Comrade Kalyan Review: వైవిధ్యమైన కథలతో పాటు కడుపుబ్బా నవ్వించే కామెడీ ఎంటర్‌టైనర్లతో ప్రేక్షకుల్లో తనకంటూ ప్రత్యేక గుర్తింపు తెచ్చుకున్న యంగ్ హీరో శ్రీవిష్ణు. ఆయన తాజాగా నటించిన పీరియాడికల్ కామెడీ డ్రామా ‘కామ్రేడ్ కళ్యాణ్’. కోన వెంకట్ సమర్పణలో, వెంకట కృష్ణ కర్నాటి, సీతా కర్నాటి నిర్మించిన ఈ సినిమాకి జానకిరామ్ మారెళ్ల దర్శకత్వం వహించారు. మహిమా నంబియార్ కథానాయికగా నటించగా, రాధికా శరత్‌కుమార్, షైన్ టామ్ చాకో, సత్య కీలక పాత్రలు పోషించారు. అక్టోబర్ 9న థియేటర్లలోకి వచ్చిన ఈ సినిమా ప్రేక్షకులను ఏ మేరకు మెప్పించిందో రివ్యూలో చూద్దాం.
కథా నేపథ్యం (Storyline)..
-
కళ్యాణ్ ప్రయాణం: ఆ ఊరి సినిమా థియేటర్‌లో ప్రొజెక్టర్ ఆపరేటర్‌గా పనిచేస్తుంటాడు కళ్యాణ్ (శ్రీవిష్ణు). ఎప్పటికైనా అదే థియేటర్‌కు యజమాని అవ్వాలనేది అతని కల. అతని తల్లి సరస్వతమ్మ (రాధికా శరత్‌కుమార్) పెద్ద బాలయ్య అభిమాని. ఫ్యాన్ వార్స్ పెట్టుకుని తరచూ పోలీస్ స్టేషన్‌కు వెళ్లడం, ఆమెను విడిపించడానికి కళ్యాణ్ నానా పాట్లు పడటం చేస్తుంటాడు.
-
ప్రేమ & అప్పుల గొడవ: అదే సమయంలో ఊర్లోకి ఒరియా భాష మాట్లాడే అమ్మాయిగా సితార (మహిమా నంబియార్) వస్తుంది. ఆమెను చూసి కళ్యాణ్ ప్రేమలో పడతాడు. అయితే, సితార కుటుంబం చేసిన అప్పుల కారణంగా బిష్వాస్ (ఉపేంద్ర లిమాయే) గ్యాంగ్ ఆమెను వెంటాడుతుంది.
-
కామ్రేడ్‌గా ఎందుకు మారాడు?: సితారను ఆపద నుంచి కాపాడే క్రమంలో కళ్యాణ్ కాస్తా ‘కామ్రేడ్ కళ్యాణ్’గా అవతారమెత్తాల్సి వస్తుంది. అసలు ఆ కథలోకి స్పెషల్ టాస్క్ ఫోర్స్ ఆఫీసర్ జార్జ్ కుట్టి (షైన్ టామ్ చాకో), నక్సలైట్ లీడర్ శంకరన్న (శత్రు), మాస్టర్ (సాయి చంద్), సత్తిబాబు (సత్య) ఎలా వచ్చారు? కళ్యాణ్ తన ప్రేయసిని దక్కించుకున్నాడా లేదా? అనేది మిగతా కథ.
విశ్లేషణ (Movie Analysis):
-
ఫస్ట్ హాఫ్: ప్రారంభ సన్నివేశాల నుంచి శ్రీవిష్ణు తనదైన మార్క్ టైమింగ్‌తో వన్ మ్యాన్ షో నడిపించాడు. థియేటర్‌లో కళ్యాణ్ , సత్యతో కలిసి చేసే హంగామా, తల్లితో వచ్చే ఎపిసోడ్స్ ప్రేక్షకులను నాన్‌స్టాప్‌గా నవ్విస్తాయి. సితారతో లవ్ ట్రాక్, ఒరియా-తెలుగు భాషల కన్‌ఫ్యూజన్ ఫన్‌ను బాగా జనరేట్ చేశాయి.
