AP Municipal Elections: ఆంధ్రప్రదేశ్ రాజకీయాల్లో అసలైన లోకల్ పవర్ వార్ మొదలైంది. అసెంబ్లీ ఎన్నికల తర్వాత రాష్ట్రంలో జరగబోతున్న పట్టణ స్థానిక సంస్థల సమరానికి అంతా సిద్ధమైంది. రాష్ట్రవ్యాప్తంగా 28 జిల్లాల పరిధిలోని 100 పుర, నగరపాలక సంస్థల్లో ఎన్నికల నిర్వహణకు రాష్ట్ర ఎన్నికల సంఘం (SEC) ఏర్పాట్లు పూర్తి చేసింది.
నేడు (శుక్రవారం) ఉదయం 11:00 గంటల నుంచి రిటర్నింగ్ అధికారులు పబ్లిక్ నోటీసులు జారీ చేసి, అధికారికంగా నామినేషన్ల స్వీకరణను ప్రారంభించారు. రాబోయే మూడు రోజుల పాటు ఈ నామినేషన్ల ప్రక్రియ అత్యంత వేగంగా సాగనుంది.
నామినేషన్ల పూర్తి షెడ్యూల్ & టైమింగ్స్..
రాష్ట్ర ఎన్నికల కమిషనర్ (SEC) అనిల్ చంద్ర పునేఠా ప్రకటించిన షెడ్యూల్ ప్రకారం కీలక తేదీలు ఇవే..
-
నామినేషన్ల ప్రారంభం: అక్టోబర్ 16 (శుక్రవారం) ఉదయం 11:00 గంటల నుంచి.
-
నామినేషన్ల ముగింపు: అక్టోబర్ 18 (ఆదివారం) మధ్యాహ్నం 3:00 గంటల వరకు మాత్రమే.
-
నామినేషన్ల పరిశీలన (Scrutiny): అక్టోబర్ 19 (సోమవారం) ఉదయం 11:00 గంటల నుంచి.
-
ఉపసంహరణకు ఆఖరి గడువు (Withdrawal): అక్టోబర్ 21 (బుధవారం) మధ్యాహ్నం 3:00 గంటల వరకు. అదే రోజు బరిలో నిలిచే తుది అభ్యర్థుల జాబితాను ప్రకటిస్తారు.
-
పోలింగ్ తేదీ: అక్టోబర్ 28 (ఉదయం 7:00 నుంచి సాయంత్రం 5:00 వరకు).
-
రీపోలింగ్ (అవసరమైతే): అక్టోబర్ 29.
-
ఓట్ల లెక్కింపు & ఫలితాల ప్రకటన: అక్టోబర్ 30 (ఉదయం 8:00 గంటల నుంచి).
ఎన్ని సీట్లకు ఎలక్షన్స్ జరుగుతున్నాయి?..
రాష్ట్రంలో కోర్టు చిక్కులు లేని మొత్తం 100 అర్బన్ లోకల్ బాడీస్ (ULBs) లో ప్రత్యక్ష ఎన్నికలు జరుగుతున్నాయి.
-
నగరపాలక సంస్థలు (13 కార్పొరేషన్లు): 13 మేయర్ పదవులతో పాటు 922 కార్పొరేటర్ స్థానాలు.
-
మున్సిపాలిటీలు (77) & నగర పంచాయతీలు (10): మొత్తం 87 ఛైర్మన్ పోస్టులు, 3,020 వార్డు కౌన్సిలర్ స్థానాలు.
-
మొత్తం స్థానాలు: మేయర్, మున్సిపల్ ఛైర్మన్ స్థానాలతో కలిపి మొత్తం 3,942 కార్పొరేటర్/కౌన్సిలర్ వార్డులకు ఎన్నికలు జరుగుతున్నాయి.
-
నామినేషన్ కేంద్రాలు: రాష్ట్రవ్యాప్తంగా అభ్యర్థులు పేపర్లు దాఖలు చేసేందుకు ఏకంగా 5,485 కేంద్రాలను సిద్ధం చేశారు. రద్దీని కంట్రోల్ చేయడానికి, పారదర్శకత కోసం ప్రతి సెంటర్‌లో సీసీటీవీలు, వీడియోగ్రఫీతో గట్టి బందోబస్తు ఏర్పాటు చేశారు.
ఎన్నికల ఖర్చుల లిమిట్స్: ఎస్ఈసీ కొత్త పరిమితులు ఇవే..
ఎన్నికల్లో అభ్యర్థులు అడ్డగోలుగా డబ్బులు ఖర్చు పెట్టకుండా నియంత్రించేందుకు ఎస్ఈసీ పరిమితులను సవరించి కొత్త రూల్స్ తెచ్చింది.
| స్థానిక సంస్థ / హోదా | గరిష్ఠ వ్యయ పరిమితి (Expenditure Cap) |
| గ్రేటర్ విశాఖపట్నం (GVMC) మేయర్ అభ్యర్థి | రూ. 40 లక్షలు |
| జీవీఎంసీ కార్పొరేటర్ అభ్యర్థి | రూ. 15 లక్షలు |
| ఇతర కార్పొరేషన్ల మేయర్ అభ్యర్థి | రూ. 25 లక్షలు |
| ఇతర కార్పొరేషన్ల కార్పొరేటర్ అభ్యర్థి | రూ. 10 లక్షలు |
| మున్సిపాలిటీ ఛైర్‌పర్సన్ అభ్యర్థి | రూ. 20 లక్షలు |
| మున్సిపాలిటీ వార్డు కౌన్సిలర్ అభ్యర్థి | రూ. 7.50 లక్షలు |
| నగర పంచాయతీ ఛైర్‌పర్సన్ అభ్యర్థి | రూ. 10 లక్షలు |
| నగర పంచాయతీ వార్డు సభ్యుడు | రూ. 5 లక్షలు |
నామినేషన్ రూల్స్ – ఎవరికి అర్హత ఉంది? ఎవరికి లేదు?..
