Dubai Princess: దుబాయ్ యువరాణి షేఖా మహ్రా తన భర్తకు ఇన్స్టాగ్రామ్లో విడాకులు ఇచ్చిన తర్వాత మరోసారి వార్తల్లో నిలిచారు. ప్రముఖ మొరాకో-అమెరికన్ ర్యాపర్ ఫ్రెంచ్ మోంటానాతో ఆమె నిశ్చితార్థం చేసుకున్నారు. ఈ నిశ్చితార్థం పారిస్ ఫ్యాషన్ వీక్లో జూన్ నెలలో జరిగిందని ఫ్రెంచ్ మోంటానా ప్రతినిధి ధృవీకరించారు. గత కొంతకాలంగా వీరిద్దరూ కలిసి ఉన్న ఫోటోలు, వీడియోలు సోషల్ మీడియాలో వైరల్ అవుతున్నాయి. వీరు దుబాయ్, మొరాకో, పారిస్ వంటి ప్రాంతాల్లో తరచుగా కలిసి కనిపించారు.
దుబాయ్ పాలకుడు, యూఏఈ ప్రధానమంత్రి షేక్ మొహమ్మద్ బిన్ రషీద్ అల్ మక్తౌమ్ కుమార్తె అయిన షేఖా మహ్రా, గతంలో దుబాయ్ వ్యాపారవేత్త షేక్ మనా బిన్ మొహమ్మద్ అల్ మక్తౌమ్ను వివాహం చేసుకున్నారు. అయితే, ఈ బంధం ఎంతో కాలం నిలవలేదు. గత సంవత్సరం, ఆమె తన భర్తకు ఇన్స్టాగ్రామ్ పోస్ట్ ద్వారా విడాకులు ఇస్తున్నట్లు ప్రకటించి సంచలనం సృష్టించారు. ఆ తర్వాత ‘డివోర్స్’ పేరుతో ఒక పర్ఫ్యూమ్ బ్రాండ్ను కూడా ప్రారంభించారు.
Also Read: Mirai Trailer: మిరాయ్ ట్రైలర్ బ్లాస్ట్.. మంచు మనోజ్–తేజ సజ్జా వార్ హైలైట్
40 ఏళ్ల ఫ్రెంచ్ మోంటానా అసలు పేరు కరీం ఖర్బౌచ్. ‘అన్ఫర్గెటబుల్’ వంటి పాటలతో ఆయన అంతర్జాతీయంగా ఎంతో పేరు ప్రఖ్యాతులు పొందారు. ఆయన సంగీతంతో పాటుగా దాతృత్వ కార్యక్రమాలకు కూడా ప్రసిద్ధి చెందారు. ఉగాండా, మొరాకో వంటి దేశాల్లో ఆరోగ్య సంరక్షణ, విద్య కోసం నిధులు సేకరించారు. ఈ నిశ్చితార్థం వార్త నందమూరి అభిమానులకు ఆనందాన్ని కలిగించింది. ఒకవైపు సినీ ప్రముఖులు, మరోవైపు అభిమానులు ఈ కొత్త జంటకు శుభాకాంక్షలు తెలుపుతున్నారు. వీరి వివాహ తేదీ ఇంకా ఖరారు కాలేదు. ఈ విషయంపై మరింత సమాచారం కోసం అభిమానులు ఆసక్తిగా ఎదురు చూస్తున్నారు.
