Kuja Dosham: జాతక చక్రంలో వివాహ స్థానంపై శని ప్రభావం ఉంటే పెళ్లి ప్రయత్నాలు వాయిదా పడుతుంటాయి. శని మందగమన గ్రహం కావడంతో ప్రతి విషయంలోనూ జాప్యం జరుగుతుంది. దీనికి పరిష్కారంగా ప్రతి శనివారం శివాలయంలో నల్ల నువ్వులతో దీపారాధన చేయాలి. ‘శని గవచం’ పఠించడం, పేదలకు ఆహారం లేదా వస్త్ర దానం చేయడం వల్ల శని ప్రసన్నుడవుతాడు. ముఖ్యంగా హనుమంతుడిని పూజించడం వల్ల శని దోషాలు తొలగి, వివాహ మార్గం సుగమం అవుతుంది.
జాతకంలో లగ్నం నుంచి 1, 2, 4, 7, 8, 12 స్థానాల్లో కుజుడు ఉన్నప్పుడు దానిని ‘కుజ దోషం’ అంటారు. దీనివల్ల వివాహ సంబంధాలు కుదరడం కష్టమవుతుంది. ఈ దోష ప్రభావం తగ్గేందుకు మంగళవారం రోజున సుబ్రహ్మణ్య స్వామిని ఆరాధించాలి.
ఇది కూడా చదవండి: Parashakti: పరాశక్తి తెలుగు రిలీజ్ వాయిదా?
‘ఓం శరవణ భవ’ అనే మంత్రాన్ని జపిస్తే మంచి ఫలితాలుంటాయి. కుజ గ్రహానికి అధిపతి అయిన కందులను దానం చేయడం, మంగళ చండికా స్తోత్రం పఠించడం ద్వారా దోష తీవ్రత తగ్గి, త్వరగా వివాహ ఘడియలు దగ్గరపడతాయి.
పురుష జాతకంలో శుక్రుడు వివాహ కారకుడు. శుక్రుడు నీచ స్థితిలో ఉన్నా, పాప గ్రహాలతో కలిసినా కళత్ర దోషం ఏర్పడి పెళ్లి ఆలస్యమవుతుంది. ఈ దోషం పోవడానికి శుక్రవారం రోజున మహాలక్ష్మిని ఆరాధించాలి. తెల్లటి వస్త్రాలు ధరించడం, మొలకలు వచ్చిన బొబ్బర్లను దానం చేయడం శుభప్రదం. లలితా సహస్రనామ పారాయణ చేస్తే శుక్ర గ్రహ దోషాలు తొలగి, వైవాహిక జీవితం సుఖమయం అవుతుంది. పరులకు సహాయం చేస్తే శుక్రుడు శుభ ఫలితాలను ఇస్తాడు.