-
సెకండ్ హాఫ్: ద్వితీయార్థంలోకి వచ్చేసరికి నక్సలైట్లు, పోలీసుల మధ్య సీరియస్ డ్రామా ఉంటుందని ఆశిస్తే.. అక్కడ కూడా లాజిక్‌లతో సంబంధం లేకుండా సిల్లీ ఫన్‌తోనే కథను ముందుకు తీసుకెళ్లారు. కొన్ని సన్నివేశాలు రొటీన్‌గా, నెమ్మదించినట్లు అనిపించినప్పటికీ నవ్వులకు మాత్రం లోటు లేకుండా చూసుకున్నారు. క్లైమాక్స్‌లో హీరో ఇచ్చే స్పీచ్‌తో అందరూ మారిపోవడం వంటి పాత ఫార్ములా సీన్లు ఉన్నా, ఎంటర్‌టైన్‌మెంట్ పరంగా సినిమా పాసైపోయింది.
-
లాజిక్స్ పక్కన పెడితే: 90ల నేపథ్యం అని చెప్పినప్పటికీ పాత్రల సంభాషణలు, పంచ్‌లు, డబుల్ మీనింగ్ డైలాగులు నేటి ట్రెండ్‌కు (జెన్-జీ స్టైల్‌లో) దగ్గరగా ఉంటాయి. లాజిక్‌లు వెతక్కుండా కేవలం నవ్వుకోవడమే లక్ష్యంగా చూస్తే ఇది ఫుల్ టైమ్ పాస్ మూవీ.
నటీనటుల ప్రతిభ:
శ్రీవిష్ణు ఎప్పటిలాగే తన స్వాగ్, మేనరిజమ్స్, డైలాగ్ డెలివరీతో సినిమాను భుజాన మోశాడు. కామెడీ టైమింగ్‌లో తన మార్క్ ఏంటో మరోసారి నిరూపించుకున్నాడు. తనతోపాటు సత్య & సుదర్శన్ సత్తిబాబు పాత్రలో సత్య, అలాగే సుదర్శన్ స్క్రీన్‌పై కనిపించిన ప్రతిసారీ థియేటర్లలో నవ్వుల పువ్వులు పూయించారు.
ఇతర పాత్రలు చేసిన రాధికా శరత్‌కుమార్ బాలయ్య ఫ్యాన్‌గా ఆకట్టుకోగా.. ఉపేంద్ర లిమాయే, బలగం మురళీధర్ గౌడ్, శ్రీకాంత్ అయ్యంగార్, బ్రహ్మాజీ తమ పరిధి మేరకు మెప్పించారు. మహిమా నంబియార్, షైన్ టామ్ చాకోల పాత్రలకు పెద్దగా ప్రాధాన్యం దక్కలేదు.
సాంకేతిక విభాగం..
-
విజయ్ బుల్గానిన్ అందించిన పాటలు, నేపథ్య సంగీతం కథలోని ఫన్‌ను ఎలివేట్ చేశాయి.
-
సాయి శ్రీరామ్ సినిమాటోగ్రఫీ రిచ్‌గా ఉంది.
-
చోటా కె ప్రసాద్ ఎడిటింగ్ సెకండాఫ్‌లో కాస్త ట్రిమ్ చేసి ఉంటే కథనం మరింత వేగంగా ఉండేది. నిర్మాణ విలువలు సినిమా స్థాయికి తగ్గట్టుగా బాగున్నాయి.
ప్లస్ & మైనస్ పాయింట్లు..
-
శ్రీవిష్ణు ఎనర్జీ, సహజమైన కామెడీ టైమింగ్
-
సత్య, సుదర్శన్ అదిరిపోయే కామెడీ ట్రాక్
-
ప్రథమార్థంలో వచ్చే నాన్‌స్టాప్ ఫన్ ఎపిసోడ్స్
-
రాధికా శరత్‌కుమార్ సహా ఇతర నటీనటుల నటన
-
కథలో పెద్దగా కనిపించని 90స్ నేటివిటీ ఫీల్
-
లాజిక్ లేని సన్నివేశాలు, సీరియస్ ఎమోషన్స్ మిస్సవ్వడం
-
సెకండాఫ్‌లో అక్కడక్కడా సాగదీతగా అనిపించే సన్నివేశాలు