Indian Railways: దేశ రాజధాని న్యూఢిల్లీలో ఒక్కసారిగా ఉద్రిక్త పరిస్థితులు తారాస్థాయికి చేరాయి. ఓటర్ల జాబితా సవరణ (SIR) ప్రక్రియలో భారీ ఎత్తున అక్రమాలు జరిగాయని ఆరోపిస్తూ, కేంద్ర ప్రధాన ఎన్నికల కమిషనర్ (CEC) జ్ఞానేష్ కుమార్ వెంటనే రాజీనామా చేయాలని డిమాండ్ చేస్తూ శనివారం (అక్టోబర్ 10న) జంతర్ మంతర్ వద్ద ‘కాక్రోచ్ జనతా పార్టీ’ (CJP) మహా ధర్నాకు పిలుపునిచ్చింది. ఈ నిరసనకు అనుమతి నిరాకరించిన ఢిల్లీ పోలీసులు, కేంద్ర ప్రభుత్వం.. రాజధానిని అష్టదిగ్బంధనం చేసేందుకు అత్యంత కఠినమైన భద్రతా చర్యలు చేపట్టాయి. ఒకవైపు రైళ్ల రాకపోకలను నిలిపివేయడం, మెట్రో స్టేషన్లను మూసివేయడం.. మరోవైపు వేలాది మంది బలగాలతో సరిహద్దులను సీల్ చేయడంతో ఢిల్లీ నగరం మొత్తం హై అలర్ట్‌లోకి వెళ్లిపోయింది.
ఢిల్లీకి వచ్చే మెయిల్, ఎక్స్‌ప్రెస్ రైళ్లు రద్దు – రైల్వే శాఖ కీలక నిర్ణయం..
నాగ్‌పూర్, భోపాల్ స్టేషన్లలోనే అరెస్టులు – సీజేపీ, కాంగ్రెస్ ఆగ్రహం..
57 మెట్రో స్టేషన్ల మూసివేత – జంతర్ మంతర్ వద్ద సెక్షన్ 163..
26 వేల మంది బలగాలు – నిరంతరం అమిత్ షా పర్యవేక్షణ..
శాంతిభద్రతల పరిరక్షణ కోసం ఢిల్లీ పోలీసులు, కేంద్ర సాయుధ బలగాలు (CAPF) కలిపి ఏకంగా 26,000 మందికి పైగా సిబ్బందిని మోహరించారు. ఇందులో ఛత్తీస్‌గఢ్, పశ్చిమ బెంగాల్ రాష్ట్రాల నుంచే ప్రత్యేకంగా 7,000 మంది భద్రతా సిబ్బందిని ఢిల్లీకి తరలించారు.
రాష్ట్రపతి ముర్ముతో ‘ఇండియా’ కూటమి భేటీ – ఉద్యమ కార్యాచరణ..
-
కూటమి ఎంపీల ప్రతినిధి బృందం భారత రాష్ట్రపతి ద్రౌపది ముర్మును కలిసి ఎన్నికల సంఘం తీరుపై, ఓటర్ల జాబితా అక్రమాలపై వినతిపత్రం సమర్పించేందుకు సిద్ధమైంది.
-
మధ్యాహ్నం పార్లమెంట్‌లోని చారిత్రక ‘సంవిధాన్ సదన్’ హాల్‌లో విపక్షాలన్నీ అత్యవసరంగా సమావేశమై, సీఈసీ రాజీనామా కోసం దేశవ్యాప్త ఉద్యమాన్ని ఎలా ముందుకు తీసుకెళ్లాలనే దానిపై కీలక కార్యాచరణను ఖరారు చేయనున్నాయి.