TVK Vijay: తమిళనాడు అసెంబ్లీ ఎన్నికల కౌంటింగ్కు ఇంకా ఒక్కరోజే ఉండడంతో టీవీకే పార్టీ అధినేత విజయ్ తన వ్యూహాలకు పదును పెట్టారు. రాష్ట్రంలో హంగ్ ఏర్పడే అవకాశం ఉందన్న ఎగ్జిట్ పోల్స్ అంచనాల నేపథ్యంలో, తన పార్టీ అభ్యర్థులను కాపాడుకునేందుకు ఆయన ‘రిసార్ట్ రాజకీయాల’కు శ్రీకారం చుట్టారు.
పూంజేరి రిసార్ట్కు క్యూ కట్టనున్న అభ్యర్థులు?
ఎన్నికల ఫలితాల తర్వాత అభ్యర్థులు ఇతర పార్టీల ప్రలోభాలకు లోనుకాకుండా ఉండేందుకు విజయ్ పటిష్టమైన చర్యలు తీసుకుంటున్నారు.
కౌంటింగ్కు ఒక రోజు ముందుగానే మహాబలిపురంలోని పూంజేరి రిసార్ట్ను పార్టీ వర్గాలు బుక్ చేశాయి. ఎన్నికల్లో విజయం సాధించిన అభ్యర్థులు ఎక్కడికీ వెళ్లకుండా నేరుగా రిసార్ట్కే రావాలని విజయ్ కఠిన ఆదేశాలు జారీ చేసినట్లు తెలుస్తోంది. పార్టీ కార్యదర్శి ఆదవ్ ఆర్జున, మాజీ మంత్రి సేంగోటియన్లతో కలిసి విజయ్ ప్లాన్-బీని అమలు చేస్తున్నారు.
రేపే ఐదు రాష్ట్రాల ఎన్నికల ఫలితాలు
మరోవైపు, దేశవ్యాప్తంగా ఉత్కంఠ రేపుతున్న ఐదు రాష్ట్రాల అసెంబ్లీ ఎన్నికల ఫలితాలు రేపు (సోమవారం) వెలువడనున్నాయి.
-
లెక్కింపు ప్రారంభం: తమిళనాడు, పశ్చిమ బెంగాల్, కేరళ, అస్సాం మరియు పుదుచ్చేరిలలో రేపు ఉదయం 8 గంటల నుండి ఓట్ల లెక్కింపు ప్రారంభమవుతుంది.
-
ముఖ్యమంత్రుల భవితవ్యం: ఈ ఫలితాలతో మమతా బెనర్జీ (పశ్చిమ బెంగాల్), ఎం.కె. స్టాలిన్ (తమిళనాడు), పినరయి విజయన్ (కేరళ)ల రాజకీయ భవిష్యత్తు తేలనుంది.
-
భారీ పోలింగ్: గతంలో కంటే ఈసారి ఆయా రాష్ట్రాల్లో రికార్డు స్థాయిలో ఓటింగ్ నమోదు కావడం విశేషం.
ఎగ్జిట్ పోల్స్ ఫలితాలు మిశ్రమంగా ఉండటంతో, ఈ రాష్ట్రాల్లో అధికార పీఠాన్ని ఎవరు దక్కించుకుంటారనే దానిపై సర్వత్రా ఉత్కంఠ నెలకొంది. ముఖ్యంగా తమిళనాడులో విజయ్ టీవీకే పార్టీ కింగ్ మేకర్గా మారుతుందా లేదా అన్నది మరికొద్ది గంటల్లో తేలిపోనుంది.