Yuvatha Poru: వైఎస్సార్ కాంగ్రెస్ పార్టీ యువజన విభాగం నిర్వహించిన “యువత పోరు” ర్యాలీకి ప్రజల నుంచి పెద్దగా స్పందన రాలేదు. నెల్లూరు జెడ్పీ కేంద్రం నుంచి కలెక్టరేట్ వరకు చేపట్టిన ర్యాలీకి పాల్గొన్నవారు చాలామంది కాకుండా కేవలం 40 మందే ఉండటం గమనార్హం. ప్రభుత్వం నిరుద్యోగ భృతి హామీ నెరవేర్చాలని డిమాండ్‌ చేస్తూ ఈ ర్యాలీ నిర్వహించినప్పటికీ, పోలీసుల ఉనికి చూసిన యువకులు చెల్లాచెదురయ్యారు.
జనం దృష్టి మళ్లించేందుకే ఈ ర్యాలీనా?
ఇటీవల జగన్ రెంటపాళ్ల పర్యటన సందర్భంగా ఓ కార్యకర్త గాయపడిన ఘటనపై తీవ్ర విమర్శలు వచ్చాయి. ఈ పరిస్థితి నుంచి ప్రజల దృష్టిని మళ్లించేందుకు జగన్ “యువత పోరు” ర్యాలీకి పిలుపిచ్చినట్లు రాజకీయ విశ్లేషకులు అభిప్రాయపడుతున్నారు.
ఆయన హామీలు.. హామీలే అయ్యాయి
2019లో అధికారంలోకి వచ్చేప్పుడు జగన్ ఏటా జనవరిలో జాబ్ క్యాలెండర్ ఇస్తానన్నారు. మెగా డీఎస్సీ నిర్వహిస్తానని చెప్పారు. కానీ ఐదేళ్లలో ఆ హామీల్లో ఏదీ నెరవేరలేదు. చివరకు 2023లో డీఎస్సీ ప్రకటించి ముందుకు తీసుకెళ్లకపోవడంతో యువతలో తీవ్ర అసంతృప్తి ఏర్పడింది. ఎన్నికలలో వైసీపీకి తగిన గుణపాఠం చెప్పినట్టే ఓటర్లు వ్యవహరించారు.
ఇప్పుడు చంద్రబాబు చర్యలు
ప్రస్తుత ముఖ్యమంత్రి చంద్రబాబు, తన పదవిలోకి వచ్చాక వెంటనే 16,000కు పైగా పోస్టులతో మెగా డీఎస్సీ ప్రకటించి, ఉద్యోగ అవకాశాల దిశగా తొలి అడుగు వేశారు. ఇది యువతలో విశ్వాసాన్ని కలిగించింది.
ఇది కూడా చదవండి: Crime News: మైన‌ర్ న్యూడ్ వీడియోలు రికార్డు చేసిన బాలుడు.. స్నేహితుల‌కు షేర్‌.. నిందితుల అరెస్టు
వైసీపీకి ఎదురులేని ఇబ్బందులు
జగన్ పరిపాలనలో చోటు చేసుకున్న అక్రమాలు, మద్యం స్కాంలు, బెట్టింగ్ ముఠాలు, గంజాయి మాఫియాలకు వంతుపాటుగా వ్యవహరించడం ప్రజల్లో విపరీతమైన నిరాశ, కోపాన్ని కలిగించాయి. ముఖ్య నేతలు, మాజీ మంత్రులు, అధికారులు అరెస్టులు, కేసులతో ఇబ్బందులపాలవుతుండగా.. పార్టీకి గాలిపటం లాంటి పరిస్థితి ఏర్పడింది.
వైసీపీ భవిష్యత్‌పై ప్రశ్నలు
ఇప్పుడు పార్టీ నేతలు మీడియా ముందు పెద్దగా మాట్లాడటం లేదు. గతంలో జగన్ విమర్శకులకు ఎదురు ధీటుగా స్పందించేవారు ఇప్పుడు మౌనం వహిస్తున్నారు. ఇక మహిళల పథకాలతో ప్రజలు చంద్రబాబుపై మరింత నమ్మకంతో ఉన్నారు. జగన్ పార్టీ నేతలు పార్టీ భవిష్యత్‌పై స్పష్టత లేక ఒత్తిడిలో ఉన్నారు.
ఈ నేపథ్యంలో బుధవారం వైసీపీ ఎమ్మెల్యేలు, నియోజకవర్గ ఇన్‌చార్జులతో జగన్ సమావేశం నిర్వహించనున్నారని సమాచారం. పార్టీకి కొత్త ఊపు తీసుకురావాలంటే ప్రజలకు నమ్మకమిచ్చే మార్గం వైసీపీ అనుసరించాల్సిన అవసరం ఉంది.