Kiwi: కివి పండ్లు ఆరోగ్యానికి చాలా మంచివి. ఒక్క మాటలో చెప్పాలంటే, ఇది పోషకాల గని. కివి పండులో విటమిన్ సి, విటమిన్ కె, విటమిన్ ఇ, ఫోలేట్, పొటాషియం, ఫైబర్ సహా యాంటీఆక్సిడెంట్లు పుష్కలంగా ఉన్నాయి. ఈ పండ్లను క్రమం తప్పకుండా తినడం వల్ల రోగనిరోధక శక్తి పెరుగుతుంది. అంతేకాకుండా ఇది చర్మాన్ని ఆరోగ్యంగా ఉంచుతుంది. గుండె జబ్బుల ప్రమాదాన్ని తగ్గిస్తుంది. ఇది బరువు తగ్గడానికి కూడా సహాయపడుతుంది. వీటన్నింటితో పాటు, అనేక ఇతర ఆరోగ్య ప్రయోజనాలు కూడా ఉన్నాయి.
గుండె ఆరోగ్యానికి మంచిది :
కివి పండులో విటమిన్ సి పుష్కలంగా ఉంటుంది. కాబట్టి ఇది రోగనిరోధక శక్తిని బలోపేతం చేయడానికి, ఇన్ఫెక్షన్లతో పోరాడటానికి, శరీర కణాలను దెబ్బతినకుండా కాపాడటానికి సహాయపడుతుంది. అదనంగా కివి పండ్లలో పొటాషియం ఉంటుంది. ఇది రక్తపోటును నియంత్రిస్తుంది. ఈ పండ్లలోని ఫైబర్, యాంటీఆక్సిడెంట్లు గుండె ఆరోగ్యానికి కూడా మంచివి.
మంచి నిద్రకు :
కివి పండ్లలో ఫైబర్ పుష్కలంగా ఉంటుంది. ఇది మలబద్ధకాన్ని నివారించడంలో సహాయపడి..జీర్ణక్రియను మెరుగుపరుస్తుంది. అదనంగా ఈ పండులో ఆక్టినిడిన్ అనే ఎంజైమ్ ఉంటుంది. ఇది ప్రోటీన్లను విచ్ఛిన్నం చేయడంలో సహాయపడి..జీర్ణక్రియను సులభతరం చేస్తుంది. కివి పండులోని న్యూరోట్రాన్స్మిటర్ సెరోటోనిన్ నిద్రను ప్రోత్సహిస్తుంది. కొన్ని అధ్యయనాల ప్రకారం కివి పండు తినడం వల్ల నిద్ర నాణ్యత మెరుగుపడుతుంది. నిద్రలేమితో బాధపడేవారికి ఇది మంచి నివారణ.
ఆస్తమాకు చెక్ :
కివి పండులోని విటమిన్ సి, యాంటీఆక్సిడెంట్లు ఆస్తమా లక్షణాలను తగ్గించడంలో సహాయపడతాయి. కొన్ని అధ్యయనాల ప్రకారం కివి పండు తినడం వల్ల శ్వాస ఆడకపోవడం, దగ్గు వంటివి తగ్గుతాయి. అంతే కాకుండా కివి పండ్లలో యాంటీఆక్సిడెంట్లు, ఇతర ఫైటోకెమికల్స్ ఉంటాయి. ఇవి క్యాన్సర్ కణాల పెరుగుదలను నిరోధించడంలో సహాయపడతాయి. కొన్ని అధ్యయనాల ప్రకారం కివి పండు తినడం వల్ల కొన్ని రకాల క్యాన్సర్ల ప్రమాదాన్ని తగ్గించవచ్చు.
బరువు తగ్గాలనుకునే వారికి :
కివి పండులో కేలరీలు తక్కువగా ఉండి ఫైబర్ అధికంగా ఉంటుంది. బరువు తగ్గడానికి ప్రయత్నిస్తున్న వారికి ఇది గొప్ప ఆహారం. ఫైబర్ మిమ్మల్ని ఎక్కువ కాలం పాటు కడుపు నిండుగా ఉంచుతుంది. అంతేకాకుండా అతిగా తినడాన్ని తగ్గిస్తుంది. ఈ పండ్లు తక్కువ గ్లైసెమిక్ సూచికను కలిగి ఉంటాయి. దీని అర్థం అవి రక్తంలో చక్కెర స్థాయిలను అంత త్వరగా పెంచవు. డయాబెటిస్ ఉన్నవారికి లేదా రక్తంలో చక్కెర స్థాయిలను నియంత్రించాలనుకునే వారికి ఇది మంచి ఆహారం.
కంటి ఆరోగ్యానికి మంచిది :
కివి పండ్లలో లుటిన్, జియాక్సంతిన్ వంటి యాంటీఆక్సిడెంట్లు ఉంటాయి. ఇవి కంటి ఆరోగ్యానికి చాలా మంచివి. ఇవి వయస్సు సంబంధిత మాక్యులర్ డీజెనరేషన్, కంటిశుక్లం వంటి సమస్యల ప్రమాదాన్ని తగ్గించడంలో సహాయపడతాయి. కివి పండులోని విటమిన్ సి, యాంటీఆక్సిడెంట్లు చర్మాన్ని ఆరోగ్యంగా ఉంచడంలో సహాయపడతాయి.