RGV: ఆర్జీవీ – ఊర్మిళా మాతోండ్కర్ రహస్య పెళ్లి చేసుకున్నారా?

అయితే, ఆయన సినిమాల కంటే ఎక్కువగా వ్యక్తిగత విషయాలు, సంచలన వ్యాఖ్యల ద్వారా తరచూ వార్తల్లో నిలుస్తుంటారు. తాజాగా ఆర్జీవీకి సంబంధించి ఎన్నో ఏళ్ల నాటి ఒక సంచలన రూమర్ మళ్లీ సోషల్ మీడియాలో తీవ్ర చర్చనీయాంశంగా మారింది.

ఆంధ్రప్రదేశ్‌లోని గుడిలో రహస్య వివాహం!

ఒకప్పుడు బాలీవుడ్‌లో తిరుగులేని క్రేజ్ సంపాదించిన స్టార్ హీరోయిన్ ఊర్మిళా మాతోండ్కర్ (Urmila Matondkar), రాంగోపాల్ వర్మ రహస్యంగా పెళ్లి చేసుకున్నారంటూ సీనియర్ బాలీవుడ్ జర్నలిస్ట్ జ్యోతి వెంకటేష్ (Jyoti Venkatesh) చేసిన కామెంట్లు ఇప్పుడు ప్రకంపనలు సృష్టిస్తున్నాయి.

సిద్ధార్థ్ కన్నన్ పోడ్‌కాస్ట్‌లో పాల్గొన్న జ్యోతి వెంకటేష్ ఈ విషయమై మాట్లాడుతూ..

• తెలుగు హీరో ఇచ్చిన క్లూ: “ఒకప్పుడు ఒక ప్రముఖ తెలుగు హీరో నన్ను కలిసినప్పుడు.. ‘ఆర్జీవీ, ఊర్మిళా మాతోండ్కర్ రహస్యంగా పెళ్లి చేసుకున్నారు కదా, మీరెందుకు ఆ వార్త రాయడం లేదు?’ అని అడిగారు. అంతేకాదు, ఆంధ్రప్రదేశ్‌లోని ఒక గుడిలో వారి వివాహం జరిగిందని చెబుతూ, పెళ్లి జరిపించిన పూజారి ఫోన్ నంబర్ కూడా నాకు ఇచ్చారు.”

• ఊర్మిళ స్పందన: “ఈ విషయాన్ని ప్రచురించే ముందు నేను ఊర్మిళకు ఫోన్ చేసి అడిగాను. ఆమె ఫోన్లోనే ఏడుస్తూ నాపై అసంతృప్తి వ్యక్తం చేసింది తప్ప.. పెళ్లి జరగలేదని ఎక్కడా ఖండించలేదు.”

• ఆర్జీవీ సైలెంట్: “ఇదే విషయంపై ఆర్జీవీని వివరణ కోరగా.. ఆయన మాట్లాడటానికి నిరాకరించి ‘నో కామెంట్స్’ అంటూ ఫోన్ పెట్టేశారు.”

విడిపోవడానికి కారణం అదేనా?

వీరిద్దరూ తర్వాతి కాలంలో విడిపోవడానికి గల కారణాన్ని కూడా జర్నలిస్ట్ జ్యోతి వెంకటేష్ ప్రస్తావించారు. ఊర్మిళ ఆర్జీవీని చట్టబద్ధంగా (లీగల్‌గా) పెళ్లి చేసుకోవాలని కోరుకుందని, కానీ రాంగోపాల్ వర్మ దానికి సిద్ధపడకపోవడంతోనే ఇద్దరి మధ్య విభేదాలు వచ్చి విడిపోయారని ఆయన చెప్పుకొచ్చారు.

రూమర్లకు మళ్లీ రెక్కలు!

రాంగోపాల్ వర్మ దర్శకత్వంలో వచ్చిన ‘అంతం’, ‘గాయం’, ‘రంగీలా’, ‘సత్య’ వంటి చిత్రాల్లో ఊర్మిళ హీరోయిన్‌గా నటించి మెప్పించింది. ఒకప్పుడు ఇండస్ట్రీలో అత్యంత విజయవంతమైన కాంబినేషన్‌గా నిలిచిన ఈ జంట, ఆ తర్వాత ఒక్కసారిగా కలసి పనిచేయడం మానేయడంపై అనేక ఊహాగానాలు వచ్చాయి.

అయితే, గతంలో ‘సత్య’ సినిమా రీ-రిలీజ్ సందర్భంగా ఊర్మిళ స్పందిస్తూ.. తమ మధ్య ఎలాంటి విభేదాలు లేవని స్పష్టం చేసింది. అయినప్పటికీ, సీనియర్ జర్నలిస్ట్ చేసిన ఈ తాజా వ్యాఖ్యలతో ఆర్జీవీ-ఊర్మిళల పాత ప్రేమాయణం, రహస్య పెళ్లి వార్తలు సోషల్ మీడియాలో మరోసారి వేడి పుట్టిస్తున్నాయి.