-
ఎవరు పోటీ చేయకూడదు? (Ineligible):ప్రభుత్వ ఉద్యోగులు (రాష్ట్ర లేదా కేంద్ర), కాంట్రాక్టు, ఔట్‌సోర్సింగ్ సిబ్బంది పోటీకి అనర్హులు. వీరితో పాటు రేషన్ షాపు డీలర్లు, అంగన్‌వాడీ కార్యకర్తలు, ఆర్టీసీ ఎంప్లాయీస్ ఎవరూ నామినేషన్ వేయడానికి వీల్లేదు. అలాగే స్థానిక సంస్థలకు పన్ను బకాయిలు (Property Tax / Water Tax Dues) ఉన్నవారు కూడా పోటీకి అనర్హులవుతారు.
-
సంతానం నిబంధన ఎత్తివేత:గతంలో ఇద్దరు కంటే ఎక్కువ మంది పిల్లలుంటే పోటీ చేయకూడదనే నిబంధన ఉండేది. ఆ రూల్‌ను రద్దు చేసినందున ఇప్పుడు ఎంతమంది పిల్లలున్నా నిరభ్యంతరంగా పోటీ చేయవచ్చు.
-
ఓటరు జాబితా రూల్:పోటీ చేయాలనుకునే అభ్యర్థి ఆయా పట్టణ స్థానిక సంస్థ పరిధిలోని ఓటరు అయి ఉండాలి. పోటీ చేసే నిర్దిష్ట వార్డులో ఓటు లేకపోయినా.. అదే మున్సిపాలిటీ లేదా కార్పొరేషన్‌లోని మరే ఇతర వార్డులో ఓటు నమోదై ఉన్నా చాలు.
-
నాలుగు సెట్లు దాఖలు చేసుకోవచ్చు:ఒక అభ్యర్థి ఒకే వార్డుకు గరిష్ఠంగా నాలుగు సెట్ల నామినేషన్లు వేయవచ్చు, అయితే డిపాజిట్ ఫీజు మాత్రం ఒక్కసారి చెల్లిస్తే సరిపోతుంది. నామినేషన్ రిజెక్షన్లపై అప్పీల్ చేసుకునే అవకాశం చట్టంలో లేదని అధికారులు క్లారిటీ ఇచ్చారు.
-
పార్టీ గుర్తులు & నోటా:గుర్తింపు పొందిన పొలిటికల్ పార్టీలకు గతంలో కేటాయించిన అధికారిక గుర్తులే యథాతథంగా ఉంటాయి. ఇండిపెండెంట్లకు ఫ్రీ సింబల్స్ ఇస్తారు. ఎవరూ నచ్చని ఓటర్ల కోసం బ్యాలెట్ పేపర్‌లో చివరి ఆప్షన్‌గా ‘నోటా’ (NOTA) గుర్తు ఉంటుంది.
28 జిల్లాల్లో ఐఏఎస్ అబ్జర్వర్లు – ఈసీ స్ట్రిక్ట్ యాక్షన్..
ఎన్నికల ప్రక్రియలో ఎలాంటి అక్రమాలు, అధికార దుర్వినియోగం జరగకుండా ఉండేందుకు రాష్ట్రంలోని 28 జిల్లాలకు ప్రత్యేకంగా సీనియర్ ఐఏఎస్ అధికారులను ఎన్నికల పరిశీలకులుగా నియమించారు. ఓటర్లను ప్రలోభపెట్టేందుకు మద్యం, నగదు పంపిణీ చేస్తే వెంటనే క్రిమినల్ కేసులు నమోదు చేయాలని, కోడ్ ఉల్లంఘిస్తే పార్టీలతో సంబంధం లేకుండా కఠిన చర్యలు తీసుకోవాలని ఎస్ఈసీ ఆదేశించింది. అటు నామినేషన్ల ప్రక్రియ సజావుగా సాగేలా తెలంగాణ నుంచి కూడా 20 వేల బ్యాలెట్ బాక్సులను తెప్పించి సిద్ధం చేశారు.
వచ్చే ఆదివారం (అక్టోబర్ 18) మధ్యాహ్నం 3 గంటల వరకే నామినేషన్లకు గడువు ఉండటంతో.. పార్టీల బీ-ఫారాలు దక్కించుకున్న ప్రధాన పార్టీల నేతలు, ఇండిపెండెంట్లు భారీ ర్యాలీలతో నామినేషన్ కేంద్రాల వైపు అడుగులు వేస్తున్నారు.