Jagga Reddy: జగ్గారెడ్డి తన రాజకీయ భవిష్యత్తుపై కీలక వ్యాఖ్యలు చేశారు. ఇక జీవితంలో ఎప్పటికీ సంగారెడ్డిలో MLAగా పోటీ చేయనని ఆయన స్పష్టం చేశారు. గతంలో ఎన్నిసార్లు పోటీ చేసినా ప్రజలు తనకు అవకాశమివ్వకపోవడంతో ఇక ఆ ఆశను పూర్తిగా వదిలేశానని తెలిపారు.
గత ఎన్నికల సమయంలో తన కోసం రాహుల్ గాంధీ వరకు వచ్చి ప్రచారం చేసినా ప్రజలు ఓడించారని జగ్గారెడ్డి పేర్కొన్నారు. అంత పెద్ద నాయకుడిని పిలిచి చివరకు ఓడిపోవడం తనకు బాధ కలిగించిందని చెప్పారు. రాహుల్ను ప్రచారానికి పిలిచి అవమానించానో అన్న భావన తనలో కలిగిందని అన్నారు.
తన ఓటమికి కారణం సంగారెడ్డిలోని మేధావులే అని వేడిగా వ్యాఖ్యానించారు. ప్రజలు, ముఖ్యంగా బుద్ధిజీవులు తాను చేస్తున్న అభివృద్ధిని, కష్టాన్ని గుర్తించలేదని ఆరోపించారు. తమనే నమ్ముతున్న వారు చివరకు దూరమయ్యారని విమర్శించారు.
ఇకపై సంగారెడ్డిలో తన భార్య నిర్మల పోటీ చేసినా కూడా అక్కడ ప్రచారంలో భాగస్వామ్యం కావనని జగ్గారెడ్డి తెలిపారు. కుటుంబం పోటీ చేసినా కూడా తన నిర్ణయం మారదని చెప్పారు.
రాష్ట్రంలోని ఇతర నియోజకవర్గాల్లో ప్రచారం చేయడానికి సిద్ధంగా ఉన్నానని, పార్టీ కోరితే అన్నిచోట్ల ప్రచారంలో పాల్గొంటానని జగ్గారెడ్డి తెలిపారు. అయితే సంగారెడ్డిలో మాత్రం తన పాదం వేయనని స్పష్టంగా ప్రకటించారు.