Namit Malhotra: భారతీయ సినీ చరిత్రలోనే మునుపెన్నడూ లేని విధంగా అత్యంత భారీ బడ్జెట్‌తో తెరకెక్కుతున్న మైథలాజికల్ ఎపిక్ విజువల్ వండర్ ‘రామాయణ’ మేకర్స్‌కు గట్టి షాక్ తగిలింది. బాలీవుడ్ స్టార్ రణబీర్ కపూర్ (రాముడు), సాయి పల్లవి (సీత), కన్నడ రాకింగ్ స్టార్ యష్ (రావణుడు), సన్నీ డియోల్ ప్రధాన పాత్రల్లో నితేష్ తివారీ దర్శకత్వంలో ఈ సినిమా రూపొందుతోంది. రెండు భాగాలుగా దాదాపు రూ.4,000 కోట్ల అంచనా వ్యయంతో ప్రైమ్ ఫోకస్ బ్యానర్‌పై నమిత్ మల్హోత్రా ఈ భారీ ప్రాజెక్ట్‌ను నిర్మిస్తున్నారు.
నవంబర్ 6న ‘రామాయణ పార్ట్-1’ ప్రపంచవ్యాప్తంగా గ్రాండ్‌గా విడుదలయ్యేందుకు పోస్ట్ ప్రొడక్షన్ పనులు శరవేగంగా జరుగుతున్న కీలక తరుణంలో.. సినిమా నిర్మాత, ప్రైమ్ ఫోకస్ అధినేత నమిత్ మల్హోత్రా ఇళ్లు, కార్యాలయాలపై ఆదాయపు పన్ను (IT) శాఖ అధికారులు మెరుపు దాడులు నిర్వహించడం దేశవ్యాప్తంగా తీవ్ర కలకలం రేపింది.
ముంబైలో విస్తృత సోదాలు – విదేశీ నిధులపై నిఘా..
ముంబైలోని నమిత్ మల్హోత్రా నివాసంతో పాటు ప్రైమ్ ఫోకస్ ప్రధాన కార్యాలయాల్లో ఐటీ అధికారులు ఏకకాలంలో తనిఖీలు చేపట్టారు.
సీఏలు, ఫైనాన్షియల్ అడ్వైజర్ల ఆఫీసుల్లోనూ సోదాలు..
నమిత్ మల్హోత్రాకు సంబంధించిన చార్టర్డ్ అకౌంటెంట్లు, ఆర్థిక సలహాదారుల కార్యాలయాలను కూడా అధికారులు జల్లెడ పట్టారు. ముఖ్యమైన ఆర్థిక లావాదేవీల పత్రాలు, డిజిటల్ డేటాను స్వాధీనం చేసుకున్నట్లు సమాచారం.
విదేశీ పెట్టుబడులు & హవాలా అనుమానాలు..
ఈ సినిమా కోసం వివిధ అంతర్జాతీయ విదేశీ కంపెనీల నుంచి వందలాది కోట్ల రూపాయల నిధులు భారత్‌కు బదిలీ అయినట్లు వార్తలు వచ్చాయి. ప్రారంభం నుంచే ప్రమోషన్ల కోసం, ప్రొడక్షన్ కోసం భారీ మొత్తంలో ఖర్చు చేస్తుండటంతో.. ఆ విదేశీ నిధుల మూలాలు (Source of Foreign Funds), పన్ను ఎగవేత కోణంలోనే ప్రధానంగా ఈ సోదాలు జరుగుతున్నట్లు తెలుస్తోంది.
స్టాక్ మార్కెట్‌లో ప్రైమ్ ఫోకస్ షేర్లు 8% పతనం..
ఐటీ దాడుల వార్తలు మీడియాలో ప్రముఖంగా రావడంతో స్టాక్ మార్కెట్‌లో నమిత్ మల్హోత్రా విజువల్ ఎఫెక్ట్స్, మీడియా సంస్థ అయిన ‘ప్రైమ్ ఫోకస్’ (Prime Focus) తీవ్ర ఒత్తిడికి గురైంది.
-
ట్రేడింగ్ ప్రారంభంలోనే ఇన్వెస్టర్లు భయాందోళనలతో అమ్మకాలకు దిగడంతో ప్రైమ్ ఫోకస్ షేర్ విలువ దాదాపు 8 శాతం మేర కుప్పకూలింది.
-
ఇప్పటివరకు ఈ దాడులపై అటు ఆదాయపు పన్ను శాఖ అధికారులు గానీ, ఇటు ప్రైమ్ ఫోకస్ ప్రతినిధులు గానీ అధికారికంగా ఎలాంటి ప్రకటన విడుదల చేయలేదు.
ఒకవైపు రణబీర్, యష్, సాయి పల్లవి కాంబినేషన్‌లో వస్తున్న ఈ సినిమాపై ప్రపంచవ్యాప్తంగా భారీ అంచనాలు నెలకొనగా.. విడుదల తేదీ దగ్గరపడుతున్న సమయంలో నిర్మాతపై ఐటీ దాడులు జరగడం సినీ వర్గాల్లో తీవ్ర చర్చనీయాంశంగా మారింది.