Team India Scheduled: శ్రీలంకతో జరిగిన రెండు టెస్టుల సిరీస్ను 1-0తో గెలుచుకున్నప్పటికీ, ప్రపంచ టెస్ట్ ఛాంపియన్షిప్ (WTC) పాయింట్ల పట్టికలో టీమ్ ఇండియా 5వ స్థానంలో నిలిచింది. డబ్ల్యూటీసీ ఫైనల్ బెర్త్ దక్కించుకోవాలంటే భారత జట్టు సమీకరణాలు అత్యంత క్లిష్టంగా మారాయి. ఈ సైకిల్లో భారత్ ఇంకా 7 టెస్ట్ మ్యాచ్లు ఆడాల్సి ఉండగా.. ఫైనల్కు అర్హత సాధించాలంటే వాటిలో కనీసం 6 మ్యాచ్ల్లో తప్పక విజయం సాధించాలి. ఒక్క మ్యాచ్లో ఓడిపోయినా ఫైనల్ అవకాశాలు గల్లంతయ్యే ప్రమాదం ఉంది. శ్రీలంక పర్యటన ముగియడంతో భారత్కు చేరనున్న టీమిండియా.. సెప్టెంబర్ నుంచి 2027 ఫిబ్రవరి వరకు నిరంతరాయంగా ద్వైపాక్షిక సిరీస్లతో తీరికలేని క్రికెట్ ఆడనుంది.
టీమిండియా రాబోయే పూర్తి షెడ్యూల్..
-
భారత్ vs ఆఫ్ఘనిస్తాన్ (3 టీ20ల సిరీస్ – స్వదేశంలో)
-
1వ టీ20: సెప్టెంబర్ 13
-
2వ టీ20: సెప్టెంబర్ 15
-
3వ టీ20: సెప్టెంబర్ 17
-
-
భారత్ vs వెస్టిండీస్ (3 వన్డేలు, 5 టీ20లు – స్వదేశంలో)
-
వన్డే మ్యాచ్లు: సెప్టెంబర్ 27, సెప్టెంబర్ 30, అక్టోబర్ 3
-
టీ20 మ్యాచ్లు: అక్టోబర్ 6, అక్టోబర్ 9, అక్టోబర్ 11, అక్టోబర్ 14, అక్టోబర్ 17
-
-
భారత్ న్యూజిలాండ్ పర్యటన (5 టీ20లు, 5 వన్డేలు, 2 టెస్టులు)
-
టీ20 సిరీస్: అక్టోబర్ 22 నుంచి ప్రారంభం
-
వన్డే సిరీస్: నవంబర్ 4 నుంచి
-
టెస్ట్ సిరీస్ (WTC): నవంబర్ 19 నుంచి (2 టెస్టులు)(డబ్ల్యూటీసీ ఫైనల్ రేసులో నిలవాలంటే ఈ రెండు టెస్టుల ఫలితం భారత్కు అత్యంత కీలకం).
-
-
భారత్ vs శ్రీలంక (3 వన్డేలు, 3 టీ20లు – స్వదేశంలో)
-
డిసెంబర్ 13 నుంచి డిసెంబర్ 27 వరకు
-
-
భారత్ vs జింబాబ్వే (3 వన్డేల సిరీస్ – స్వదేశంలో)
-
జనవరి 3 నుంచి జనవరి 9 వరకు
-
-
భారత్ vs ఆస్ట్రేలియా (బోర్డర్-గవాస్కర్ 5 టెస్టుల సిరీస్ – స్వదేశంలో)
-
జనవరి 21 నుంచి మార్చి 3 వరకు (WTC పరిధిలోని 5 టెస్టులు)
-
డబ్ల్యూటీసీ ఫైనల్ రేసు – న్యూజిలాండ్, ఆస్ట్రేలియా సిరీస్లే కీలకం..
భారత్ ఆడాల్సిన మిగిలిన 7 టెస్టుల్లో న్యూజిలాండ్తో 2 (విదేశాల్లో), ఆస్ట్రేలియాతో 5 (స్వదేశంలో) ఉన్నాయి. న్యూజిలాండ్ గడ్డపై జరిగే రెండు టెస్టుల్లో భారత్ ఒక్క మ్యాచ్ ఓడిపోయినా ఫైనల్ రేసు నుంచి దాదాపు నిష్క్రమించినట్లే అవుతుంది. న్యూజిలాండ్పై విజయం సాధిస్తేనే, ఆ తర్వాత స్వదేశంలో ఆస్ట్రేలియాతో జరిగే 5 టెస్టుల బోర్డర్-గవాస్కర్ ట్రోఫీ సిరీస్ డబ్ల్యూటీసీ ఫైనల్ అర్హత పరంగా ఆసక్తికరంగా మారనుంది.