Milk: గుండెపోటు ప్రమాదాన్ని నివారించడానికి ఏమి తినకూడదో వైద్య నిపుణులు మనకు చెబుతున్నారు. ఈ నిజం వింటే మీరు షాక్ అవుతారు. కొంతమందికి ప్రతిరోజూ పాలు తాగడం వల్ల గుండెపోటు వచ్చే ప్రమాదం పెరుగుతుందని చెబుతారు. పాలలో అధిక మొత్తంలో సంతృప్త కొవ్వులు ఉంటాయి. అందువల్ల, అధిక కొవ్వు ఉన్న పాలు తాగడం వల్ల శరీరంలో కొవ్వు పేరుకుపోయి శరీర బరువు పెరుగుతుంది. ఇవి రక్త నాళాల గోడలపై పేరుకుపోయి రక్త ప్రవాహాన్ని నెమ్మదిస్తాయి.
ఫలితంగా గుండెపోటు వచ్చే ప్రమాదం ఉంది. సాధారణంగా, వైద్యులు యుక్తవయస్సు వచ్చే వరకు, అంటే 18, 19 సంవత్సరాల మధ్య వయస్సు వరకు మాత్రమే పాలు తాగమని సిఫార్సు చేస్తారు. అయితే, పాలు ఆహారంలో భాగం కాబట్టి, తక్కువ కొవ్వు ఉన్న పాలు తాగడం వల్ల రక్తపోటు, చెడు కొలెస్ట్రాల్ స్థాయిలు తగ్గుతాయని అధ్యయనాలు చెబుతున్నాయి.
ఇది కూడా చదవండి: Pregnancy Care: గర్భిణీలు వీటికి జోలికి అస్సలు వెళ్లొద్దు
మహారాష్ట్రకు చెందిన కార్డియాలజిస్ట్ డాక్టర్ రోహిత్ సానే ఇటీవల చేసిన పాడ్‌కాస్ట్ వీడియో సోషల్ మీడియాలో వైరల్ అవుతోంది. 20 ఏళ్లు పైబడిన వారు పాలు తాగితే గుండెపోటు వచ్చే ప్రమాదం ఉందని ఆయన హెచ్చరిస్తున్నారు. అలాగే, మీ ఎముకలు బలంగా, ఆరోగ్యంగా ఉండి, మీకు ఎటువంటి అసౌకర్యం లేదా నొప్పి లేకపోతే, పాలు తాగవలసిన అవసరం లేదు. మీ ఎత్తు సాధారణంగా ఉన్నప్పటికీ, మీ పెరుగుదల ఆగిపోయినప్పటికీ, పాలు తాగవలసిన అవసరం లేదు. శరీరంలో తగినంత కాల్షియం ఉంటే, రోజువారీ ఆహారంలో పాలు చేర్చుకోవాల్సిన అవసరం లేదని ఆయన అన్నారు.
అంటే, పాలు ద్వారా తీర్చాల్సిన శారీరక అవసరాలు ఇతర ఆహారాల ద్వారా తీరితే, పాలు తాగడం వల్ల పెద్దగా ప్రయోజనం ఉండదు. 20 ఏళ్లలోపు శరీరంలో ఎటువంటి సమస్యలు లేకపోతే, మీరు క్రమంగా పాలు తాగడం మానేయాలి. ఒక నిర్దిష్ట సమయం తర్వాత, అధిక శాతం కొవ్వు ఉన్న పాలు మన శరీరానికి మంచిది కాదు. అలాంటి పాలు ఎక్కువగా తాగడం వల్ల ఊబకాయం, కొలెస్ట్రాల్ మరియు రక్తపోటు వంటి సమస్యలు వస్తాయి. బరువు పెరగాలనుకునే వారు తప్ప, మిగతా వారందరూ ఫుల్ ఫ్యాట్ పాలు తాగకూడదని డాక్టర్ రోహిత్ అంటున్నారు.