Terrorist Arrested: శ్రీ సత్యసాయి జిల్లా ధర్మవరంలో ఉగ్రకదలికలు వెలుగులోకి రావడంతో కలకలం రేగింది. స్థానిక పోలీసులు, నిఘా సంస్థల సమన్వయంతో అరెస్ట్ చేసిన నూర్ మహమ్మద్ (40) జైషే మహ్మద్ ఉగ్రసంస్థతో సంబంధాలున్నట్లు దాదాపుగా నిర్ధారణ అయింది.
పాక్ వాట్సాప్ గ్రూపుల్లో నూర్ చురుకుగా
ఎన్ఐఏ, ఐబీ వర్గాలు నూర్పై చేసిన విచారణలో షాకింగ్ విషయాలు బయటపడ్డాయి. నిషేధిత ఉగ్రసంస్థ జైషే మహ్మద్కు చెందిన వాట్సాప్ గ్రూపుల్లో నూర్ సభ్యుడిగా ఉండడమే కాకుండా, అక్కడి నెంబర్లకు అతని నుంచి కాల్స్ వెళ్లినట్లు గుర్తించారు. అంతేకాదు, ముస్లిం యువతను ఉగ్రవాద మార్గంలోకి మళ్లించేలా ప్రేరేపించే వ్యాఖ్యలు చేసినట్లు కూడా దర్యాప్తులో తేలింది.
కోట ఏరియాలో సోదాలు – 16 సిమ్ కార్డులు స్వాధీనం
ధర్మవరంలోని కోట ఏరియాలో నివసిస్తున్న నూర్ ఇంటిపై ఎన్ఐఏ అధికారులు దాడి చేసి, 16 సిమ్ కార్డులు స్వాధీనం చేసుకున్నారు. నూర్ ఒక స్థానిక హోటల్లో వంటమనిషిగా పనిచేస్తున్నట్లు సమాచారం. ప్రస్తుతానికి అతన్ని రహస్య ప్రదేశంలో అధికారులు కఠిన విచారణకు లోనుచేస్తున్నారు.
ఇది కూడా చదవండి: Bob Simpson: ఆస్ట్రేలియా క్రికెట్లో విషాదం.. మాజీ కెప్టెన్ కన్నుమూత
పోలీసుల అధికారిక స్పందన
ఈ ఘటనపై ధర్మవరం డీఎస్పీ నరసింగప్ప మాట్లాడుతూ –
“నూర్ను స్థానిక పోలీసులు మొదట అదుపులోకి తీసుకున్నారు. అతను నిషేధిత ఉగ్రసంస్థలకు చెందిన గ్రూపుల్లో సభ్యుడిగా ఉన్నట్లు స్పష్టత వచ్చింది. అనుమానాస్పదంగా ఉండటంతో విచారణ కొనసాగుతోంది,” అని తెలిపారు.
జైషే మహ్మద్ గురించి
జైషే మహ్మద్ (Jaish-e-Mohammed) అనేది 2000లో మౌలానా మసూద్ అజహర్ స్థాపించిన పాకిస్తాన్ కేంద్రిత ఉగ్రవాద సంస్థ. భారత్పై ఉగ్రదాడులు చేయడమే దీని లక్ష్యం. ఇప్పటి వరకు ఈ సంస్థ –
-
2001 పార్లమెంట్ దాడి
-
2016 పఠాన్కోట్ దాడి
-
2019 పుల్వామా దాడి
లాంటివి నిర్వహించింది. ఐక్యరాజ్యసమితి కూడా మసూద్ అజహర్ను అంతర్జాతీయ ఉగ్రవాదిగా గుర్తించింది.
ధర్మవరంలో నూర్ అరెస్టు, అతని లింకుల వెలుగులోకి రావడం స్థానిక ప్రజల్లో ఆందోళన కలిగిస్తోంది. అధికారులు ఇంకా మరిన్ని వివరాలు సేకరిస్తుండటంతో, ఈ ఘటనపై మరిన్ని సంచలన అంశాలు బయటపడే అవకాశం ఉంది.