Trump: అమెరికా అధ్యక్షుడు Donald Trump ఆరోగ్యంపై మరోసారి చర్చ మొదలైంది. స్విట్జర్లాండ్లోని దావోస్లో జరిగిన Davosలో ఆయన ఎడమ చేతి వెనుక భాగంలో గాయం కనిపించడం ఇందుకు కారణమైంది. జనవరి 22న జరిగిన కార్యక్రమంలో ఈ గాయం స్పష్టంగా కనిపించడంతో, సంబంధిత ఫొటోలు మరియు వీడియోలు సోషల్ మీడియాలో వైరల్ అయ్యాయి. దీంతో ట్రంప్ ఆరోగ్య పరిస్థితిపై ఊహాగానాలు పెరిగాయి.
ఈ విషయం గురించి ట్రంప్ వెంటనే స్పందించారు. ఎయిర్ ఫోర్స్ వన్ విమానంలో విలేకరులతో మాట్లాడుతూ, ఒక టేబుల్కు తన చేయి గట్టిగా తగిలిందని, అందుకే గాయమైందని తెలిపారు. “నేను బాగానే ఉన్నాను. గాయానికి కొంచెం క్రీమ్ రాశాను” అని ఆయన చెప్పారు. గుండె ఆరోగ్యం కోసం రోజూ అధిక మోతాదులో ఆస్ప్రిన్ తీసుకుంటున్నందున రక్తం పలుచబడుతుందని, అందువల్ల చిన్న దెబ్బలకే గాయాలు ఏర్పడుతాయని వివరించారు. డాక్టర్లు వద్దన్నా తాను రిస్క్ తీసుకోవాలని అనుకోలేదని ఆయన పేర్కొన్నారు.
వైట్ హౌస్ ప్రెస్ సెక్రటరీ Caroline Levitt కూడా ఈ విషయాన్ని ధృవీకరించారు. సంతకం చేసే సమయంలో టేబుల్ మూలకు చెయ్యి తగలడంతో గాయమైందని ఆమె చెప్పారు. ట్రంప్ రోజూ 325 మిల్లీగ్రాముల ఆస్ప్రిన్ తీసుకుంటున్నారని, దీని వల్ల సులభంగా గాయాలయ్యే అవకాశం ఉందని వైట్ హౌస్ వర్గాలు పేర్కొన్నాయి. సాధారణంగా వైద్యులు 75–100 మిల్లీగ్రాముల ఆస్ప్రిన్ మాత్రమే సిఫార్సు చేస్తారని తెలిపారు.
గతంలో కూడా ట్రంప్ చేతులపై ఇలాంటి గాయాలు కనిపించిన సందర్భాలు ఉన్నాయి. అప్పట్లో వాటిని మేకప్ లేదా బ్యాండేజ్లతో కప్పి ఉంచినట్లు వార్తలు వచ్చాయి. గత ఏడాది జరిగిన హత్యాయత్నం తర్వాత ఆయన పూర్తిస్థాయి వైద్య రికార్డులను విడుదల చేయకపోవడంతో, ట్రంప్ ఆరోగ్యం విషయంలో పారదర్శకతపై ప్రశ్నలు తలెత్తుతున్నాయి.