు. తొమ్మిది మ్యాచ్ల్లో కేవలం 78 పరుగులు మాత్రమే చేసి 4 వికెట్లు పడగొట్టాడు. వేలి గాయం కారణంగా సీజన్ మధ్యలో నిష్క్రమించాడు. అతని పేలవమైన ప్రదర్శన కారణంగా, పంజాబ్ కింగ్స్ అతన్ని నిలుపుకోలేదు. 2012 సీజన్తో మాక్స్వెల్ ఐపీఎల్లోకి ప్రవేశించాడు. పవర్ హిట్టింగ్తో తన బ్యాటింగ్ శైలిని మార్చుకున్నాడు. అతను కొన్ని సీజన్ల పాటు పంజాబ్ జట్టును నడిపించాడు.
77 మంది ఆటగాళ్లకు వేలం
2026 మినీ వేలం మొత్తం 77 మంది ఆటగాళ్లకు జరుగుతుంది. ఇందులో 31 మంది విదేశీ ఆటగాళ్ల కోటా ఉంది. సంబంధిత ఫ్రాంచైజీలు ఈ నెల 3వ తేదీ నాటికి వేలం నిర్వాహకులకు అదనపు పేర్లను 5వ తేదీ నాటికి తుది జాబితాను సమర్పించాలి. కానీ గ్లెన్ మాక్స్వెల్ ఇప్పటికే తొలగిపోయాడు.
ఐపీఎల్లో మాక్స్వెల్ రికార్డు
మాక్స్వెల్ కంటే ముందు, దక్షిణాఫ్రికా మాజీ క్రికెటర్ ఫాఫ్ డు ప్లెసిస్ ఇంగ్లాండ్ మాజీ ఆల్ రౌండర్ మోయిన్ అలీ కూడా ఐపీఎల్ మినీ వేలం నుండి తప్పించబడ్డారు. మాక్స్వెల్ కూడా ఆ జాబితాలో చేరాడు. మాక్స్వెల్ 141 ఐపీఎల్ మ్యాచ్ల్లో 2819 పరుగులు చేశాడు. ఇందులో 18 హాఫ్ సెంచరీలు ఉన్నాయి. బౌలింగ్తో అతను 41 వికెట్లు పడగొట్టాడు.