Bigg Boss 10: బుల్లితెర ప్రేక్షకులను విశేషంగా అలరిస్తూ 9 సీజన్లను విజయవంతంగా పూర్తి చేసుకున్న రియాలిటీ షో ‘బిగ్బాస్’.. ఇప్పుడు ప్రతిష్టాత్మక 10వ సీజన్కు ముస్తాబైంది. అభిమానులు ఎంతగానో ఎదురుచూస్తున్న ‘బిగ్బాస్ తెలుగు సీజన్ 10’ ప్రారంభ తేదీని నిర్వాహకులు అధికారికంగా ప్రకటించారు. ఈ పదో సీజన్ సెప్టెంబర్ 6వ తేదీ సాయంత్రం 7 గంటలకు స్టార్ మా (Star Maa), జియో సినిమా / డిస్నీ+ హాట్స్టార్ వేదికగా అత్యంత వైభవంగా ప్రారంభం కానుంది.
ఈ సీజన్కు కూడా కింగ్ అక్కినేని నాగార్జున హోస్ట్గా వ్యవహరిస్తున్నారు. “ఈసారి ఆటలో కాదు.. ఆటే సవాలు” అంటూ విడుదల చేసిన ప్రోమో వీడియోలో సర్ప్రైజ్లు, డ్రామా, టాస్కులు అన్నీ 10 రెట్లు ఎక్కువగా ఉంటాయని స్పష్టం చేశారు.
‘దశావతారం’ వినూత్న కాన్సెప్ట్..
ఇప్పటివరకు వచ్చిన అన్ని సీజన్ల కంటే భిన్నంగా సీజన్ 10 హౌస్ను ‘దశావతారం’ అనే ప్రత్యేక థీమ్తో డిజైన్ చేశారు. ఊహించని ట్విస్టులు, సరికొత్త రూల్స్తో కంటెస్టెంట్లకు కఠిన సవాళ్లు ఎదురుకానున్నాయి.
కామనర్స్కు పెద్దపీట – ‘అగ్నిపరీక్ష సీజన్ 2’..
గత సీజన్లో కామనర్ కోటాలో అడుగుపెట్టిన కల్యాణ్ పడాల టైటిల్ విన్నర్గా నిలవడంతో.. ఈసారి కూడా సామాన్యులకు భారీ అవకాశం కల్పిస్తున్నారు.
-
అగ్నిపరీక్ష-2 ఫైనలిస్టులు: 70 మందికి పైగా పోటీ పడగా.. తుది దశకు 15 మంది ఎంపికయ్యారు. వీరిలో అమన్ మసూద్, ఝాన్సీ, శ్రష్టి వ్యాకరణి, గాయత్రి, అపూర్వ, షాలినీ, చరణ్, రాజకుమారి, రామకృష్ణ, భాగీ తుళ్లూరి, రోహిత్ నాయుడు, ప్రియాంక, మిథిలేష్, హేమంత్ యాదవ్, దీపక్ సేనాపతి ప్రచారం జరుగుతోంది. వీరిలో నుంచి దాదాపు 6 మందిని మెయిన్ హౌస్లోకి పంపే అవకాశం ఉంది.
సెలబ్రిటీ కంటెస్టెంట్ల జాబితా – ప్రచారంలో ఉన్న ప్రముఖులు..
ప్రారంభంలో సుమారు 15 మంది కంటెస్టెంట్లతో (9 మంది సెలబ్రిటీలు + 6 మంది కామనర్స్) షో మొదలుకావచ్చని, ఆ తర్వాత వైల్డ్ కార్డ్ ఎంట్రీలు ఉంటాయని సమాచారం.
-
సీరియల్ నటీనటులు: దేబ్జానీ మోదక్ (‘ఎన్నెన్నో జన్మల బంధం’ ఫేమ్), ముఖేష్ గౌడ (‘గుప్పెడంత మనసు’ ఫేమ్), చైత్ర రాయ్, పల్లవి గౌడ, తేజస్విని గౌడ, సుహాసిని.
-
కమెడియన్లు & యాంకర్లు: ఆటో రామ్ ప్రసాద్, పొట్టి నరేష్, ఎక్స్ప్రెస్ హరి, నూకరాజు, యాంకర్ వర్షిణి సౌందరాజన్, యాంకర్ సుధీర్ రెడ్డి.
-
సినీ నటులు & సోషల్ మీడియా ఇన్ఫ్లుయెన్సర్లు: కృష్ణుడు, టెంపర్ వంశీ, అదిత్ ఈశ్వరన్, సౌందర్య రెడ్డి, యూట్యూబర్ నందు, కడలి సత్యనారాయణ, మాధురి రాథోడ్, ఈశ్వర్ సాయి.
తుది జాబితాపై సెప్టెంబర్ 6న జరిగే గ్రాండ్ లాంచ్ ఎపిసోడ్లో పూర్తి అధికారిక స్పష్టత రానుంది.