Operation Sindoor: ఉగ్రవాదానికి గట్టి బుద్ధి చెప్పిన భారత్, పహల్గామ్ ఉగ్రదాడికి శక్తివంతమైన ప్రతీకారంగా ఆపరేషన్ సింధూర్ పేరుతో పాకిస్థాన్, పాక్ ఆక్రమిత కాశ్మీర్‌లో ఉన్న తొమ్మిది ఉగ్ర స్థావరాలను ధ్వంసం చేసింది. భారత సాయుధ దళాలు బహవల్‌పూర్‌లో జైష్-ఎ-మొహమ్మద్, మురిడ్కేలో లష్కరే తోయిబా స్థావరాలపై క్షిపణులతో విరుచుకుపడ్డాయి. మొత్తం 100 మంది ఉగ్రవాదులు హతమైనట్లు సమాచారం.
దేశవ్యాప్తంగా హర్షం – ప్రముఖుల నుంచి మద్దతు
ఈ ఆపరేషన్‌పై రాజకీయ నేతలు, ప్రజలు, సామాజిక మాధ్యమాల్లో “జై హింద్”, “మేరా భారత్ మహాన్” అంటూ స్పందిస్తున్నారు.
రాహుల్ గాంధీ స్పందన
ప్రతిపక్ష నాయకుడు రాహుల్ గాంధీ ఈ ఆపరేషన్‌పై ట్వీట్ చేస్తూ, “మన భారత సాయుధ బలగాలను చూసి గర్విస్తున్నా. జై హింద్” అని పేర్కొన్నారు. ఉగ్రవాదంపై భారత స్థిరమైన వైఖరికి ఆయన మద్దతు తెలిపారు.
సీఎం రేవంత్ రెడ్డి ట్వీట్ & సమీక్ష
తెలంగాణ ముఖ్యమంత్రి రేవంత్ రెడ్డి కూడా స్పందించారు. “భారత ఆర్మీ చేసిన మెరుపుదాడులు ప్రతి భారతీయుడినీ గర్వపడేలా చేస్తున్నాయి. సాయుధ బలగాలకు ఎల్లప్పుడూ మద్దతుగా నిలుస్తాం. జై హింద్” అని ట్వీట్ చేశారు.
Also Read: Operation Sindoor: ఆపరేషన్ సింధూర్‌పై దేశవ్యాప్తంగా హర్షం – సినీ, వ్యాపార ప్రముఖుల స్పందన.!
Operation Sindoor: అంతేగాక, ఆపరేషన్ నేపథ్యంలో అప్రమత్తంగా వ్యవహరించేందుకు ఆయన అత్యవసర సమీక్ష సమావేశం ఏర్పాటు చేశారు. పోలీస్, ఆర్మీ, డిజాస్టర్ మేనేజ్‌మెంట్ అధికారులతో ఉదయం 11 గంటలకు కమాండ్ కంట్రోల్ సెంటర్లో సమీక్ష జరగనుంది. ఢిల్లీలో ఉన్న డిప్యూటీ సీఎం భట్టి విక్రమార్కను హుటాహుటిన హైదరాబాద్ రావాలని కోరారు. అన్ని విభాగాల అధికారులను అప్రమత్తం చేశారు. సాయంత్రం జరగనున్న మాక్ డ్రిల్‌ను సీఎం స్వయంగా పర్యవేక్షించనున్నారు.
ఈ చర్యలన్నీ భారత్ ఉగ్రవాదానికి ఎంత గట్టి సమాధానం ఇస్తుందో స్పష్టంగా చూపిస్తున్నాయి. సైన్యానికి నెట్టింట్లో మద్దతు వెల్లువగా మారింది.ఈ ఆపరేషన్‌కి సంబంధించి #IndiaPakistanWar అని టాప్‌లో ట్రెండ్‌ అవుతోంది #OperationSindoor అనే హ్యాష్‌ట్యాగ్‌లు ఎక్స్‌ (పూర్వంలో ట్విట్టర్)లో టాప్ ట్రెండ్‌గా మారాయి. ప్రజలు సైన్యం పై గర్వంతో స్పందిస్తున్నారు.
Proud of our Armed Forces. Jai Hind!
— Rahul Gandhi (@RahulGandhi) May 7, 2025
As an Indian citizen first, standing strongly with our armed forces.
The strikes against terror factories in Pakistan & PoK make us proud.
Let us make this a moment for national solidarity and unity, and all of us speak in one voice – Jai Hind!#OperationSindoor
— Revanth Reddy (@revanth_anumula) May 7, 2025