Mandadi Review: బోట్ సీన్స్ సూపర్.. కానీ ల్యాగ్ అయిన కొన్ని సీన్స్..!

టైటిల్.. మండాడి
నటీనటులు: సూరి, సుహాస్, మహిమా నంబియార్, సత్యరాజ్, రవీంద్ర విజయ్, మిథున్, బాల శరవణన్ తదితరులు
నిర్మాణ సంస్థ: ఆర్ఎస్ ఇన్ఫోటైన్‌మెంట్
నిర్మాత:ఎల్రెడ్ కుమార్
దర్శకుడు: మతిమారన్ పుగళేంది
సంగీతం: జీవీ ప్రకాశ్‌ కుమార్‌
సినిమాటోగ్రఫీ:ఎస్‌.ఆర్‌. కథిర్‌
ఎడిటింగ్‌: ప్రదీప్‌ ఇ.రాఘవ్‌
విడుదల తేది: సెప్టెంబర్‌ 10, 2024

తన నటనతో తెలుగులో మంచి గుర్తింపు తెచ్చుకున్న నటుడు సుహాస్, కోలీవుడ్ టాలెంటెడ్ యాక్టర్ సూరి హీరోగా నటించిన తమిళ సినిమా ‘మండాడి’తో విలన్‌గా పరిచయమయ్యాడు. వెట్రిమారన్ సమర్పణలో, సముద్రం బ్యాక్‌డ్రాప్‌లో బోట్ రేసింగ్ కాన్సెప్ట్‌తో తెరకెక్కిన ఈ సినిమాపై ట్రైలర్ తర్వాత తెలుగులోనూ మంచి ఆసక్తి ఏర్పడింది. మైత్రీ మూవీస్ ద్వారా ఇవాళ గ్రాండ్‌గా థియేటర్లలోకి వచ్చింది సినిమా ఎలావుందో తెలుసుకుందాం.

శ్రీకాకుళం జిల్లా కళింగపట్నం సముద్రతీరంలో సాగే కథ ఇది. ‘మండాడి’ అంటే సముద్ర సంచారి అని అర్థం. ఆ ఊరిపై సట్టాపులి (సుహాస్) పెత్తనం నడుస్తుంటుంది. పడవల వ్యాపారంతో పాటు ప్రతి ఏటా జరిగే సంప్రదాయ బోట్ రేసుల్లో తన జట్టే గెలుస్తూ వస్తుంది. అయితే మండాడి వర్గానికి చెందిన మల్లేష్ అనే కుర్రాడిని టీమ్‌లోకి తీసుకోకపోవడంతో మొదలైన గొడవ పెద్దదై, మల్లేష్ ప్రాణాల మీదకు వస్తుంది.

అతన్ని కాపాడటానికి, గతంలో ఊరు వదిలి హైదరాబాద్ వెళ్లిపోయిన పాత బోట్ రేసర్ కాళి అలియాస్ ముత్తుకాళి (సూరి) ఇరవై ఏళ్ల తర్వాత మళ్లీ ఊర్లోకి అడుగుపెడతాడు. ఈ పంచాయితీ చివరకు పడవల పందెం దగ్గర ఆగుతుంది. ఓడిన వాళ్లు పోర్టు వదిలి వెళ్లిపోవాలనే నిబంధనతో పోటీ మొదలవుతుంది. అసలు కాళి, పులి ఒకప్పుడు ప్రాణ స్నేహితులుగా ఉండి ఎందుకు శత్రువులయ్యారు? యువకులతో జట్టు కట్టిన కాళి ఈ బోట్ రేసులో ఎలా గెలిచాడు? తన గురువు మునయ్య (సత్యరాజ్) గౌరవాన్ని ఎలా నిలబెట్టాడు? అన్నదే మిగతా కథ.

సముద్రం, మత్స్యకారుల జీవన విధానం, బోట్ రేసింగ్ అనే పాయింట్ వినడానికి చాలా ఫ్రెష్‌గా అనిపిస్తుంది. అయితే ఆ పాయింట్ చుట్టూ అల్లిన కథ మాత్రం మనకి బాగా తెలిసిన రొటీన్ ఫార్ములాలోనే సాగుతుంది.

కథ పాతదే అయినా.. సూరి-సుహాస్‌ల నటన, అలలపై సాగే బోట్ రేసింగ్ విజువల్స్ కోసం థియేటర్‌లో హ్యాపీగా ఒకసారి చూడొచ్చు!