Iran Israel War: అమెరికా హెచ్చరికలు చేసినప్పటికీ, ఇరాన్ మంగళవారం రాత్రి 10 గంటలకు ఇజ్రాయెల్‌పై 180కి పైగా బాలిస్టిక్ క్షిపణులను ప్రయోగించింది. అయితే వీటివల్ల పెద్దగా నష్టం వాటిల్లినట్లు సమాచారం లేదు. అయితే, టెల్ అవీవ్‌లో ఇద్దరు పౌరులు గాయపడినట్టు తెలుస్తోంది. మొత్తం ఇజ్రాయెల్‌పై 30 నిమిషాల పాటు ఈ దాడులు జరిగాయి. ఈ సమయంలో పౌరులు బాంబు షెల్టర్లకు వెళ్లాలని ఇజ్రాయేల్ అధికారులు కోరారు.
Iran Israel War: దాడి తర్వాత, నస్రల్లా అమరవీరునికి ఇది మొదటి ప్రతీకారమని ఇరాన్ పేర్కొంది. ఇది ప్రారంభం మాత్రమే. మొన్న సెప్టెంబర్ 27న, ఇజ్రాయెల్ బీరూట్‌లోని హిజ్బుల్లా ప్రధాన కార్యాలయంపై దాడి చేసింది. ఇందులో హిజ్బుల్లా చీఫ్ హసన్ నస్రల్లా హతమయ్యారు. ఈ దాడికి సంబంధించిన పరిణామాలు ఉంటాయని ఇజ్రాయెల్ ఆర్మీ అధికార ప్రతినిధి డేనియల్ హగారి తెలిపారు. “మా వద్ద ఒక ప్రణాళిక ఉంది. మా ఇష్టం మేరకు సమయం.. స్థలాన్ని నిర్ణయించడం ద్వారా చర్య తీసుకుంటాము” అంటూ ఆయన ప్రకటించారు. మరోవైపు, ఇజ్రాయెల్‌కు సహాయం చేయాలని అమెరికా అధ్యక్షుడు జో బిడెన్ అమెరికా సైన్యాన్ని కోరారు.
Also Read: కుండపోత వర్షాలు.. నేపాల్ లో 50 మంది మృతి
Iran Israel War: రాత్రి 7 గంటలకు ఇరాన్ దాడి చేసినట్లు అమెరికా ప్రకటించింది. ఇరాన్‌పై దాడి చేస్తే తీవ్ర పరిణామాలు ఎదుర్కోవాల్సి వస్తుందని అమెరికా స్పష్టం చేసింది. మరోవైపు, ఇజ్రాయెల్ ప్రధాని బెంజమిన్ నెతన్యాహు సోషల్ మీడియా ఎక్స్‌లో, ‘ఈ రాత్రి ఇరాన్ పెద్ద తప్పు చేసింది. దానికి మూల్యం చెల్లించాల్సి ఉంటుంది’ అని ప్రకటించారు.
איראן עשתה הערב טעות גדולה – והיא תשלם על כך. pic.twitter.com/B2yppgGqcE
— Benjamin Netanyahu – בנימין נתניהו (@netanyahu) October 1, 2024
Iran Israel War నేపథ్యంలో బిడెన్ అత్యవసర సమావేశం
Iran Israel War: అమెరికా అధ్యక్షుడు జో బిడెన్ వైస్ ప్రెసిడెంట్ కమలా హారిస్, జాతీయ భద్రతా బృందంతో సమావేశమయ్యారు. ఇజ్రాయెల్‌పై ఇరాన్ దాడిపై ఈ సమావేశంలో చర్చించారు. ఈ దాడి నుండి ఇజ్రాయెల్‌ను ఎలా రక్షించాలి? ఇజ్రాయెల్‌లో చిక్కుకుపోయిన అమెరికన్లను ఆదుకోవడానికి ఎలాంటి సన్నాహాలు చేయాలి అనే దానిపై కూడా చర్చ జరిగింది.
ఇరాన్ ఈ ఏడాది ఏప్రిల్‌లో ఇజ్రాయెల్‌పై దాడి చేసింది , అయితే అమెరికా, జోర్డాన్, ఇతర దేశాల సహాయంతో, ఇరాన్ ప్రయోగించిన వందలాది క్షిపణులను – డ్రోన్‌లను ఇజ్రాయెల్ పూర్తిగా నిరోధించింది. అమెరికా తర్వాత ఇజ్రాయెల్‌ను సంయమనం పాటించమని కోరింది. దీని కారణంగా ఇరాన్‌లోని కొన్ని అణు కేంద్రాలకు సమీపంలో ఉన్న వైమానిక స్థావరంపై ఇజ్రాయెల్ దాడి చేసింది. కానీ, ఆ అణు కేంద్రాలను లక్ష్యంగా చేసుకోలేదు.