Peddi: వివాదాల మధ్య థియేటర్లలోకి వచ్చిన ‘పెద్ది’ సినిమా బాక్సాఫీస్ దగ్గర కలెక్షన్ల వర్షం కురిపిస్తోంది. ఈ సినిమాను చూసిన ప్రేక్షకులు, సినీ ప్రముఖులు పెద్ద ఎత్తున ప్రశంసలు కురిపిస్తున్నారు. ఇలాంటి సమయంలో ఐకాన్ స్టార్ అల్లు అర్జున్ సోషల్ మీడియాలో పెట్టిన ఒక పోస్ట్ ఇప్పుడు నెట్టింట తెగ వైరల్ అవుతోంది. స్వయంగా సినిమా చూసిన బన్నీ, దీనిపై తన జెన్యూన్ రివ్యూను పంచుకోవడం టాలీవుడ్లో హాట్ టాపిక్గా మారింది.
ఈ సినిమాలో గ్లోబల్ స్టార్ రామ్ చరణ్ నటన గురించి అల్లు అర్జున్ చేసిన వ్యాఖ్యలు మెగా అభిమానులను ఎంతగానో ఆకట్టుకుంటున్నాయి. చరణ్ యాక్టింగ్ చూసి తన మైండ్ బ్లాక్ అయిందని బన్నీ కొనియాడారు. ‘పెద్ది’ పాత్రలో చరణ్ చాలా సహజంగా, అద్భుతమైన నటనతో మెప్పించాడని చెప్పారు. ఈ సినిమా కోసం చరణ్ మారిన తీరు, సినిమాలో ఆయన చేసిన డ్యాన్స్ గ్రేస్ అన్నీ కలిపి ఒక పరిపూర్ణమైన నటుడిగా చరణ్ను నిలబెట్టాయని బన్నీ ప్రశంసించారు. చరణ్కు వస్తున్న ఈ సక్సెస్ ఆయన కష్టానికి దక్కిన ప్రతిఫలమేనని, తన సోదరుడి విజయం చూసి చాలా గర్వంగా ఉందని అల్లు అర్జున్ పేర్కొన్నారు.
రామ్ చరణ్తో పాటు సినిమాలో కీలక పాత్రల్లో నటించిన మిగతా నటీనటులను కూడా బన్నీ ప్రత్యేకంగా అభినందించారు. ముఖ్యంగా విలన్ పాత్రలో నటించిన జగపతి బాబు నటన సినిమాకు పెద్ద బలంగా నిలిచిందని చెప్పారు. హీరోయిన్ జాన్వీ కపూర్తో పాటు సినిమాలో నటించిన ప్రతి ఒక్కరూ తమ పాత్రలకు న్యాయం చేశారని మెచ్చుకున్నారు. కేవలం తెరపై కనిపించే వారే కాకుండా, సినిమా వెనుక ఉండి కష్టపడిన టెక్నీషియన్స్, నిర్మాతలకు కూడా బన్నీ ధన్యవాదాలు తెలిపారు.
ముఖ్యంగా ఈ చిత్ర దర్శకుడు బుచ్చిబాబు సానాపై అల్లు అర్జున్ ప్రత్యేకంగా ప్రశంసలు కురిపించారు. కథలోని ప్రతి పాత్రకు ఇంపార్టెన్స్ ఇస్తూనే, రామ్ చరణ్ క్యారెక్టర్ను అద్భుతంగా ఎలివేట్ చేసినందుకు దర్శకుడిని అభినందించారు. హీరోని మాత్రమే కాకుండా కథను, మిగతా పాత్రలను బలంగా నడిపించడమే దర్శకుడి అసలైన విజయమని బన్నీ చెప్పుకొచ్చారు. సాధారణంగా హీరోల అభిమానుల మధ్య సోషల్ మీడియాలో గొడవలు జరుగుతుంటాయి, కానీ ఒక స్టార్ హీరో మరో స్టార్ హీరో సినిమాను ఇంత ఓపెన్గా సపోర్ట్ చేస్తూ ప్రశంసించడం చూసి సినీ విశ్లేషకులు ఆనందం వ్యక్తం చేస్తున్నారు.
Watched #Peddi last night. Mind-blowing performance by my dear @AlwaysRamCharan.
A Gritty, raw performance, extraordinary body transformation, and graceful dance moves. He absolutely aced it in every aspect. Genuinely very proud of my brother. Truly deserves every bit of the…— Allu Arjun (@alluarjun) June 9, 2026