Rahul Gandhi: మోదీకి రాహుల్ గాంధీ సవాల్.. ఎవరు దేశద్రోహులో తేల్చుకుందామంటూ పోస్ట్!

ఛత్తీస్‌గఢ్‌లోని బస్తర్ పర్యటనలో ప్రధాని చేసిన ప్రసంగాన్ని ఉటంకిస్తూ సోమవారం (నవంబర్ 9) రాహుల్ గాంధీ ‘ఎక్స్’ (ట్విట్టర్) వేదికగా ఘాటుగా స్పందించారు.

డియర్ సీఆర్‌పీఎఫ్ (@crpfindia).. మీ ముఖాలే అసలు నిజాన్ని స్పష్టం చేశాయి. ప్రధాని చెప్పిన అబద్ధాలను మీరెవరూ నమ్మలేదని అర్థమైంది. ఆయన మమ్మల్ని నక్సలైట్లు అని పిలిచారు. నా సవాల్ ఇప్పటికీ అలాగే ఉంది. దేశద్రోహులు ఎవరు? విదేశీ శక్తుల చేతుల్లో కీలుబొమ్మలుగా మారింది ఎవరు? అనే అంశంపై నాతో చర్చకు మోదీ ముందుకు రావాలి. ఎక్కడైనా.. ఎప్పుడైనా నేను సిద్ధం. నాది గ్యారెంటీ.. ఈ చర్చ ముగిసిన తర్వాత ప్రధాని మళ్లీ ఒక్క జవాన్ ముందు కూడా తలెత్తుకుని నిలబడే ధైర్యం చేయలేరు” అని రాహుల్ గాంధీ పేర్కొన్నారు.

అంతకుముందు నవంబర్ 3న యువతనుద్దేశించి ‘ఎక్స్’లో ఓ పోల్ నిర్వహించిన రాహుల్.. కేంద్ర మంత్రులు నితిన్ గడ్కరీ, శివరాజ్ సింగ్ చౌహాన్, యూపీ సీఎం యోగి ఆదిత్యనాథ్‌లను ట్యాగ్ చేస్తూ, తనతో బహిరంగ చర్చకు వచ్చేలా మోదీని ఒప్పించాలని కోరారు.

ఆదివారం (నవంబర్ 8) దీపావళి పండుగ సందర్భంగా ఛత్తీస్‌గఢ్‌లోని బస్తర్ జిల్లా కరంపూర్‌లోని సీఆర్‌పీఎఫ్ (CRPF) క్యాంపులో జవాన్లను ఉద్దేశించి ప్రధాని నరేంద్ర మోదీ ప్రసంగించారు. క్షేత్రస్థాయిలో సాయుధ నక్సలైట్లను భద్రతా బలగాలు తుదముట్టించినప్పటికీ, ఇంకా ముప్పు పూర్తిగా తొలగిపోలేదని మోదీ అన్నారు.

“దిమాగీ నక్సల్స్” వివిధ రాజకీయ పార్టీలు, పలు సంస్థలను తమ అధీనంలోకి తీసుకున్నారని, దేశ రాజ్యాంగానికి, ప్రజాస్వామ్య వ్యవస్థలకు వ్యతిరేకంగా వారు ప్రజలను రెచ్చగొడుతున్నారని ఆరోపించారు.

అలాంటి వారిని గుర్తించి, ఓడించి దేశాన్ని సురక్షితంగా కాపాడుకోవాల్సిన అవసరం ఉందని భద్రతా సిబ్బందికి పిలుపునిచ్చారు. ఆగస్టు 15 స్వాతంత్ర్య దినోత్సవ ప్రసంగంలోనూ ప్రధాని ఇటువంటి వ్యక్తులను గుర్తించి సమాజం నుంచి వేరుచేయాలని పేర్కొన్న సంగతి తెలిసిందే.

ఈ వివాదం దేశంలో ఇప్పటికే నెలకొన్న రాజకీయ వేడిని మరింత పెంచింది. కేంద్ర ప్రభుత్వ విధానాలు, ఓటర్ల జాబితా ప్రత్యేక సమగ్ర సవరణ (SIR) ప్రక్రియతో పాటు కేంద్ర ప్రధాన ఎన్నికల కమిషనర్ (CEC) జ్ఞానేష్ కుమార్ రాజీనామా డిమాండ్‌పై విపక్షాలు, ప్రజాసంఘాలు సోషల్ మీడియా వేదికగా ఉద్యమిస్తున్నాయి.

విపక్షాలు లేవనెత్తుతున్న ప్రజా సమస్యల నుంచి దృష్టి మళ్లించేందుకే కేంద్ర ప్రభుత్వం ‘దిమాగీ నక్సల్స్’ ముద్ర వేస్తోందని ప్రతిపక్ష ‘ఇండియా’ కూటమి ఆరోపిస్తుండగా.. రాజ్యాంగ సంస్థల విశ్వసనీయతను దెబ్బతీసే కుట్రలను తిప్పికొడతామని బీజేపీ స్పష్టం చేస్తోంది.

Dear @crpfindia,

Your faces said it all: you didn’t buy the PM’s lies.

He called us Naxals.

My challenge stands. Let him debate me on who is anti-national and who is controlled by foreign forces. Any time, any place.

My guarantee: after the debate, the PM won’t have the guts to stand in front of a single jawan again.

प्रिय @crpfindia के जवानों,

आपके चेहरों ने सब बता दिया – आपको प्रधानमंत्री के झूठ पर भरोसा नहीं।

उन्होंने हमें नक्सली कहा।

मेरी चुनौती क़ायम है। वो मुझसे बहस करें – देशद्रोही कौन है और विदेशी ताक़तों के इशारे पर कौन चल रहा है। कोई भी समय, किसी भी जगह।

मेरी गारंटी: उस बहस के बाद प्रधानमंत्री में एक भी जवान के सामने खड़े होने की हिम्मत नहीं होगी।

— Rahul Gandhi (@RahulGandhi) November 9, 2026