TG New Pension Scheme: తెలంగాణలో కొత్త పింఛన్ల కోసం ఎదురుచూస్తున్న పేదలు, అర్హులైన లబ్ధిదారులకు రేవంత్ రెడ్డి ప్రభుత్వం శుభవార్త అందించింది. సామాజిక భద్రత కల్పించే ‘చేయూత’ పింఛన్ల దరఖాస్తు ప్రక్రియకు మొదట నిర్ణయించిన గడువు ఆగస్టు 31తో ముగియాల్సి ఉండగా, ప్రజల నుంచి వస్తున్న అభ్యర్థనలు, ఆందోళనను దృష్టిలో ఉంచుకుని దరఖాస్తు గడువును పొడిగిస్తున్నట్లు పంచాయతీరాజ్, గ్రామీణాభివృద్ధి శాఖ మంత్రి సీతక్క ప్రకటించారు. రాష్ట్రవ్యాప్తంగా మొత్తం 2.50 లక్షల మందికి కొత్తగా పింఛన్లు మంజూరు చేయాలని ప్రభుత్వం లక్ష్యంగా పెట్టుకుంది.
భారీగా వచ్చిన దరఖాస్తులు – వివరాలు..
-
వితంతువులు: అత్యధికంగా 2,64,815 మంది
-
దివ్యాంగులు: 1,07,171 మంది
-
గీత కార్మికులు: 26,343 మంది
-
ఒంటరి మహిళలు: 26,057 మంది
-
చేనేత కార్మికులు: 10,468 మంది
రేపటి (సెప్టెంబర్ 1) నుంచే క్షేత్రస్థాయి పరిశీలన..
-
గ్రామాల్లో: దరఖాస్తుల క్షేత్రస్థాయి పరిశీలన, అర్హతల నిర్ధారణను గ్రామ పంచాయతీ కార్యదర్శులు చేపడతారు.
-
పట్టణాలు / నగరాల్లో: మున్సిపాలిటీలు, కార్పొరేషన్ల పరిధిలో బిల్ కలెక్టర్లు ప్రతి దరఖాస్తును పరిశీలించి అర్హులను గుర్తిస్తారు.
-
తుది జాబితా తయారీ: ప్రభుత్వ నిబంధనలు, కోటా ప్రకారం అర్హులైన వారితో తుది జాబితాను సిద్ధం చేసి కొత్త పింఛన్లను మంజూరు చేస్తారు.
నేరుగా బ్యాంక్ ఖాతాల్లోకే నగదు జమ..
గతంలో పింఛన్లను పోస్టాఫీసుల ద్వారా పంపిణీ చేయగా, పారదర్శకత కోసం ఇకపై ప్రభుత్వం నేరుగా లబ్ధిదారుల బ్యాంక్ ఖాతాల్లోకే (DBT) పింఛన్ మొత్తాన్ని జమ చేయనుంది. అర్హత ఉన్న ప్రతి ఒక్కరికీ పింఛన్ అందిస్తామని ప్రభుత్వం స్పష్టం చేయడంతో దరఖాస్తుదారుల్లో హర్షం వ్యక్తమవుతోంది.