Keerthy Suresh: ‘మహానటి’గా మనందరి గుండెల్లో చెరగని ముద్ర వేసుకున్న కీర్తి సురేష్ పక్కింటి అమ్మాయిలా కనిపించినా, క్లాస్ రోల్ అయినా, ఎమోషనల్ సీన్ అయినా తన నటనతో స్క్రీన్ మీద మ్యాజిక్ చేయగల నేషనల్ అవార్డ్ విన్నింగ్ యాక్ట్రెస్ ఆమె. దాదాపు ఇరవై ఏళ్ల సినీ కెరీర్‌లో ఎన్నో రకాల క్యారెక్టర్స్ వేసి మెప్పించిన కీర్తి, ఇప్పుడు తన కంఫర్ట్ జోన్ నుంచి బయటకు వచ్చి సరికొత్త అవతారంలోకి మారబోతోంది. ఇప్పటివరకు వెండితెరపై అలరించిన ఈ బ్యూటీ, ఇప్పుడు మొట్టమొదటిసారిగా ఓటీటీ స్పేస్‌లోకి అదిరిపోయే ఎంట్రీ ఇస్తోంది. అదే ‘అక్క’ అనే పీరియాడిక్ యాక్షన్ డ్రామా సిరీస్!
‘పెర్నూరు’ సామ్రాజ్యం.. భవానీ రాజసం!
ఈ సిరీస్ బ్యాక్‌డ్రాప్ వింటేనే చాలా ఫ్రెష్‌గా, యునీక్‌గా అనిపిస్తుంది. సాధారణంగా క్రైమ్ థ్రిల్లర్స్ అంటే మగాళ్ల గ్యాంగ్‌స్టర్ గ్యాంగులు, తుపాకీ మోతలు చూస్తుంటాం. కానీ ఈ కథ మొత్తం మహిళల ఆధిపత్యం నడిచే ‘పెర్నూరు’ అనే ఒక ఫిక్షనల్ టౌన్ చుట్టూ తిరుగుతుంది. అక్కడ నేర సామ్రాజ్యాన్ని శాసించే ముగ్గురు పవర్‌ఫుల్ సిస్టర్స్‌లో ఒకరైన ‘భవానీ’ అనే పాత్రలో కీర్తి సురేష్ కనిపించనున్నారు.
తన క్యారెక్టర్ గురించి కీర్తి మాట్లాడుతూ చాలా ఇంట్రెస్టింగ్ విషయాలు షేర్ చేసుకున్నారు. “జనరల్ గా గ్యాంగ్‌స్టర్ అనగానే మన మైండ్‌లోకి వచ్చేది గన్స్ పట్టుకుని అరిచే మాస్ ఇమేజ్ లేదా రక్తం ఏరులై పారే సీన్లు. కానీ ‘అక్క’లో భవానీ మాత్రం అలా ఉండదు. చాలా కామ్‌గా, సైలెంట్‌గా ఉంటూనే తన పని కానిచ్చేస్తుంది. చేతులతో స్వయంగా హత్యలు చేయడం కంటే.. మైండ్‌గేమ్స్ ఆడుతూ, ఒక పక్కా లీడర్‌షిప్ క్వాలిటీస్‌తో రాజసం ఉట్టిపడేలా నా పాత్ర ఉంటుంది. ఆ సైలెంట్ పవర్‌ను, ఆ ఎనర్జీని పట్టుకోవడం నటిగా నాకు చాలా పెద్ద ఛాలెంజ్‌గా అనిపించింది” అని చెప్పారు.
థియేటర్ స్టార్‌వి.. ఓటీటీ ఎందుకు?.. అన్నవాళ్లకు స్ట్రాంగ్ రిప్లై!
సినిమాల్లో టాప్ గేర్‌లో ఉన్నప్పుడు సడెన్‌గా వెబ్ సిరీస్ ఎందుకు చేస్తున్నావంటూ ఇండస్ట్రీలో చాలామంది కీర్తిని వద్దని వారించారట. “నువ్వు పక్కా థియేట్రికల్ స్టార్‌వి.. ఇప్పుడు ఓటీటీ ప్రాజెక్టులు ఎందుకు ఒప్పుకుంటున్నావ్?” అని కొందరు సలహాలు కూడా ఇచ్చారు. అయితే వాటిపై కీర్తి స్పందిస్తూ ఫుల్ క్లారిటీ ఇచ్చేశారు.
