కార్పొరేషన్లు, మున్సిపాలిటీల్లో తాజా ఆధిక్యతలు..
కీలక కార్పొరేషన్లు..
విశాఖపట్నం (GVMC), గుంటూరు, చిత్తూరు, విజయనగరం నగరపాలక సంస్థల్లో తెలుగుదేశం పార్టీ అభ్యర్థులు ముందంజలో ఉన్నారు.
ఏలూరు కార్పొరేషన్: జనసేన పార్టీ అభ్యర్థి ఆధిక్యంలో కొనసాగుతున్నారు.
మున్సిపాలిటీలు & నగర పంచాయతీలు:
టీడీపీ ఆధిక్యం: నర్సీపట్నం, పెనుకొండ, వెంకటగిరి, నందిగామ, జగ్గయ్యపేట, నందికొట్కూరు, సూళ్లూరుపేట, పలమనేరు, మార్కాపురం, మాచర్ల, ఎమ్మిగనూరు పురపాలికల్లో టీడీపీ ఆధిక్యతలో ఉంది.
జనసేన ఆధిక్యం: అమలాపురం, మడకశిర, నరసాపురం, తిరువూరు స్థానాల్లో జనసేన ముందంజలో ఉంది.
భాజపా & వైకాపా: గిద్దలూరులో భాజపా ఆధిక్యంలో ఉండగా, ఉయ్యూరులో వైఎస్సార్‌సీపీ ఆధిక్యాన్ని నమోదు చేసింది.
తొలి ఫలితాలు & అధికారిక విజయాలు..
-
బద్వేలు మున్సిపాలిటీ కూటమి కైవసం:
-
కడప జిల్లా బద్వేలు పురపాలిక 39వ వార్డులో టీడీపీ అభ్యర్థి తుడిమెళ్ల విజయ 372 ఓట్ల మెజార్టీతో విజయం సాధించారు.
-
బద్వేలులోని మొత్తం 40 వార్డుల్లో ఇప్పటికే 39 వార్డులు ఏకగ్రీవమయ్యాయి. తుది ఫలితాల ప్రకారం టీడీపీ 36, జనసేన 2, ఇతరులు 2 వార్డులను కైవసం చేసుకుని బద్వేలు పీఠాన్ని ఎన్డీయే కూటమి సొంతం చేసుకుంది.
-
-
పెద్దాపురం మున్సిపాలిటీలో జనసేన డబుల్ విక్టరీ:
-
కాకినాడ జిల్లా పెద్దాపురం 3వ వార్డులో జనసేన అభ్యర్థి సతీశ్‌కుమార్ 773 ఓట్ల మెజార్టీతో గెలుపొందారు.
-
పెద్దాపురం 5వ వార్డులో జనసేన అభ్యర్థి కొర్ని సత్యనారాయణ 650 ఓట్ల మెజార్టీతో ఘనవిజయం సాధించారు.
-
-
నర్సీపట్నంలో టీడీపీ బోణీ:
-
అనకాపల్లి జిల్లా నర్సీపట్నం మున్సిపాలిటీ 1వ వార్డులో టీడీపీ అభ్యర్థి లాలం మురళి 413 ఓట్ల మెజార్టీతో విజయం సాధించారు.
-
పోస్టల్ బ్యాలెట్ల ట్రెండ్స్..
-
గుంటూరు కార్పొరేషన్: పోస్టల్ బ్యాలెట్లలో తెదేపాకు 156, వైసీపీకి 78, ఇతరులకు 17 ఓట్లు నమోదయ్యాయి.
-
కడప కార్పొరేషన్ (రౌండ్ 1): మొత్తం 97 పోస్టల్ బ్యాలెట్లలో తెదేపాకు 47, వైసీపీకి 36, ఇతరులకు 14 ఓట్లు వచ్చాయి.
-
కొవ్వూరు: పోస్టల్ బ్యాలెట్లలో తెదేపాకు 34, వైసీపీకి 4, స్వతంత్రులకు 1, నోటాకు 1 ఓటు వచ్చాయి.
-
వినుకొండ: 20 పోస్టల్ ఓట్లలో తెదేపాకు 15, జనసేనకు 2, వైసీపీకి 1, భాజపాకు 1, నోటాకు 1 ఓటు పోలయ్యాయి.
-
అమలాపురం: మున్సిపల్ చైర్మన్ పోస్టల్ బ్యాలెట్లలో కూటమి అభ్యర్థి నల్లా శ్రీధర్‌కు 16 ఓట్లు రాగా, వైసీపీ అభ్యర్థికి 3 ఓట్లు వచ్చాయి.
-
మడకశిర: పోస్టల్ బ్యాలెట్లలో జనసేన అభ్యర్థి గుండుమల శారదకు 16 ఓట్లు, కాంగ్రెస్‌కు 2, వైసీపీకి 1 ఓటు వచ్చాయి.
పులివెందుల కౌంటింగ్ కేంద్రం వద్ద ఉద్రిక్తత..
వైఎస్సార్ కడప జిల్లా పులివెందుల కౌంటింగ్ కేంద్రం వద్ద కాసేపు గందరగోళం నెలకొంది. కౌంటింగ్ కేంద్రం లోపల స్థలం సరిపోలేదనే కారణంతో అభ్యర్థి లేదా ఏజెంట్లలో ఎవరో ఒకరిని మాత్రమే లోపలికి అనుమతిస్తామని అధికారులు తెలపడంతో వివాదం రేగింది. ఇద్దరికీ అధికారికంగా పాస్‌లు ఇచ్చిన తర్వాత లోపలికి అనుమతించకపోవడంపై అభ్యర్థులు, ఏజెంట్లు అధికారులను నిలదీశారు. బ్యాలెట్ పేపర్ల కట్టలు కట్టే ప్రక్రియ పూర్తి కావడంతో మరికొద్ది సేపట్లో పూర్తి రౌండ్ల ఫలితాలు వెలువడనున్నాయి.