Trains Rescheduled: విజయవాడ రైల్వే డివిజన్ పరిధిలోని తూర్పుగోదావరి జిల్లా కొవ్వూరు రైల్వే స్టేషన్ సమీపంలో గూడ్స్ రైలు పట్టాలు తప్పడంతో ప్రధాన మార్గంలో రైళ్ల రాకపోకలకు తీవ్ర అంతరాయం ఏర్పడింది. శుక్రవారం ఉదయం ఎరువుల లోడుతో విజయవాడ వైపు వెళ్తున్న గూడ్స్ రైలుకు చెందిన 8 బోగీలు నాలుగో లైన్పై పట్టాలు తప్పాయి. దీంతో విజయవాడ వైపు వెళ్లే పలు రైళ్ల రాకపోకలకు ఆటంకం కలగగా, ప్రయాణికుల ఇబ్బందులను దృష్టిలో ఉంచుకుని కీలక ఎక్స్ప్రెస్ రైళ్ల సమయాలను దక్షిణ మధ్య రైల్వే (SCR) రీషెడ్యూల్ చేసింది.
రీషెడ్యూల్ అయిన రైళ్ల వివరాలు..
-
కాకినాడ టౌన్ – మైసూర్ ఎక్స్ప్రెస్ (నం. 17289)..ఈ రైలు ఏకంగా 300 నిమిషాలు (5 గంటలు) ఆలస్యంగా నడవనుంది. మధ్యాహ్నం 14:00 గంటలకు కాకినాడ టౌన్ నుంచి బయలుదేరుతుంది.
-
విశాఖపట్నం – సికింద్రాబాద్ వందే భారత్/ఎక్స్ప్రెస్ (నం. 20708)..120 నిమిషాలు (2 గంటలు) ఆలస్యంగా రీషెడ్యూల్ చేశారు. సాయంత్రం 16:30 గంటలకు విశాఖపట్నం నుంచి బయలుదేరనుంది.
-
కాకినాడ పోర్ట్ – లింగంపల్లి గౌతమి ఎక్స్ప్రెస్ (నం. 12737)..ఈ రైలు 120 నిమిషాలు (2 గంటలు) ఆలస్యంగా, రాత్రి 21:15 గంటలకు కాకినాడ పోర్ట్ నుంచి తన ప్రయాణాన్ని ప్రారంభిస్తుంది.
-
విశాఖపట్నం – చర్లపల్లి ఎక్స్ప్రెస్ (నం. 18527)..120 నిమిషాలు (2 గంటలు) ఆలస్యంగా, రాత్రి 19:30 గంటలకు విశాఖపట్నం నుంచి బయలుదేరుతుంది.
ట్రాక్ పునరుద్ధరణ పనులు వేగవంతం..
పట్టాలు తప్పిన ఎరువుల బోగీలను తొలగించి, దెబ్బతిన్న ట్రాక్ను పునరుద్ధరించేందుకు రైల్వే ఇంజనీర్లు, సాంకేతిక సిబ్బంది ఘటనా స్థలంలో సహాయక చర్యలు ముమ్మరం చేశారు. రైళ్ల సమయాల్లో చోటుచేసుకున్న ఈ మార్పులను గమనించి, ప్రయాణికులు తమ ప్రయాణ ప్రణాళికలను సర్దుబాటు చేసుకోవాలని రైల్వే అధికారులు విజ్ఞప్తి చేశారు.