“కోవిడ్ తర్వాత కథలు చెప్పే విధానం, ఆడియన్స్ చూసే తీరు పూర్తిగా మారిపోయాయి. ఒక కంటెంట్ హిట్ అవ్వాలంటే స్క్రీన్ సైజ్ ముఖ్యం కాదు, దాంట్లో ఉండే సోల్ ముఖ్యం. బిగ్ స్క్రీన్ మూవీస్, ఓటీటీ సిరీస్‌లు అనేవి రెండు వేర్వేరు పడవలు లాంటివి. ఒక నటిగా ఆ రెండింటినీ బ్యాలెన్స్ చేస్తూ నన్ను నేను ప్రూవ్ చేసుకోవడం నాకు చాలా ఇష్టం. అందుకే వాళ్ల మాటలేవీ పట్టించుకోకుండా ఈ ప్రాజెక్ట్ గ్రీన్ సిగ్నల్ ఇచ్చాను” అంటూ తన విసిషన్‌ను స్పష్టం చేశారు.
భాష హద్దులు లేవు.. క్యారెక్టరే కింగ్!
తెలుగు, తమిళంలో తిరుగులేని ఫ్యాన్ బేస్ సంపాదించుకున్న కీర్తి, బాలీవుడ్ ఎంట్రీపై కూడా తన మైండ్‌సెట్ ఏంటో చెప్పారు. ప్రస్తుతం హిందీ ప్రాజెక్ట్‌లతో నార్త్‌లో కూడా సత్తా చాటుతున్నప్పటికీ, తనకు భాష అనేది అస్సలు మ్యాటరే కాదంటున్నారు. కథ నచ్చితే అది తెలుగు, తమిళ్, మలయాళం లేదా హిందీ.. ఎందులోనైనా వర్క్ చేయడానికి తను రెడీ. ఒక రోల్ తనను ఎంతవరకు ఎగ్జైట్ చేస్తుంది, ఆడియన్స్‌కు ఒక కొత్త అనుభవాన్ని ఎలా ఇస్తుంది అనేదే తన ఫస్ట్ ప్రయారిటీ అని కుండబద్దలు కొట్టారు.
రాధికా ఆప్టే తోడైతే.. స్క్రీన్ పై మంటలే!
ఈ సిరీస్‌కి మరో పెద్ద అస్సెట్ అంటే రాధికా ఆప్టే. కీర్తి సురేష్, రాధికా ఆప్టే ఇద్దరూ పోటాపోటీగా నటించే పవర్‌హౌస్ యాక్టర్స్. వీరిద్దరూ ఒకే ఫ్రేమ్‌లో కనిపించి ఆధిపత్యం కోసం తలపడితే ఎలా ఉంటుందో ఊహించుకోవడానికే రోమాంచితంగా ఉంది. వీరితో పాటు తన్వి అజ్మీ, మహేష్ మంజ్రేకర్, అన్షుమాన్ పుష్కర్, మోనికా పన్వార్ వంటి అద్భుతమైన నటీనటులు ఇందులో ముఖ్య పాత్రలు పోషిస్తున్నారు.
వైష్ణవ్ రాజ్ దర్శకత్వంలో తెరకెక్కిన ఈ భారీ ప్రాజెక్ట్‌ను ఇండియాలోనే టాప్ ప్రొడక్షన్ హౌస్ అయిన యష్ రాజ్ ఫిల్మ్స్ (YRF), గ్లోబల్ స్ట్రీమింగ్ దిగ్గజం నెట్‌ఫ్లిక్స్ కలిసి ప్రొడ్యూస్ చేశాయి. క్వాలిటీ, మేకింగ్ పరంగా ఇది ఇంటర్నేషనల్ స్టాండర్డ్స్‌లో ఉండబోతుందని టీజర్, పోస్టర్స్ చూస్తేనే అర్థమవుతోంది.
స్ట్రీమింగ్ ఎప్పుడు?
క్రైమ్, పవర్ పాలిటిక్స్, విమెన్ డామినేషన్ చుట్టూ తిరిగే ఈ యాక్షన్ ప్యాక్డ్ సిరీస్ ‘అక్క’ అక్టోబర్ 30 నుంచి ప్రముఖ ఓటీటీ ప్లాట్‌ఫామ్ నెట్‌ఫ్లిక్స్‌లో డైరెక్ట్‌గా స్ట్రీమింగ్ కానుంది. కీర్తి సురేష్‌ను ఎప్పుడూ చూడని ఒక రా అండ్ రస్టిక్ గాడ్‌మదర్ లాంటి అవతారంలో చూడటానికి ఫ్యాన్స్, మూవీ లవర్స్ ఆసక్తిగా ఎదురుచూస్తున్నారు!