Kurnool Bus Accident: ఆంధ్రప్రదేశ్‌లోని కర్నూలు జిల్లా శివారులోని చిన్నటేకూరు వద్ద జరిగిన ఘోర బస్సు ప్రమాదం దేశవ్యాప్తంగా విషాదం నింపింది. హైదరాబాద్ నుండి బెంగళూరుకు వెళ్తున్న కావేరీ ట్రావెల్స్ బస్సు బైకును ఢీకొనడంతో మంటలు చెలరేగాయి. ఈ దుర్ఘటనలో సుమారు 20 మంది ప్రయాణికులు ప్రాణాలు కోల్పోయినట్లు సమాచారం. ఈ ఘటనపై రాష్ట్రపతి ద్రౌపది ముర్ముతో పాటు, ప్రధానమంత్రి నరేంద్ర మోదీ తీవ్ర దిగ్భ్రాంతి వ్యక్తం చేశారు.
ప్రధాని మోదీ పరిహారం ప్రకటన
కర్నూలు బస్సు ప్రమాదంపై ప్రధానమంత్రి నరేంద్ర మోదీ తీవ్ర ఆవేదన వ్యక్తం చేశారు. ఈ దురదృష్టకర సంఘటన తనను ఎంతగానో బాధించిందని పేర్కొన్నారు. మృతుల కుటుంబాలకు ప్రగాఢ సానుభూతి తెలిపారు.
బాధిత కుటుంబాలకు మోదీ తక్షణ పరిహారం (ఎక్స్‌గ్రేషియా) ప్రకటించారు:
ఘటనలో ప్రాణాలు కోల్పోయిన ప్రతి కుటుంబానికి రూ. 2 లక్షల చొప్పున ఎక్స్‌గ్రేషియా.
గాయపడిన వారికి రూ. 50,000 చొప్పున తక్షణ సాయం.
గాయపడిన వారంతా త్వరగా కోలుకోవాలని ప్రార్థిస్తున్నట్లు మోదీ ట్వీట్‌లో పేర్కొన్నారు.
Extremely saddened by the loss of lives due to a mishap in Kurnool district of Andhra Pradesh. My thoughts are with the affected people and their families during this difficult time. Praying for the speedy recovery of the injured.
An ex-gratia of Rs. 2 lakh from PMNRF would be…
— PMO India (@PMOIndia) October 24, 2025
రాష్ట్రపతి విచారం
ఈ ఘోర ప్రమాదంపై రాష్ట్రపతి ద్రౌపది ముర్ము కూడా స్పందించారు. ఎక్స్‌ (గతంలో ట్విట్టర్) వేదికగా పోస్ట్ చేస్తూ, ఈ ఘటనపై విచారం వ్యక్తం చేశారు. మరణించిన వారికి సంతాపం తెలిపి, క్షతగాత్రులు వేగంగా కోలుకోవాలని ఆకాంక్షించారు.
The loss of lives in a tragic bus fire accident in Kurnool, Andhra Pradesh is deeply unfortunate. I extend my heartfelt condolences to the bereaved family members and pray for the speedy recovery of those injured.
— President of India (@rashtrapatibhvn) October 24, 2025
ప్రమాదం ఎలా జరిగింది?
హైదరాబాద్ నుండి బెంగళూరుకు ప్రయాణిస్తున్న ప్రైవేట్ కావేరీ ట్రావెల్స్ బస్సు, కర్నూలు శివార్లలోని చిన్నటేకూరు వద్ద ఒక బైకును ఢీకొనడంతో వెంటనే మంటలు చెలరేగాయి. ప్రమాదం జరిగినప్పుడు బస్సులో సుమారు 40 నుండి 44 మంది ప్రయాణికులు ఉన్నారు. బస్సు పూర్తిగా దగ్ధమైంది.
ప్రమాద తీవ్రత కారణంగా బస్సులో మరణించిన వారి మృతదేహాలు పూర్తిగా కాలిపోయాయి. దీంతో ఘటనా స్థలంలోనే మృతదేహాలకు పోస్ట్‌మార్టమ్ నిర్వహించనున్నట్లు సమాచారం. మృతుల గుర్తింపు కోసం డీఎన్‌ఏ పరీక్షలు నిర్వహించి, ఆ తర్వాతే మృతదేహాలను వారి కుటుంబాలకు అప్పగించనున్నారు.