Indian criminals: మన దేశంలో నేరాలు చేసి విదేశాలకు పారిపోయిన ముగ్గురు వ్యక్తులను యునైటెడ్ అరబ్ ఎమిరేట్స్‌లో ఇంటర్‌పోల్ సహాయంతో సీబీఐ అధికారులు అరెస్టు చేసి ఇక్కడికి తీసుకువచ్చారు.అజయ్ జైన్ రాజస్థాన్ రాష్ట్రానికి చెందినవాడు. అతనిపై అనేక క్రిమినల్ కేసులు ఉన్నాయి. అతను ఇంటర్నెట్ కాల్స్ ద్వారా వ్యాపారవేత్తలను సంప్రదించి, వారిని బెదిరించి, డబ్బు వసూలు చేసేవాడు. డబ్బులు ఇవ్వడానికి నిరాకరించిన వారిని కాల్చివేస్తానని బెదిరించాడు. పోలీసులు అతని కోసం వెతకడం ప్రారంభించగా అతను దేశం విడిచి పారిపోయాడు.
అదేవిధంగా, సుహైల్ బషీర్ కేరళలోని ఎర్నాకుళం నుండి వచ్చాడు. అతను 2023లో మువట్టుపుళకు చెందిన ఒక అమ్మాయిపై లైంగిక వేధింపులకు పాల్పడ్డాడు. దాని కోసం అతనిపై కేసు నమోదు కావడంతో, అతను యునైటెడ్ అరబ్ ఎమిరేట్స్‌కు పారిపోయాడు.
Also Read: Supreme Court: పిల్లలు సోషల్ మీడియా వాడకాన్ని నిషేధించాలనే పిటిషన్ తిరస్కరించిన సుప్రీం కోర్టు
Indian criminals: గుజరాత్‌కు చెందిన టోపిక్ నజీర్ ఖాన్ అనే మరో వ్యక్తి మనీలాండరింగ్, నేర కార్యకలాపాలకు పాల్పడి విదేశాలకు పారిపోయాడు. ఆ ముగ్గురిని అరెస్టు చేయడానికి రాష్ట్ర పోలీసులు సీబీఐ ద్వారా ఇంటర్‌పోల్ సహాయం కోరింది. ఇంటర్‌పోల్ ఈ ముగ్గురిపై రెడ్ నోటీసు జారీ చేసి, అన్ని దేశాల పోలీసులకు సమాచారం పంపింది.
ఫలితంగా, ఈ ముగ్గురు నేరస్థులు యునైటెడ్ అరబ్ ఎమిరేట్స్‌లోని వివిధ నగరాల్లో పట్టుబడ్డారు. వారిని అక్కడి పోలీసులు సీబీఐకి అప్పగించడంతో భారతదేశానికి తిరిగి తీసుకువచ్చారు.