NIA Special Court: సంచలన తీర్పు.. 9 మందికి యావజ్జీవ కారాగార శిక్ష!

NIA Special Court: ఉద్యోగాలు, ఇంకా మంచి జీతాల ఇపిస్తాం అని చెప్పి బంగ్లాదేశ్ నుంచి మహిళలను అక్రమంగా భారత్‌కు రప్పించి, వారిని బలవంతంగా వ్యభిచార కూపంలోకి నెట్టిన అంతర్జాతీయ మానవ అక్రమ రవాణా (హ్యూమన్ ట్రాఫికింగ్) కేసులో హైదరాబాద్‌లోని ఎన్‌ఐఏ ప్రత్యేక న్యాయస్థానం (NIA Special Court) సంచలన తీర్పు ఇచ్చింది. ఈ కేసులో సాక్ష్యాధారాల పరిశీలన అనంతరం నేరం రుజువు కావడంతో నిందితులుగా ఉన్న 9 మందికి జీవిత ఖైదు (యావజ్జీవ కారాగార శిక్ష) విధిస్తూ కోర్టు ఆదేశాలు జారీ చేసింది. దోషులుగా తేలిన 9 మందిలో 8 మంది బంగ్లాదేశ్ పౌరులే కావడం గమనార్హం. అదనంగా నిందితులందరికీ కలిపి మొత్తం రూ.1.37 లక్షల జరిమానా విధించారు. జరిమానా చెల్లించకపోతే మరో 3 నెలల సాధారణ జైలు శిక్ష అనుభవించాల్సి ఉంటుందని స్పష్టం చేశారు.