Crime News: పెళ్లికి నాలుగు రోజుల ముందు ఓ తండ్రి తన కూతురిని కాల్చి చంపిన ఘటన గ్వాలియర్‌లో చోటుచేసుకుంది. తన హత్యకు కొన్ని గంటల ముందు, ఆమెని తన ఇష్టానికి వ్యతిరేకంగా పెళ్లి చేసుకోమని తన కుటుంబం ఒత్తిడి చేస్తుందని ఆరోపిస్తూ సోషల్ మీడియాలో వీడియోను రికార్డ్ చేసి అప్లోడ్ చేసింది. నేను విక్కీని పెళ్లి చేసుకోవాలనుకుంటున్నాను. మొదట్లో మా కుటుంబం అంగీకరించినా తర్వాత నిరాకరించిందని ఆమె వీడియోలో చెపింది.
వివాహం నిశ్చయించబడింది, జనవరి 18 న వివాహం జరగాల్సి ఉంది, పెళ్ళికి నాలుగు రోజుల ముందు, గ్వాలియర్‌లో ఒక తండ్రి పోలీసు అధికారుల ముందే తన 20 ఏళ్ల కుమార్తెను కాల్చి చంపాడు. కూతురు తనూ గుర్జార్ తన కుటుంబం కుదిర్చిన వివాహాన్ని బహిరంగంగా వ్యతిరేకించింది. తనకు నచ్చిన వ్యక్తిని వివాహం చేసుకోవాలనే కోరికను వ్యక్తం చేసింది.
మంగళవారం రాత్రి 9 గంటల ప్రాంతంలో నగరంలోని గోలాకా మందిర్ ప్రాంతంలో ఈ హత్య జరిగింది. ఆ రోజు ముందుగా తన కూతురు సోషల్ మీడియాలో పోస్ట్ చేసిన వీడియో చూసి బాధితురాలి తండ్రి మహేష్ గుర్జార్ ఆగ్రహం వ్యక్తం చేశారు. ఇంట్లో తయారు చేసిన తుపాకీతో ఆమెను అతి సమీపం నుంచి కాల్చి చంపారు. అంతే కాకుండా బంధువు రాహుల్ కూడా ఆమెను కాల్చిచంపాడు.
ఇది కూడా చదవండి: Delhi: నామినేషన్ వేసిన కేజ్రీ.. అక్కడి నుంచి పోటీ
Crime News: తన హత్యకు కొన్ని గంటల ముందు, తనూ తన ఇష్టానికి వ్యతిరేకంగా పెళ్లి చేసుకోమని తన కుటుంబం ఒత్తిడి చేస్తుందని ఆరోపిస్తూ సోషల్ మీడియాలో వీడియోను రికార్డ్ చేసి షేర్ చేసింది. 52 సెకన్ల నిడివి గల వీడియోలో, తన ప్రాణభయంతో తన బాధకు కారణం తన తండ్రి మహేష్ ఇతర కుటుంబ సభ్యులని పేర్కొంది.
నేను విక్కీని పెళ్లి చేసుకోవాలనుకుంటున్నాను. నా కుటుంబం మొదట అంగీకరించినా తర్వాత నిరాకరించింది. రోజూ నన్ను కొట్టి చంపుతామని బెదిరించారు. నాకు ఏదైనా జరిగితే దానికి నా కుటుంబమే బాధ్యులని ఆమె వీడియోలో పేర్కొంది.
ఉత్తరప్రదేశ్‌లోని ఆగ్రా నివాసి అయిన విక్కీ తనతో ఆరేళ్లుగా రిలేషన్‌షిప్‌లో ఉన్నాడు. వీడియో వైరల్ కావడంతో, ఇద్దరి మధ్య చర్చలు జరిపేందుకు పోలీసు అధికారుల బృందం ఇంటికి వచ్చింది. ఆ సమయంలో ఆమె ఇంట్లో ఉండేందుకు నిరాకరించింది. తర్వాత తండ్రి గదిలోకి తీసుకెళ్లి ఏకాంతంగా మాట్లాడాలనుకున్నాడు.
ఆ తర్వాత జరిగింది ఓ భయంకరమైన సంఘటన. తన కూతురిని తుపాకీతో కాల్చాడు. అది ఆమె మెడ, కళ్లు, ముక్కు మధ్య తగిలి వెంటనే కుప్పకూలిపోయింది. వెంటనే అక్కడికి చేరుకున్న పోలీసులు ఘటనను చూసి షాకయ్యారు.
మహేశ్ గుర్జర్‌ను అరెస్టు చేశామని, హత్యకు ఉపయోగించిన ఆయుధాన్ని స్వాధీనం చేసుకున్నామని పోలీసులు తెలిపారు. రాహుల్‌ను గుర్తించి అరెస్ట్ చేసేందుకు ప్రయత్నాలు కొనసాగుతున్నాయి. పోలీసులు తనూ సోషల్ మీడియా ఖాతాలను కూడా తనిఖీ చేస్తున్నారు.