Author: MAHAA News Desk

Revanth Reddy:  తెలంగాణ ఆవిర్భావ వేడుకల్లో సీఎం రేవంత్ రెడ్డి మాట్లాడుతూ.. తమది రాచరిక ఆలోచనలను ఓడించిన ప్రజా ప్రభుత్వమని పేర్కొన్నారు. సంక్షేమానికి రూ.1.56 లక్షల కోట్లు కేటాయించామని, 25 లక్షల కుటుంబాలకు రుణమాఫీ చేశామని చెప్పారు. కోటి మంది మహిళలను కోటీశ్వరులను చేసేందుకు రూ.లక్ష కోట్ల రుణాలు ఇస్తామని, ఇప్పటికే రూ.60 వేల కోట్ల సున్నా వడ్డీ రుణాలు ఇచ్చామని ప్రకటించారు. అలాగే నిరుద్యోగుల కోసం పారదర్శకంగా ఉద్యోగాల భర్తీ, ప్రాణహిత-చేవెళ్ల ప్రాజెక్టు పునర్నిర్మాణం చేపడతామని స్పష్టం చేశారు.

Telangana Formation Day: తెలంగాణ 12వ ఆవిర్భావ దినోత్సవం సందర్భంగా సీఎం రేవంత్ రెడ్డి, కేసీఆర్ ప్రజలకు శుభాకాంక్షలు తెలిపారు. అమరవీరుల ఆశయాల సాధనే లక్ష్యంగా తమ ప్రజా ప్రభుత్వం సమగ్ర అభివృద్ధి, సామాజిక న్యాయం, పారదర్శక పాలనతో రాష్ట్రాన్ని అగ్రగామిగా నిలబెడుతుందని సీఎం రేవంత్ రెడ్డి పేర్కొన్నారు. కాగా, పదేళ్ల స్వయం పాలనలో తాము సాధించిన నీరు, విద్యుత్, వ్యవసాయ ప్రగతి దేశానికే ఆదర్శంగా నిలిచిందని, ప్రస్తుత పాలకులు రైతుల సంక్షేమాన్ని విస్మరించకుండా హామీలను నెరవేర్చాలని కేసీఆర్ హితవు పలికారు.

Telangana Formation Day: తెలంగాణ 12వ ఆవిర్భావ దినోత్సవానికి పరేడ్ గ్రౌండ్స్ సిద్ధమైంది. ఎండ తీవ్రత వల్ల ఉదయం 8:30 గంటలకే సీఎం రేవంత్ రెడ్డి జెండా ఆవిష్కరిస్తారు. ఈ వేదికగా 2.5 లక్షల ఇందిరమ్మ ఇళ్లు, 2 లక్షల మందికి కొత్త చేయూత పెన్షన్లు, నిరుద్యోగుల కోసం మెగా ఉద్యోగ నోటిఫికేషన్లను ప్రభుత్వం ప్రకటించనుంది. సికింద్రాబాద్ పరిసరాల్లో ఉదయం 7 నుండి మధ్యాహ్నం 12 వరకు ట్రాఫిక్ ఆంక్షలు అమలులో ఉంటాయి.

Ponnam Prabhakar: హైదరాబాద్‌లో పవన్ కళ్యాణ్ నిర్వహించ తలపెట్టిన ‘నవనిర్మాణ సభ’పై మంత్రి పొన్నం ప్రభాకర్ తీవ్ర అభ్యంతరం వ్యక్తం చేశారు. గతంలో తెలంగాణపై పవన్ చేసిన వ్యాఖ్యలకు క్షమాపణ చెప్పాలని డిమాండ్ చేశారు. ఏపీలో అధికారం ఇచ్చారు కాబట్టి నవనిర్మాణం అక్కడే చూపించుకోవాలని హితవు పలికారు. అలాగే, బీజేపీ రెమ్యూనరేషన్ ఇస్తేనే పవన్ ఇక్కడికి వస్తున్నారని, దమ్ముంటే కొండగట్టు అంజన్న సాక్షిగా ప్రమాణం చేయాలని సవాల్ విసిరారు.

K Kavitha: తెలంగాణలో ఆంధ్రా పాలకుల ఏజెంట్ ముఖ్యమంత్రిగా ఉన్నాడని కల్వకుంట్ల కవిత విమర్శించారు. ఏపీ ఏర్పడి ఇన్నేళ్లయినా రాజధాని కట్టుకోలేని లోకేష్, పవన్ కళ్యాణ్‌లు తెలంగాణ గురించి మాట్లాడటం హాస్యాస్పదమన్నారు. హైదరాబాద్‌లో పెడుతున్న ఆంధ్రా నాయకుల విగ్రహాలను భవిష్యత్తులో కూల్చివేసి ఆంధ్రాకే పంపుతామని, అయితే ఇక్కడున్న సెటిలర్లను మాత్రం కడుపులో పెట్టుకుంటామని స్పష్టం చేశారు.