Danam Nagender: కాంగ్రెస్ గెలుపే లక్ష్యం వచ్చే గ్రేటర్ హైదరాబాద్ మున్సిపల్ కార్పొరేషన్ (GHMC) ఎన్నికలపై ఎమ్మెల్యే దానం నాగేందర్ ఆసక్తికర వ్యాఖ్యలు చేశారు. తాను పక్కాగా కాంగ్రెస్ పార్టీలోనే ఉన్నానని, అందులో ఎలాంటి సందేహం లేదని ఆయన స్పష్టం చేశారు. రాబోయే ఎన్నికల్లో హైదరాబాద్ నగరంపై కాంగ్రెస్ జెండా ఎగురవేయడమే తమ లక్ష్యమని ఆయన ధీమా వ్యక్తం చేశారు. ఇందుకోసం నగరం మొత్తం కలియతిరిగి పార్టీని బలోపేతం చేస్తానని ప్రకటించారు.
ఎంఐఎంతో కలిసి ప్రచారం నగరంలోని దాదాపు 300 డివిజన్లలో తాను పర్యటిస్తానని దానం తెలిపారు. ముఖ్యంగా కాంగ్రెస్ పార్టీతో పాటు, మిత్రపక్షంగా ఉన్న ఎంఐఎం (MIM) అభ్యర్థుల గెలుపు కోసం కూడా తాను ప్రచారం చేస్తానని ఆయన వెల్లడించారు. గ్రేటర్ ఎన్నికల్లో ఈ రెండు పార్టీల కూటమి సత్తా చాటుతుందని, ప్రజల మద్దతు తమకే ఉందని ఆయన పేర్కొన్నారు.
ఫిరాయింపుల పై సెటైర్లు పార్టీ మార్పుల గురించి వస్తున్న వార్తలపై ఆయన తనదైన శైలిలో స్పందించారు. ఇతర ఎమ్మెల్యేలు ఏ పార్టీలో ఉన్నారో, ఎటు వెళ్తున్నారో తనకు తెలియదని.. కానీ తాను మాత్రం కాంగ్రెస్ పార్టీ ఎమ్మెల్యేగానే కొనసాగుతున్నానని స్పష్టం చేశారు. తన రాజకీయ ప్రయాణం కాంగ్రెస్తోనే ఉంటుందని చెబుతూ, ప్రత్యర్థులకు తన మాటలతో గట్టి సమాధానం ఇచ్చారు.